ಮಕ್ಕಳ ಕಾಳಜಿ

ಕತ್ತಲೆಯಲ್ಲಿ ಹೋಗದಿರು

ಗಿಡಗಳನ್ನು ಮುಟ್ಟದಿರು

ಹುಳಗಳಿದ್ದರೆ ಕಚ್ಚುವವು

ಮುಳ್ಳುಗಳಿದ್ದರೆ ಚುಚ್ಚುವವು

ಮಳೆಯಲಿ ನೀನು ನೆನೆಯದಿರು

ಮರಗಳ ಕೆಳಗೆ ನಿಲ್ಲದಿರು

ನೆನೆದರೆ ಮೂಗು ಇಳಿಯುವುದು

ಮರಗಳಿಗೆ ಸಿಡಿಲು ಬಡಿಯುವುದು

ರಣರಣ ಬಿಸಿಲಲಿ ತಿರುಗದಿರು

ಐಸ್ ಕ್ಯಾಂಡಿಯನು ತಿನ್ನದಿರು

ಬಿಸಿಲಲಿ ತಲೆ ಸುತ್ತ ತಿರುಗುವುದು

ಐಸ್ ಕ್ಯಾಂಡಿ ಗಂಟಲು ಕಟ್ಟುವುದು

ಚಳಿಗಾಳಿಯಲಿ ಆಡದಿರು

ಮಣ್ಣಾಟಕೆ ಕೈ ಹಾಕದಿರು

ಚಳಿಯಲಿ ಕೆಮ್ಮುಂಟಾಗುವುದು

ಮಣ್ಣಾಟದಿ ತ್ವಚೆ ಬಿರಿಯುವುದು

ಪಾಲಿಸು ಮೇಲಿನ ಸಲಹೆಗಳ

ಶುಚಿಯಾಗಿಟ್ಟುಕೊ ಕೈಗಳ

ಆರೋಗ್ಯದಿ ನೀ ಬಾಳುವೆ

ಬಲಶಾಲಿಯಾಗಿ ಬೆಳೆಯುವೆ

ವಿಶ್ವ ಪರಿಸರ ದಿನ

ಇಂದು ವಿಶ್ವ ಪರಿಸರ ದಿನ

ಬಲು ಸೂಕ್ಷ್ಮ ನೈಸರ್ಗಿಕ ವಾತಾವರಣ

ಅಡಗಿದೆ ಅದರೊಳು ಸಮತೋಲನ

ಆಗಲು ಮಾನವನ ಬುದ್ಧಿ ವಿಕಸನ

ತಪ್ಪಿದೆ ಅನಾದಿಕಾಲದ ಸಮತೋಲನ

ನಮ್ಮದು ಕ್ಷಣ ಮಾತ್ರದ  ಜೀವನ

ಕೈಲಾದಷ್ಟು ಗಿಡಮರಗಳ ಬೆಳೆಸೋಣ

ಬಳುವಳಿಯಾಗಿ ಸಿಕ್ಕ ಹಸಿರ ಹೆಚ್ಚಿಸೋಣ

ವಾತಾವರಣದ ಕಾಳಜಿ ಮಾಡೋಣ

ಸಿಕ್ಕಿದ್ದಕ್ಕಿಂತ ಚೆನ್ನಾಗಿಸಿ ಹೊರಡೋಣ