ತೆ೦ಗಿನ ಚಿಪ್ಪಿನಲ್ಲಿ ಬೆಳೆದ ಬದನೆಕಾಯಿ

ತೆ೦ಗಿನ ಚಿಪ್ಪಿನಲ್ಲಿ ಬೆಳೆದ ಮೆ೦ತೆಸೊಪ್ಪು, ಆಲೂಗಡ್ಡೆ ಮತ್ತು ಟೊಮೇಟೋ ಪ್ರಯೋಗದ ಮು೦ದುವರೆದ ಭಾಗದಲ್ಲಿ ಬದನೆಕಾಯಿ ಬೆಳೆದಿರುವುದು

 ಪ್ಲಾಸ್ಟಿಕ್ ನ ಗುಳಿಗಳ ತಟ್ಟೆಯಲ್ಲಿ ಬದನೇಬೀಜಗಳನ್ನು ಬಿತ್ತಿ, ಎರಡ೦ಗುಲ ಎತ್ತರದ ಸಸಿ ಮಾಡಿಕೊ೦ಡು, ಚಿಪ್ಪಿಗೆ ಸ್ಥಳಾ೦ತರಿಸಿ ನೀರುಕೊಟ್ಟಾಗ ಪಕ್ಕದ ಚಿತ್ರದಲ್ಲಿ ಕಾಣುವ ಗಿಡ ಮೇಲೆದ್ದಿತು.
















ನಾ ಬಿತ್ತಿದ ತಳಿ ಬಿಟಿ ಬದನೆ ತಳಿ ! ಅಲ್ಲದ್ದರಿ೦ದಲೋ ಏನೋ ನನ್ನ ಕಣ್ತಪ್ಪಿಸಿ ಬಿಳಿ ಬಣ್ಣದ ಹುಳವೊ೦ದು ಎರಡುಕಾಯಿಗಳ ಮಧ್ಯದ ಜಾಗದಲ್ಲಿ ತನ್ನ ಗೂಡು ನಿರ್ಮಿಸಿಕೊ೦ಡು ಕಾಯಿಕೊರೆಯುವ ಕಾಯಕವನ್ನಾರ೦ಭಿಸಿತ್ತು, ನನ್ನ ಕಣ್ಣಿಗೆ ಬಿದ್ದ ದಿನ ನಾಶವಾಯಿತು. ಕಾಯಿ ಕಿತ್ತಿ ನೋಡಲಾಗಿ ಕೇವಲ ಸಿಪ್ಪೆಯಲ್ಲಷ್ಟೇ ತೂತಿದ್ದು ಒಳಗಿನ ತಿರುಳು ಸುರಕ್ಷಿತವಾಗಿತ್ತು.
ಇ೦ಥ ಹುಳು ನನ್ನ ಕೈ(ಬಾಲ್ಕನಿ) ತೋಟದಲ್ಲಿ ಇದೇ ಮೊದಲ ಬಾರಿಗೆ ಕ೦ಡು ಬ೦ದಿತ್ತು. ಬಹುಶಃ ಕಾ೦ಕ್ರೀಟ್ ಕಾಡಿನ ಮಧ್ಯದಲ್ಲೂ ಈ ಬದನೇಕಾಯಿ ತನಗೆ ಹೇಳಿ ಮಾಡಿಸಿದ೦ಥಹ ಹುಳುವನ್ನು ಆಕರ್ಷಿಸುವಲ್ಲಿ ಸಫಲವಾಗಿತ್ತು! ಇಲ್ಲ ಕಾ೦ಕ್ರೀಟ್ ಕಾಡಿನ ಮಧ್ಯದಲ್ಲೂ ಬದನೇಕಾಯಿಯ ಕೀಟವೊ೦ದು ಎಲ್ಲೋ ಬೆಳೆದ ಬದನೆಕಾಯಿಯನ್ನರಸಿ ಪತ್ತೆ ಹಚ್ಚಿತ್ತು!

 




ಅ೦ತೂ ನನ್ನ ಕೈ(ಹೊಟ್ಟೆ) ಸೇರಿದ ಬದನೆಕಾಯಿ ಇಳುವರಿಯ ಚಿತ್ರ ಇಲ್ಲಿದೆ.

ತೆ೦ಗಿನಚಿಪ್ಪಿನಲ್ಲಿ ಬೆಳೆದ ಟೊಮೆಟೋ

ತೆ೦ಗಿನಚಿಪ್ಪಿನಲ್ಲಿ ಬೆಳೆದ ಮೆ೦ತೆಸೊಪ್ಪು ಮತ್ತು ಆಲೂಗಡ್ಡೆಯ  ಮು೦ದಿನ ಕ೦ತಿನಲ್ಲಿ ಬೆಳೆದ ಟೊಮೆಟೋ





ಲಾಲ್ ಬಾಗ್ ನಿ೦ದ ತ೦ದಿದ್ದ ಟೊಮೆಟೋ ಬೀಜಗಳನ್ನು ಪ್ಲಾಸ್ಟಿಕ್ ನ ಗುಳಿಗಳ ತಟ್ಟೆಯಲ್ಲಿ ಹಾಕಿ ಸಸಿ ಮಾಡಿಕೊ೦ಡು ತೆ೦ಗಿನ ಚಿಪ್ಪಿನಲ್ಲಿ ವರ್ಗಾಯಿಸಿ ನೀರುಣಿಸಿದಾಗ ಮೂರಡಿಗಳಷ್ಟು ಎತ್ತರದ ಗಿಡಗಳು ಬೆಳೆದವು.




ಈ ಗಿಡಗಳಲ್ಲಿ ಮೊಗ್ಗಾಗಿ, ಮೊಗ್ಗರಳಿ ಹೂವಾಗಿ, ಹೂವು ಕಾಯಾಗಿ, ಕಾಯಿ ಹಣ್ಣಾಗಿ, ಹಣ್ಣು ನನ್ನ ಕೈ ಸೇರಿದಾಗಿನ ದೃಶ್ಯ ಇಲ್ಲಿದೆ.