Saturday, March 27, 2021

ಚಿಗುರೆಲೆಗಳ ಸಂಸಾರ





ಚಿಗುರೆಲೆಗಳು ಹಾಕಿವೆ ಮದುವೆಯ ಚಪ್ಪರ
ನವಜೀವನಕೆ ಸಜ್ಜಾಗಿ ನಿಂತಿವೆ ಗಿಡಮರ
ಧರಿಸಿವೆ ರಂಗುರಂಗಿನ ಹೂಗಳ ಅಲಂಕಾರ
ಜೇನ್ನೊಣ ಜೀರುಂಡೆಗಳು ಪಠಿಸುತಿವೆ ಮಂತ್ರ
ವಾಲಗದಂತಿದೆ ಹಕ್ಕಿಗಳ ಸುಮಧುರ ಇಂಚರ
ಉದುರಿದ ಹಣ್ಣೆಲೆಗಳು ಉಣಬಡಿಸಿವೆ ರಸಸಾರ
ಚಿಗುರೆಲೆಗಳಿಂದಾಗುತಿದೆ ಹೂ ಪೀಚಿನ ಗೋಚರ
ಮಳೆಗಾಲವಿದ್ದರೂ ಬಲುದೂರ
ಹೂ ಕಾಯಿ ಮಾಡಿರುವವು ಹಣ್ಣಾಗುವ ನಿರ್ಧಾರ
ಹಣ್ಣಿಂದ ಪ್ರಾಣಿ ಪಕ್ಷಿಗಳು ಪೋಷಿಸುವವು ತಮ್ಮ ಉದರ
ಅವು ಪ್ರತ್ಯುಪಕಾರದಿ ಮಾಡುವವು  ಬೀಜಪ್ರಸಾರ
ಮಳೆಬರುವ ಕಾಲಕ್ಕೆ ಚಿಗುರೆಲೆಗಳಾಗುವವು ದಟ್ಟಹಸಿರ
ಕೊಡೆಹಿಡಿದು ಮಾಡುವವು ಮಳೆ ರಭಸವ ದೂರ 
ಮಣ್ಣ ರಕ್ಷಿಸಿ ಏರಿಸುವವು ಭೂಮಿಯ ಜಲಸ್ತರ
ಸೃಷ್ಟಿಸುವವು ತಮ್ಮಡಿಯಲ್ಲಿ ಹೊಸದೊಂದು ತಲೆಮಾರ
ಬೆಳೆಸುವವು ಸಂಸಾರ ಕಾಪಾಡುವವು ಜೀವನದ ಉಸಿರ

1 comment:

Unknown said...

Beautiful and meaningful narration about conservation and protection of Nature and it's dependent birds and plants.Congrsts for taking initiation to protect and nurture plants and birds around us for the benefit of our own wellbeing in different ways..

Post a Comment