ಒಂಬತ್ತು ಗುಡ್ಡ

ಒಂಬತ್ತು ಗುಡ್ಡದ ಹತ್ತಿರದ ತಾಣ

ಖಾಸಗೀ ಎಸ್ಟೇಟು ತೋಟಗಳ ಕಣ

ಪರಿಚಯದವರಿಗೆ ಮಾತ್ರ ಸಿಗುವ ಆಹ್ವಾನ

ಮೊಬೈಲ್ ಜಾಲ ಇಲ್ಲದ ಕಾರಣ

ಸ್ತಬ್ಧ ಇಲ್ಲಿ ಅವುಗಳ ರಿಂಗಣ

ಪಸರಿಸಿದೆ ಶಾಂತತೆಯ ವಾತಾವರಣ

ಜುಯ್ಯ ಎನ್ನುವ ಕೀಟಗಳ ಮೊರೆತ

ಜಲಪಾತದ ನೀರಿನ ಭೋರ್ಗರೆತ

ಝರಿಗಳ ಜುಳುಜುಳು ನಿನಾದ ಕೇಳಲು ಬಲುಹಿತ

ಇದು ಹತ್ತಾರು ವನ್ಯಜೀವಿಗಳ ವಾಸಸ್ಥಾನ

ಸಾಹಸಮಯ, ಇಲ್ಲಿನ ಸ್ಥಳೀಯರ ಜೀವನ

ನಡೆಸುವರವರು ಕಾಡಿನೊಂದಿಗೆ ಸಹಜೀವನ

ಅಸಾಧ್ಯವಾದರೂ ಒಂಬತ್ತು ಗುಡ್ಡಗಳ ಆರೋಹಣ

ದೊರೆಯಿತು ಪ್ರಕೃತಿಯ ಸೂಕ್ಷ್ಮಾ ವಲೋಕನ

ಮರೆಯಲಾರದ ಸ್ಥಳೀಯರ ಅಕ್ಕರೆಯ ಔತಣ

ಎತ್ತಿನಭುಜ ಚಾರಣ

ಭೈರಾಪುರದ ಎತ್ತಿನಭುಜದಂತೆ ಕಾಣುವ ಬೆಟ್ಟ

ಸೆಳೆಯುವುದು ಚುಂಬಕದಂತೆ ಚಾರಣಿಗರನು ತನ್ನತ್ತ

ತುಸು ಕಾಡು ಹಾದಿಯನು ತುಳಿದು

ಒಂದೆರಡು ದಿಬ್ಬಗಳ ಮೇಲೆ ನಡೆದು

ಎದುರಲಿ ಕಾಣುವುದು ಕಲ್ಲಿನ ಬಂಡೆ

ಕೆಲವರಿಗೆ ಕಾಣುವುದು ಶಿವಲಿಂಗದಂತೆ

ಆಕಾಶ ಭೂಮಿಗಳ ಒಂದು ಮಾಡಿ ನಿಂತಂತೆ ಕಾಣುವ ನಂದಿ

ಅದರಡಿಯಲ್ಲಿ ನಾಣ್ಯದ ಭೈರವೇಶ್ವರ ದೇವನ ಸನ್ನಿಧಿ

ಮಧುಗಿರಿ ಕಾಡಿನ ಚಾರಣ

ಧನತ್ರಯೋದಶಿಯಂದು ದೊರೆಯಿತು ಬಂಗಾರ

ನೋಡಲು ಮಧುಗಿರಿಯ ಕಾಡಿನ ಶೃಂಗಾರ

ಹಣತೆಯಂತೆ ಕಂಗೊಳಿಸುವ ಬೆಟ್ಟಗಳ ಸಾಲು

ಆಕಾಶದೀಪದಂತೆ ಕಾಣುವ ಚಲಿಸುವ ಮೋಡಗಳು 

ಬಗೆ ಬಗೆ ಬಣ್ಣದ ಕಾಡಿನ ಹೂಗಳು 

ಬೆಟ್ಟದ ಮೇಲಿನ ಹಸುರಿನ ಬಯಲು 

ತಣಿಸಿದವು ಮೈ ಮನಗಳ ದಣಿವು 

ಇಮ್ಮಡಿಸಿತು ದೀಪಾವಳಿಯ ಸಂಭ್ರಮವು

ಭರಚುಕ್ಕಿ ಗಗನಚುಕ್ಕಿ

ಭರಚುಕ್ಕಿ ಗಗನಚುಕ್ಕಿ 

ಧುಮುಕುತಿರುವಿರಿ ನೀವು ಸೊಕ್ಕಿ 

ನೋಡಲು ಕಣ್ಣೆವೆ ಇಕ್ಕಿ 

ಹರಿವುದು ಆನಂದವು ಉಕ್ಕಿ

ಬಳಸಿ ನಿಮ್ಮ ಜಲಶಕ್ತಿ 

ವಿಶ್ವೇಶ್ವರಯ್ಯನವರ ಯುಕ್ತಿ 

ತಯಾರಾಯಿತು ವಿದ್ಯುಚ್ಛಕ್ತಿ

ಮೊದಲಾಯಿತು ವಿದ್ಯುತ್ ಕ್ರಾಂತಿ

ಗೀಜಗ

ಹುಲ್ಲು ಕಡ್ಡಿಗಳ ಹೆಕ್ಕಿ 

ತೆಂಗಿನ ಗರಿಗೆ ಕೊಕ್ಕನು ಹಾಕಿ 

ಹಣೆದಿಹೆ ಮನೆಯನು ಜೋತ್ಹಾಕಿ

ಗೂಡದು ನೋಡಲು ಅಚ್ಚರಿ 

ಕಾಣದು ಒಳಹೋಗುವ ದಾರಿ 

ಆದರೂ ನೀ ಅದರೊಳು ಹೋಗುವೆ ಹಾರಿ 

ನೀನೇ ಜಗದ ಮೊದಲ ನೇಕಾರ 

ನೇಯರು ಯಾರೂ ನಿನ್ನಷ್ಟು ಸುಂದರ

ಕಟ್ಟಿಕೊಡು ನಮಗೂ ಒಂದು ಸೂರ

ಸಿದ್ಧರ ಬೆಟ್ಟ

ಇದು ರಸಸಿದ್ಧರ ಗುಹೆಗಳ ಬೀಡು

ಇಲ್ಲಿದೆ ಔಷಧೀಯ ಸಸ್ಯಗಳ ಕಾಡು 

ರಸದೌತಣ ನೀಡುವ ಹಕ್ಕಿಗಳ ಹಾಡು

ಸಿದ್ದೇಶ್ವರನ ಭಕ್ತರ ಸಂಖ್ಯೆ ಅಪಾರ

ಬರಿಗಾಲಿನಲಿ ಹತ್ತಿಳಿವರು ಮೆಟ್ಟಿಲುಗಳ ನೂರಾರ
ಲೆಕ್ಕಿಸದೆ ಬಿರು ಬೇಸಿಗೆಯ ಭಾರ

ದೊಣೆಯ ಸತ್ವಯುತ ನೀರಿನ ಸ್ನಾನ
ಬೆಟ್ಟದ ಸಿದ್ದೇಶ್ವರ ಸ್ವಾಮಿಯ ದರ್ಶನ
ಕೊಡುವುದು ನಂಬಿದವರ ರೋಗಗಳಿಗೆ ಉಪಶಮನ

ಕತ್ತಲೆಯ ಗುಹೆಗಳ ತಾಣ

ನಿಷ್ಯಬ್ದವಾದ ವಾತಾವರಣ
ನೀಡುವುದು ತಪಸ್ವಿಗಳಿಗೆ ಬೇಕಾದ ಕಣ

ಇಲ್ಲಿ ಸ್ವರ್ಣಮುಖಿ ನದಿ ಉದಿಸುವುದು ಮಳೆಗಾಲಕೆ

ಬೆಟ್ಟದ ಮೇಲಿದೆ ಕುರಂಗರಾಯನ ಕೋಟೆಯ ಪಳಿಯುಳಿಕೆ
ಕಲ್ಯಾಣಿ ಹಾಗೂ ಕಲ್ಲಿನಲಿ ಕೊರೆದ ಬಾವಿ ನೀರಿನ ಸಂಗ್ರಹಕೆ

ಬೆಂಕಿ ಬೀಳದಂತೆ ಕಾಡಿನ ರಕ್ಷಣೆ

ಭಕ್ತರ ಅನುಕೂಲತೆಗಳ ಸುಧಾರಣೆ
ಸಾಕು ಹೆಚ್ಚಿಸಲು ಇಲ್ಲಿನ ಆಕರ್ಷಣೆ

ಕೂಣಗಲ್ಲು ಬೆಟ್ಟ

ನಗರದ ಗದ್ದಲ ಗುಲ್ಲು

ಮರೆಯಾಗಿಸುವುದು ಕೂಣಗಲ್ಲು

ಮಧ್ಯಾಹ್ನದ ಬಿಸಿಲಿನ ಝಳದಲ್ಲು

ತಂಪು ಹೆಬ್ಬಂಡೆಗಳ ಗುಹೆಯ ಕಲ್ಲು

ತುದಿಯಿಂದ ಕಾಣುವುದು ಬೆಟ್ಟಗಳ ಸಾಲು

ನಡುವೆ ಮಾವು ತೆಂಗಿನ ತೋಟಗಳ ಬಯಲು 

ಪರಿಶುದ್ಧಗಾಳಿ ಉಸಿರಿಗೆ ಸಿಗಲು

ಮೂಡುವುದು ಪ್ರಶಾಂತ ಭಾವ ಎಲ್ಲರ ಮನದಲ್ಲು

ಬೆಟ್ಟಕ್ಕೆ ಹೋಗುವ ದಾರಿ ಕೆಪಿ ದೊಡ್ಡಿ ರಸ್ತೆ

ಹೆಬ್ಬಂಡೆಗಳ ನಡುವೆ ತಂಪಾದ ಗುಹೆ

ಆಂಜನೇಯ ದೇವಸ್ಥಾನ

ಬೆಟ್ಟದ ಮೇಲಿನ ನಂದೀಶ್ವರ

ಬೆಟ್ಟದ ಮೇಲಿನ ವಿಹಂಗಮ ನೋಟ

ಹುತ್ತರೀದುರ್ಗದ ಗುಹೆ

ಹುತ್ತರೀದುರ್ಗದ ಬೆಟ್ಟದ ತುದಿಗೆ

ಹತ್ತುವ ಮಾರ್ಗದ ಗುಹೆಗೆ

ಕವಿದಿದೆ ಕತ್ತಲೆ ಒಳಗೆ

ಹೊಕ್ಕು ಹತ್ತಿದರೆ ಮೆಲ್ಲಗೆ

ಕಾಣ್ವದು ಬೆಳಕಿನ ಕಿಂಡಿಯ ಜಾಗೆ

ಇದ್ದರೆ ಮೈ ತುಸು ಸಣ್ಣಗೆ

ನುಸುಳಲು ಬಹುದು ಕಿಂಡಿಯ ಒಳಗೆ

ಹೊರಬಂದು ನೋಡಲು ಹೊರಗೆ

ಕಲ್ಲು ಕಾಣುವುದು ಛಾವಣಿಯ ಹಾಗೆ

ಮೊಗದಲ್ಲಿ ಇಣುಕುವುದು ಕಿರುನಗೆ

ಮೇಲೆ ಹತ್ತಿದರೆ ಕಲ್ಲಿಗೆ ತಲೆಚಚ್ಚಿಕೊಳ್ಳದಂಗೆ!