ಕನ್ನಡ(ದ) ಕಲಿ (ಯಾಗು) ಮಗುವೆ

ಬರೆದು ಕನ್ನಡದ ಕೈಯಾಗೂ

ಉಲಿದು ಕನ್ನಡದ ಬಾಯಾಗು

ಕೇಳಿ ಕನ್ನಡದ ಕಿವಿಯಾಗು

ಓದಿ ಕನ್ನಡದ ಕಣ್ಣಾಗು

ಮಗು ಕನ್ನಡದ ಕಲಿ ನೀನಾಗು

ಉದಾಸೀನರಿಗೆ ಉರಿಯಾಗು

ಕಿವುಡರಿಗೆ ಜಾಗಟೆಯಾಗು

ಅಂಧರಿಗೆ ಬೆಳಕಾಗು

ಮರೆತವರಿಗೆ ಗುರುವಾಗು

ಮಗು ಕನ್ನಡದ ಕಲಿ ನೀನಾಗು

ಮಕ್ಕಳ ಕಾಳಜಿ

ಕತ್ತಲೆಯಲ್ಲಿ ಹೋಗದಿರು

ಗಿಡಗಳನ್ನು ಮುಟ್ಟದಿರು

ಹುಳಗಳಿದ್ದರೆ ಕಚ್ಚುವವು

ಮುಳ್ಳುಗಳಿದ್ದರೆ ಚುಚ್ಚುವವು

ಮಳೆಯಲಿ ನೀನು ನೆನೆಯದಿರು

ಮರಗಳ ಕೆಳಗೆ ನಿಲ್ಲದಿರು

ನೆನೆದರೆ ಮೂಗು ಇಳಿಯುವುದು

ಮರಗಳಿಗೆ ಸಿಡಿಲು ಬಡಿಯುವುದು

ರಣರಣ ಬಿಸಿಲಲಿ ತಿರುಗದಿರು

ಐಸ್ ಕ್ಯಾಂಡಿಯನು ತಿನ್ನದಿರು

ಬಿಸಿಲಲಿ ತಲೆ ಸುತ್ತ ತಿರುಗುವುದು

ಐಸ್ ಕ್ಯಾಂಡಿ ಗಂಟಲು ಕಟ್ಟುವುದು

ಚಳಿಗಾಳಿಯಲಿ ಆಡದಿರು

ಮಣ್ಣಾಟಕೆ ಕೈ ಹಾಕದಿರು

ಚಳಿಯಲಿ ಕೆಮ್ಮುಂಟಾಗುವುದು

ಮಣ್ಣಾಟದಿ ತ್ವಚೆ ಬಿರಿಯುವುದು

ಪಾಲಿಸು ಮೇಲಿನ ಸಲಹೆಗಳ

ಶುಚಿಯಾಗಿಟ್ಟುಕೊ ಕೈಗಳ

ಆರೋಗ್ಯದಿ ನೀ ಬಾಳುವೆ

ಬಲಶಾಲಿಯಾಗಿ ಬೆಳೆಯುವೆ

ವಿಶ್ವ ಪರಿಸರ ದಿನ

ಇಂದು ವಿಶ್ವ ಪರಿಸರ ದಿನ

ಬಲು ಸೂಕ್ಷ್ಮ ನೈಸರ್ಗಿಕ ವಾತಾವರಣ

ಅಡಗಿದೆ ಅದರೊಳು ಸಮತೋಲನ

ಆಗಲು ಮಾನವನ ಬುದ್ಧಿ ವಿಕಸನ

ತಪ್ಪಿದೆ ಅನಾದಿಕಾಲದ ಸಮತೋಲನ

ನಮ್ಮದು ಕ್ಷಣ ಮಾತ್ರದ  ಜೀವನ

ಕೈಲಾದಷ್ಟು ಗಿಡಮರಗಳ ಬೆಳೆಸೋಣ

ಬಳುವಳಿಯಾಗಿ ಸಿಕ್ಕ ಹಸಿರ ಹೆಚ್ಚಿಸೋಣ

ವಾತಾವರಣದ ಕಾಳಜಿ ಮಾಡೋಣ

ಸಿಕ್ಕಿದ್ದಕ್ಕಿಂತ ಚೆನ್ನಾಗಿಸಿ ಹೊರಡೋಣ

ಬಲೆ

ಜೀವನದಲಿ ಸಿಕ್ಕಿ ಬಿದ್ದರೆ ಬಲೆಗೆ

ಸತತ ಪ್ರಯತ್ನವು ಬೇಕು ಬರಲು ಹೊರಗೆ

ಶರಣಾಗದಿರಲು ಜಯ ನಿನ್ನದೇ ಕೊನೆಗೆ

ಚಿಗುರೆಲೆಗಳ ಸಂಸಾರ

ಚಿಗುರೆಲೆಗಳು ಹಾಕಿವೆ ಮದುವೆಯ ಚಪ್ಪರ

ನವಜೀವನಕೆ ಸಜ್ಜಾಗಿ ನಿಂತಿವೆ ಗಿಡಮರ

ಧರಿಸಿವೆ ರಂಗುರಂಗಿನ ಹೂಗಳ ಅಲಂಕಾರ

ಜೇನ್ನೊಣ ಜೀರುಂಡೆಗಳು ಪಠಿಸುತಿವೆ ಮಂತ್ರ

ವಾಲಗದಂತಿದೆ ಹಕ್ಕಿಗಳ ಸುಮಧುರ ಇಂಚರ

ಉದುರಿದ ಹಣ್ಣೆಲೆಗಳು ಉಣಬಡಿಸಿವೆ ರಸಸಾರ

ಚಿಗುರೆಲೆಗಳಿಂದಾಗುತಿದೆ ಹೂ ಪೀಚಿನ ಗೋಚರ

ಮಳೆಗಾಲವಿದ್ದರೂ ಬಲುದೂರ

ಹೂ ಕಾಯಿ ಮಾಡಿರುವವು ಹಣ್ಣಾಗುವ ನಿರ್ಧಾರ

ಹಣ್ಣಿಂದ ಪ್ರಾಣಿ ಪಕ್ಷಿಗಳು ಪೋಷಿಸುವವು ತಮ್ಮ ಉದರ

ಅವು ಪ್ರತ್ಯುಪಕಾರದಿ ಮಾಡುವವು  ಬೀಜಪ್ರಸಾರ

ಮಳೆಬರುವ ಕಾಲಕ್ಕೆ ಚಿಗುರೆಲೆಗಳಾಗುವವು ದಟ್ಟಹಸಿರ

ಕೊಡೆಹಿಡಿದು ಮಾಡುವವು ಮಳೆ ರಭಸವ ದೂರ 

ಮಣ್ಣ ರಕ್ಷಿಸಿ ಏರಿಸುವವು ಭೂಮಿಯ ಜಲಸ್ತರ

ಸೃಷ್ಟಿಸುವವು ತಮ್ಮಡಿಯಲ್ಲಿ ಹೊಸದೊಂದು ತಲೆಮಾರ

ಬೆಳೆಸುವವು ಸಂಸಾರ ಕಾಪಾಡುವವು ಜೀವನದ ಉಸಿರ

ಬಲ್ಲಾಳ ರಾಯನ ದುರ್ಗ ಮತ್ತು ಬಂಡಾಜೆ ಜಲಪಾತಕ್ಕೆ ಚಾರಣ

ಒಂದು ದಿನದ ಬಲ್ಲಾಳರಾಯನ ದುರ್ಗದ ಚಾರಣ

ಉಣಬಡಿಸಿತು ಪ್ರಕೃತಿ ಸೌಂದರ್ಯದ ಹೂರಣ

ಅಷ್ಟೇನು ಸುಲಭವಲ್ಲದ ಕಾರಣ

ಕೆಲವರಿಗೆ ಅದರಿಂದಾಯಿತು ಹೈರಾಣ

ಮತ್ತೆ ಕೆಲವರಿಗಾಯಿತು ಅದು ಶಕ್ತಿಯ ಮರುಪೂರಣ

ಮನಸೂರೆಗೊಂಡಿತು ಸೂರ್ಯನ ಉದಯ ಕಿರಣ

ಕಣ್ಣನು ತಣಿಸಿದವು ಹಸಿರನುಟ್ಟ ದಿಬ್ಬಗಳ ಗಣ

ಬಂಡಾಜೆ ಜಲಪಾತದ ಶೀತಲ ನೀರಿನ ಸತ್ವಗುಣ

ಮಿಂದವರಿಗೆ ನೀಡಿತು ಹೊಸಚೇತನ

ದಣಿದು ತನ್ನ ನೋಡ ಬಂದವರಿಗೆ ಅದು ನೀಡಿತು ಸಾಂತ್ವನ

ಸೂರ್ಯೋದಯದ ಸುಂದರ ನೋಟ

ಚಾರಣಕ್ಕೆ ಹಾದಿ

ಚಾರಣಕ್ಕೆ ಹೋಗ ಬಯಸುವವರಿಗೆ ಮಾಹಿತಿ

ರಾಣಿ ಝರಿ ಸ್ಥಳದಿ೦ದ ಕಾಣುವ ವಿಹ೦ಗಮ ದೃಶ್ಯ

ರಾಣಿ ಝರಿ ಸ್ಥಳದಿ೦ದ ಕಾಣುವ ವಿಹ೦ಗಮ ದೃಶ್ಯ

ಕೋಟೆಯ ಕಡೆಗೆ ಹೊರಟಾಗ ಕಾಣುವ ದೃಶ್ಯ

ಕೋಟೆಯ ಹತ್ತಿರದ ನೋಟ