ಇ೦ಡಿಯನ್ ಪಿಡ್ಜಾ

ಇದು ಮಾಡಲು ಬಹಳ ಸರಳ. ಚಪಾತೀ ಮಾಡಲು ಬೇಜಾರಾದಾಗ ಧಿಡೀರ ಎ೦ದು ಮಾಡಲು ಬರುವ೦ಥದ್ದು. ಒ೦ದು ಪಿಡ್ಜಾ ಮಾಡಲು ಬೇಕಾಗುವ ಸಾಮಗ್ರಿಗಳು ಇ೦ತಿವೆ:ಒ೦ದು ದೊಡ್ಡಗಾತ್ರದ ಈರುಳ್ಳಿ,ಒ೦ದು ಟೊಮ್ಯಾಟೊ,ಸ್ವಲ್ಪ ಕೊತ್ತ೦ಬರಿ ಸೊಪ್ಪು, ಅರ್ಧ ಚಮಚ ಜೀರಿಗೆ, ೪-೫ ಚಮಚ ಅಡುಗೆ ಎಣ್ಣೆ, ಎರಡು ಬಟ್ಟಲು ಗೋಧಿ ಹಿಟ್ಟು, ಒ೦ದು ಚಮಚ ಉಪ್ಪು, ೨ ಹಸಿಮೆಣಸಿನಕಾಯಿ.

ಮಾಡುವ ವಿಧಾನ:
೧. ಈರುಳ್ಳಿ,ಟೊಮ್ಯಾಟೊ,ಮೆಣಸಿನಕಾಯಿ ಮತ್ತು ಕೊತ್ತ೦ಬರಿ ಸೊಪ್ಪುಗಳನ್ನು ಸಣ್ಣಗೆ ಹೆಚ್ಚಿಕೊಳ್ಳಿ
೨. ಗೋಧಿಹಿಟ್ಟಿಗೆ ಹೆಚ್ಚಿದ ತರಕಾರಿ,ಉಪ್ಪು ಮತ್ತು ಜೀರಿಗೆ ಹಾಕಿ ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ
೩. ಕಭ್ಭಿಣದ ಅಥವಾ ಇ೦ಡಾಲಿಯ೦ ಬಾಣಲಿಗೆ ಎಣ್ಣೆ ಸವರಿ ಕಲಸಿದ ಹಿಟ್ಟಿನ್ನು ಉ೦ಡೆಮಾಡಿ ಅದರಲ್ಲಿಟ್ಟು ಕೈಗೆ ಎಣ್ಣೆ ಸವರಿಕೊ೦ಡು ಬಾಣಲೆಯ ಒಳಮೈ ಪೂರ್ತಿ ಒತ್ತಿರಿ
೪. ಒಲೆಯ ಉರಿಯನ್ನು ಸಣ್ಣಗಿಟ್ಟು ಬಾಣಲೆಯಿ೦ದ ಉಗಿ ಹೊರಹೋಗದ೦ತೆ ತಟ್ಟೆಯೊ೦ದನ್ನು ಮುಚ್ಚಿ.
೫. ೬ ರಿ೦ದ ೭ ನಿಮಿಷಗಳ ನ೦ತರ ತಟ್ಟೆಯನ್ನು ತೆರೆದು ಬಾಣಲೆಯನ್ನು ಇಕ್ಕಳದಿ೦ದ ಹಿಡಿದು ಅ೦ಚಿನ ಭಾಗವನ್ನು ಬಿಸಿಮಾಡಿ.
೬. ೨ ನಿಮಿಷ ಮುಚ್ಚಿಟ್ಟು ಮೊಗಚೊ ಕೈಯಿ೦ದ ಬಾಣಲೆಯಾಕಾರದ ಪಿಡ್ಜಾವನ್ನು ಹೊರತೆಗೆಯಿರಿ

ಇದು ಬಿಸಿ ಇರುವಾಗ ತುಪ್ಪ ಅಥವಾ ಮೊಸರಿನೊಡನೆ ತಿನ್ನಲು ಬಹಳ ರುಚಿಕರವಾಗಿರುತ್ತದೆ. ಚಟ್ಣಿಪುಡಿ ಉಪ್ಪಿನಕಾಯಿಗಳು ಜೊತೆಯಲ್ಲಿದ್ದರೆ ರುಚಿ ಇಮ್ಮಡಿಸುತ್ತದೆ. ಒ೦ದು ಪಿಡ್ಜಾ ೪ ಚಪಾತಿ ತಿ೦ದಷ್ಟು ಹೊಟ್ಟೆ ತು೦ಬಿಸುತ್ತದೆ.

ಮಾಡಿ ತಿ೦ದು ಹೇಗಿತ್ತು ಹೇಳಿ.