ಪಟ್ಟಣದ ಜೀವನ

ದೂರದ ಹಳ್ಳಿಯಲ್ಲಿ ಹುಟ್ಟಿರುವೆ

ಪಟ್ಟಣದ ಕಾಂಕ್ರಿಟ್ ಕಾಡಲಿ ನೆಲೆಸಿರುವೆ

ಸಿಕ್ಕ ಸಾರವನು ಹೀರಿರುವೆ

ಅದರಿಂದ ಅರಳಿ ನಿಂತಿರುವೆ

ಇಲ್ಲಿದೆ ಹೊಗೆ ಧೂಳಿನ ಚೆಲ್ಲಾಟ

ನೀರಿಗೆ ಪ್ರತಿದಿನ ಗೋಳಾಟ

ಬಗೆಬಗೆ ರೋಗಗಳ ಕಾಟ

ಬೇಗನೆ ಕಿತ್ತು ಇಲ್ಲಿಂದ ಗೂಟ

ಕರೋನಾ ಕೋವಿಡ್ ಹತ್ತೊಂಬತ್ತು ಮತ್ತು ಜಗತ್ತು

ಎಲ್ಲೋ ಇದ್ದ ಕೋವಿಡ್ ಹತ್ತೊಂಬತ್ತು

ಹೊಕ್ಕಿದೆ ಮಾನವರ ಜಗತ್ತು

ತಂದಿದೆ ಎಲ್ಲೆಡೆ ಆಪತ್ತು

ಬೀಳಿಸಿದೆ ಎಲ್ಲರನ್ನು  ಬೇಸ್ತು

ದಿಗಿಲಾಗಿದೆ ಮುಟ್ಟಲು ಯಾವುದೇ ವಸ್ತು

ಎಲ್ಲರಿಗೂ ಕೈ ತೊಳೆದು ತೊಳೆದು ಸುಸ್ತು

ಬಿಕರಿಯಾಗದೇ ಕುಳಿತಿವೆ ನೂರಾರು ವಸ್ತು

ಅದು ತರಬಹುದು ಹಲವರ ನೌಕರಿಗೆ ಕುತ್ತು

ಸರಕಾರ ವಿಧಿಸಿದೆ ಹಲವಾರು ಷರತ್ತು

ಸಾಕಾಗಿದೆ ಎಲ್ಲರಿಗೂ ಮನೆಯಲಿ ಕುತ್ತುಕುತ್ತು