ಬೋರ್ವೆಲ್

ಬೋರ್ವೆಲ್ ಡ್ರಿಲ್ಲು

ಎಬ್ಬಿಸಿದೆ ಗುಲ್ಲು

ಧೂಳು ಎಲ್ಲೆಲ್ಲು

ಶಾಂತಿಗೆ ಕಲ್ಲು

ನೀರು ಬಂದ್ರೆ ಥ್ರಿಲ್ಲು

ಇಲ್ದಿದ್ರೆ ಹಣಪೋಲು

ಜೀವನ

ಅರ್ಥವಾಗದವು ಬಹಳಷ್ಟಿದವೆ ಜಗದಲ್ಲಿ ನೋಡಾ

ಅರ್ಥವಾದವು ವಿರಳವು ನೋಡಾ

ಅರ್ಥವಾದುವಕೆ ಗೂಡಾರ್ಥವು ನೋಡಾ

ಗೂಡಾರ್ಥಗಳೊಡನಾಟವೇ ಜೀವನವು ನೋಡಾ

ರಾಷ್ಟ್ರೀಯ ತೋಟಗಾರಿಕೆ ಮೇಳ 2020

ಹೆಸರಘಟ್ಟದ ರಾಷ್ಟ್ರೀಯ ತೋಟಗಾರಿಕೆ ಮೇಳ

ವಿಧವಿಧ  ಹೂ ತರಕಾರಿ ಬೆಳೆ ಪ್ರದರ್ಶನದ ಸಮ್ಮೇಳ

ಒಂದೆಲಗ ಟಿಂಕ್ಚರ್ ಗಿಡ ಸಾಸಿವೆ ಮೆಕ್ಕೆಜೋಳ

ಅವರೆ  ಕ್ಯಾರೆಟ್ ಸೋರೆಕಾಯಿ ಈರುಳ್ಳಿ ಕುಂಬಳ

ಬಂದಿದೆ ಹೊಸಬಗೆಯ ತರಕಾರಿ ಚೀನಿಕಾಯಿ

ಮಂಗಳೂರು ಕಡೆ ಸಿಗುವ ಕಹಿಯಿಲ್ಲದ ಹಾಗಲಕಾಯಿ 

ಇಲ್ಲಿದೆ ಮಣ್ಣಿಲ್ಲದೆ ಬೆಳೆ ತೆಗೆಯುವ ಹೊಸ ವಿಧಾನ

ತೆಂಗಿನ ತವಡಲ್ಲಿ  ಬೆಳೆದಿರುವರು ವಿವಿಧ ತರಕಾರಿಗಳನ್ನ

ಬಣ್ಣಬಣ್ಣದ ಗ್ಲ್ಯಾಡಿ ಯೋಲಸ್ ಗುಲಾಬಿ ಸೇವಂತಿಗೆ

ಡ್ರ್ಯಾಗ್ ನ್ ಪ್ರುಟ್ ಮತ್ತಿತರ ಸಸ್ಯಗಳು ಔಷಧಿ ಗೆ

ಇತ್ತೀಚಿಗೆ ತೋಟಕೆ  ಬಂದಿದೆ ದೀಪದ ಬಲೆಯ ಚಲಾವಣೆ 

ರಾಸಾಯನಿಕ ಇಲ್ಲದೆ  ಬೆಂಡೆಬದನೆ ಕೀಟಗಳ ನಿರ್ವಹಣೆ

ಎಲ್ಲರಿಗೂ ಫ್ರೀ  ಬಿಸಿಬೇಳೆ ಮೊಸರನ್ನದ ಬಿಸಿಯೂಟ

ಫ್ರೀಯಾಗಿ ಒಳಹೋಗಿ ಬರಲು ಶಟಲ್ ಗಾಡಿಗಳ ಓಡಾಟ

 ನೋಡ ಬಂದವರಿಗೆ ದೊರಕಿದೆ ಹೊಸ ಅನುಭವ

 ಸಿಕ್ಕಿದೆ ಹೆಸರಘಟ್ಟದ  ಹಸಿರಿನಲಿ ಕಳೆವ ಕ್ಷಣವ

ಬಿರಿದ ಬೀಜ

ಬಿರಿಯುವ ಬೀಜವ ನೋಡಲ್ಲಿ

ಬರಿಗಣ್ಣಿಗೆ ಕಾಣದ ಪರಿಯಲ್ಲಿ

ಬೀಜವ ಬಿತ್ತಲು ಗೆರೆಯಲ್ಲಿ

ನಿಂತಿವೆ ಸಸಿ ಸಾಲಲ್ಲಿ

ಎಂಥಹ  ಸೋಜಿಗ ಜಗದಲ್ಲಿ

ವರ್ಣಿಸಲಸದಳ  ಮಾತಲ್ಲಿ

ತಳಮಳ ತುಂಬಿದ  ಮನದಲ್ಲಿ

ಹಾಸಿದೆ ಹಸಿರಿನ ರಂಗವಲ್ಲಿ

ಊಟ ಸ್ನಾನ ಮತ್ತು ಆರೋಗ್ಯ

ಒಡಲು ಹಸಿಯದೆ ಉಂಡರೆ ಏನು ಸುಖ?

ದೇಹ ಬೆವರದೆ ಮಿಂದರೆ ಅಲ್ಪಸುಖ

ಇರುವ ಸುತ್ತಣವ  ಶುಚಿಗೊಳಿಸಿ

ಕೈಗೆ ಮಣ್ಣ ಅಂಟಿಸಿ ಬೆವರನು ಹರಿಸಿ

ದೇಹವ ದಂಡಿಸಿ ಒಡಲನು ಸಡಿಲಿಸಿ

ಬೆವರಿ  ಮಿಂದರೆ ಪರಮಸುಖ

ಹಸಿದು ಉಂಡರೆ ಆರೋಗ್ಯದ ಕಡೆ ಮುಖ