ಕತ್ತಲೆಯಲ್ಲಿ ಹೋಗದಿರು
ಗಿಡಗಳನ್ನು ಮುಟ್ಟದಿರು
ಹುಳಗಳಿದ್ದರೆ ಕಚ್ಚುವವು
ಮುಳ್ಳುಗಳಿದ್ದರೆ ಚುಚ್ಚುವವು
ಮಳೆಯಲಿ ನೀನು ನೆನೆಯದಿರು
ಮರಗಳ ಕೆಳಗೆ ನಿಲ್ಲದಿರು
ನೆನೆದರೆ ಮೂಗು ಇಳಿಯುವುದು
ಮರಗಳಿಗೆ ಸಿಡಿಲು ಬಡಿಯುವುದು
ರಣರಣ ಬಿಸಿಲಲಿ ತಿರುಗದಿರು
ಐಸ್ ಕ್ಯಾಂಡಿಯನು ತಿನ್ನದಿರು
ಬಿಸಿಲಲಿ ತಲೆ ಸುತ್ತ ತಿರುಗುವುದು
ಐಸ್ ಕ್ಯಾಂಡಿ ಗಂಟಲು ಕಟ್ಟುವುದು
ಚಳಿಗಾಳಿಯಲಿ ಆಡದಿರು
ಮಣ್ಣಾಟಕೆ ಕೈ ಹಾಕದಿರು
ಚಳಿಯಲಿ ಕೆಮ್ಮುಂಟಾಗುವುದು
ಮಣ್ಣಾಟದಿ ತ್ವಚೆ ಬಿರಿಯುವುದು
ಪಾಲಿಸು ಮೇಲಿನ ಸಲಹೆಗಳ
ಶುಚಿಯಾಗಿಟ್ಟುಕೊ ಕೈಗಳ
ಆರೋಗ್ಯದಿ ನೀ ಬಾಳುವೆ
ಬಲಶಾಲಿಯಾಗಿ ಬೆಳೆಯುವೆ
