ಚೊಕ್ರಮುಡಿಯ ಚಾರಣ

ಚೊಕ್ರಮುಡಿಯ ಅರಳಿ ನಿಂತ ನೀಲಕುರಿಂಜಿಯ ಶೃಂಗಾರ
ಪ್ರಕೃತಿಯು ನೀಲಕಂಠನ ಮುಡಿಗೆ ಮಾಡಿದ ಅಲಂಕಾರ
ಕಣ್ಣಳತೆಗೂ ನಿಲುಕದಂತೆ ವಿಸ್ತರಿಸಿಹುದು ನೀಲಸಾಗರ

ಅದ್ಭುತ, ವಿಸ್ಮಯ, ಪ್ರಕೃತಿಯು ಅಚ್ಚರಿಗಳ ಆಗರ

ಹನ್ನೆರಡು ಸಂವತ್ಸರಗಳ ಅಂತರದಿ ಕಾಣುವ ಈ ಶೃಂಗಾರ
ಕೆಲವು ಮಾಸಗಳ ಕಾಲ ಮಾತ್ರ ತೋರುವುದು ತನ್ನ ವೈಯ್ಯಾರ
ನೋಡಲು ಸೇರಿಹುದು ಊಹೆಗೂ ನಿಲುಕದ ಜನಸಾಗರ 

ತಮ್ಮ ಜೀವನಾನುಭವಕ್ಕೆ ಸೇರಿಸಲು ಹೊಸ ವಿಚಾರ

ನೀಲಾಕಾಶದ ಅಂಚಿನ ಗಿರಿ ಶಿಖರ 
ಮೇಘಾವೃತವಾದ ಗಿರಿ ಕಂದರ
ಚಹಾ ತೋಟಗಳ ಹಸಿರ ಚಿತ್ತಾರ

ಕಣ್ಣೆರಡು ಸಾಲದು ನೋಡಲು ಈ ಸೌಂದರ್ಯದ ಸಾಗರ