ಯುಗಾದಿಯ ಆಗಮನ

ಬೇಸಿಗೆಯ ಬಿರು ಬಿಸಿಲಿನಲಿ

ಚಿಗುರೆಲೆಗಳ ಸೇರಿಸಿ ಹೆಣೆದ ಬಟ್ಟೆಯಲಿ

ಮಾಡಿದ ಕೊಡೆಯನು ಹಿಡಿದು ನಿಂತಿವೆ ಬಳುಕುತಲಿ

ನಮ್ಮ ಬದುಕಿಸಿ ನೀ ಬದುಕು ಎನ್ನುತಲಿ

ಬೆವರಹನಿಯ ಗಾಳಿಯಲಿ ತೇಲಿಸಿ

ಬೇಸಿಗೆಯ ಧಗೆಯನು ಉಡುಗಿಸಿ

ಮುಡಿಗೇರಿಸಿದ ಹೂಗಳ ಕಂಪನು ಸೂಸಿ

ನಿಂತಿವೆ ಯುಗಾದಿಯ ಆಗಮನಕೆ ಕಾತರಿಸಿ

ಹೋಳಿ ಹಬ್ಬ

ಇರಲಿ ಯಾವುದೇ ಪೋಷಾಕು

ಧರಿಸು ಬಣ್ಣಗಳ ಮುಸುಕು

ಸಿಟ್ಟು ಸೆಡೆಗಳ ಬಿಸಾಕು

ಬಂಧುಮಿತ್ರರಿಗೆ ಬಣ್ಣವ ಹಾಕು

ದುಃಖ ದುಮ್ಮಾನಗಳನು ನೂಕು

ಸಿಹಿತಿನಿಸುಗಳ ಮೆಲುಕು ಹಾಕು

ಇದಕ್ಕೆಲ್ಲ  ಹೋಳಿಹಬ್ಬವೇ ಬೇಕು

ಹುಣ್ಣಿಮೆ ಚಂದಿರ ಬಣ್ಣವ ತಂದನು 

ಹೋಳಿಯ ಆಟವ ಆಡಿಸಲು

ನಮ್ಮನ್ನು ಮುಳುಗಿಸಿ ಬಣ್ಣದಲಿ

ತಾ ನಗುತಿಹನು ಶ್ವೇತ ವರ್ಣದಲಿ