ಭರಚುಕ್ಕಿ ಗಗನಚುಕ್ಕಿ

ಭರಚುಕ್ಕಿ ಗಗನಚುಕ್ಕಿ 

ಧುಮುಕುತಿರುವಿರಿ ನೀವು ಸೊಕ್ಕಿ 

ನೋಡಲು ಕಣ್ಣೆವೆ ಇಕ್ಕಿ 

ಹರಿವುದು ಆನಂದವು ಉಕ್ಕಿ

ಬಳಸಿ ನಿಮ್ಮ ಜಲಶಕ್ತಿ 

ವಿಶ್ವೇಶ್ವರಯ್ಯನವರ ಯುಕ್ತಿ 

ತಯಾರಾಯಿತು ವಿದ್ಯುಚ್ಛಕ್ತಿ

ಮೊದಲಾಯಿತು ವಿದ್ಯುತ್ ಕ್ರಾಂತಿ

ಗೀಜಗ

ಹುಲ್ಲು ಕಡ್ಡಿಗಳ ಹೆಕ್ಕಿ 

ತೆಂಗಿನ ಗರಿಗೆ ಕೊಕ್ಕನು ಹಾಕಿ 

ಹಣೆದಿಹೆ ಮನೆಯನು ಜೋತ್ಹಾಕಿ

ಗೂಡದು ನೋಡಲು ಅಚ್ಚರಿ 

ಕಾಣದು ಒಳಹೋಗುವ ದಾರಿ 

ಆದರೂ ನೀ ಅದರೊಳು ಹೋಗುವೆ ಹಾರಿ 

ನೀನೇ ಜಗದ ಮೊದಲ ನೇಕಾರ 

ನೇಯರು ಯಾರೂ ನಿನ್ನಷ್ಟು ಸುಂದರ

ಕಟ್ಟಿಕೊಡು ನಮಗೂ ಒಂದು ಸೂರ