ಹುತ್ತರೀದುರ್ಗದ ಗುಹೆ

ಹುತ್ತರೀದುರ್ಗದ ಬೆಟ್ಟದ ತುದಿಗೆ

ಹತ್ತುವ ಮಾರ್ಗದ ಗುಹೆಗೆ

ಕವಿದಿದೆ ಕತ್ತಲೆ ಒಳಗೆ

ಹೊಕ್ಕು ಹತ್ತಿದರೆ ಮೆಲ್ಲಗೆ

ಕಾಣ್ವದು ಬೆಳಕಿನ ಕಿಂಡಿಯ ಜಾಗೆ

ಇದ್ದರೆ ಮೈ ತುಸು ಸಣ್ಣಗೆ

ನುಸುಳಲು ಬಹುದು ಕಿಂಡಿಯ ಒಳಗೆ

ಹೊರಬಂದು ನೋಡಲು ಹೊರಗೆ

ಕಲ್ಲು ಕಾಣುವುದು ಛಾವಣಿಯ ಹಾಗೆ

ಮೊಗದಲ್ಲಿ ಇಣುಕುವುದು ಕಿರುನಗೆ

ಮೇಲೆ ಹತ್ತಿದರೆ ಕಲ್ಲಿಗೆ ತಲೆಚಚ್ಚಿಕೊಳ್ಳದಂಗೆ!

ಮಳೆ

ಮುಗಿಲಿನ ಅಂಚಲಿ ಕಾಣಲು ಮಿಂಚು

ಮೋಡವು ಗುಡುಗಿತು ಗುಡುಗುಡನೆ

ಮಳೆಯಲಿ ಸಿಕ್ಕರೆ ನಮಗೆ ತೊಂದರೆ

ಜನ ಮನೆಗೋಡಿತು ದುಡುದುಡನೆ

ಕಪ್ಪೇರಿದ ಮೋಡ ಮೇಲೇರಿತು ನೋಡ

ಮಳೆಯದು ಸುರಿಯಿತು ರಪರಪನೆ

ಭೂಮಿಗೆ ಜಳಕ ಮನದಲಿ ಪುಳಕ

ನೀರದು ಹರಿಯಲು ಜುಳುಜುಳನೆ