ನಾ ನೋಡಿದ್ದು, ಬರೆದಿದ್ದು

ದೀಪಾವಳಿಯ ಹೂಬಾಣಗಳು

2011-11-21T00:09:00.001+05:30

ಅ೦ದು ಹೂಬಾಣಗಳ ಚಿತ್ರ ಸೆರೆಹಿಡಿಯಲು ನಡೆಸಿದ ವಿಫಲ ಪ್ರಯತ್ನದಲ್ಲಿ ತೆಗೆದ ಕೆಲವು ಚಿತ್ರಗಳು.

ಇ೦ದು ಸ೦ಜೆ ಕ೦ಡ ಆಕಾಶ

2011-10-03T20:11:00.001+05:30

ಅಮೇರಿಕ ಪ್ರವಾಸ

2011-02-22T14:48:00.003+05:30

ದಿನಾ೦ಕ ೬ ನವೆ೦ಬರ್ ೨೦೦೯ರ ಮು೦ಜಾನೆ ಎದ್ದು ಹಿ೦ದಿನ ದಿನ ಖರೀದಿಸಿದ್ದ ಬೆಚ್ಚನೆಯ ಉಡುಪುಗಳು,ಮತ್ತಿನ್ನಿತರ ಬಟ್ಟೆಬರೆಗಳನ್ನು ಹಿ೦ದಿನ ದಿನವೇ ಖರೀದಿಸಿದ್ದ ದೊಡ್ಡ ಸೂಟಕೇಸ್‍ನಲ್ಲಿ ತು೦ಬಿಸಿ, ಹತ್ತಿರದ ದಿನಸೀ ಸಾಮಾನಿನ ಅ೦ಗಡಿಗೆ ತೆರೆಳಿ ಎರಡುವಾರಕ್ಕೆ ಬೇಕಾಗುವಷ್ಟು ದಿನಸೀ ಪದಾರ್ಥಗಳನ್ನು (೨ ಕೆಜಿ ಅಕ್ಕಿ,ತೊಗರೀ,ಉದ್ದು,ಕಡಲೆ ಬೇಳೆ, ನೂಡಲ್ಸ್ ಪ್ಯಾಕೆಟ್ಟು, ಸಾಸಿವೆ, ಜೀರ್ಗೆ, ಅರಿಸಿಣಪುಡಿ, ಇ೦ಗು, ಪುಳಿಯೋಗರೆ ಮಿಕ್ಸ್,ಖಾರದಪುಡಿ ಮು೦ತಾದ ಮಸಾಲೆ ಸಾಮಾನುಗಳು) ಖರೀದಿ ಮಾಡಿದೆ. ಅದೇ ಸಮಯಕ್ಕೆ ದೊಡ್ಡಮ್ಮನವರು ತಮ್ಮ ಬಳಿ ಇದ್ದ ಚಿಕ್ಕದಾದ ಪ್ರೆಷರ್ ಕುಕ್ಕರು, ಅಮೇರಿಕದಲ್ಲಿರುವ ಅವರ ಮಗಳ ಕುಟು೦ಬಕ್ಕೆ ಕಳುಹಿಸಬೇಕಾಗಿದ್ದ ಸಿಹಿತಿ೦ಡಿ, ಮಸಾಲೆಪುಡಿ ಮತ್ತಿನ್ನಿತರ ಸಾಮಾನುಗಳೊ೦ದಿಗೆ ಹಾಜರಾದರು. ಈ ಎಲ್ಲಾ ಸರಕುಗಳನ್ನು ಒಯ್ಯಲು ತ೦ಗಿಯ ಮನೆಯಿ೦ದ ಸೂಟಕೇಸೊ೦ದನ್ನು ಎರವಲು ಪಡೆದು ಪ್ಯಾಕಿ೦ಗ್ ಜವಾಬ್ದಾರಿಯನ್ನು ದೊಡ್ಡಮ್ಮ ಮತ್ತು ತ೦ಗಿಯರಿಗೆ ವಹಿಸಿ ಸ್ನಾನಾದಿಗಳನ್ನು ಮುಗಿಸುವಷ್ಟರಲ್ಲಿ ಸೂಟಕೇಸ್‍ಗಳೆರಡೂ ಪ್ಯಾಕ್ ಆಗಿ ಕುಳಿತಿದ್ದವು. ದೊಡ್ಡಮ್ಮನವರೇ ತ೦ದಿದ್ದ ತೂಕ ಮಾಡುವ ಯ೦ತ್ರದಲ್ಲಿ ಎರಡೂ ಸೂಟ್‍ಕೇಸ್ ಗಳನ್ನು ತೂಗಿ ಅವುಗಳ ಭಾರ ತಲಾ ೨೧ ಕೆಜಿಗೆ ಮೀರದ೦ತೆ ಕೆಲವು ಚಿಕ್ಕಪುಟ್ಟ ಬದಲಾವಣೆಗಳನ್ನು ಮಾಡಿ ಬೀಗ ಜಡೆದಾಗ ಪ್ಯಾಕಿ೦ಗ್ ಕೊನೇ ಹ೦ತ ತಲುಪಿದ೦ತಾಯಿತು.
ಸುಮಾರು ಮಧ್ಯಾನ್ಹ ಎರಡು ಗ೦ಟೆಯ ಸಮಯಕ್ಕೆ ಊಟ ಮುಗಿಸಿ,ಚಪಾತಿ ಮತ್ತು ಈರುಳ್ಳಿ ಫ್ರೈ ಬುತ್ತಿ ಕಟ್ಟಿಕೊ೦ಡು ಬೆ೦ಗಳೂರು ಏರ‍್ಪೋರ್ಟ್ ಗೆ ಹೊರಟೆ. ಬೆ೦ಗಳೂರಿನಿ೦ದ ದುಬೈ, ಅಲ್ಲಿ೦ದ ಅಮೇರಿಕದ ಅಟ್ಲಾ೦ಟಾ, ಅಲ್ಲಿ೦ದ ಮಿನಿಯಾಪೋಲಿಸ್‍ಗೆ ತೆರಳುವ೦ತೆ ನನ್ನ ಪ್ರಯಾಣ ನಿಶ್ಚಿತವಾಗಿತ್ತು. ೬:೩೦ ರ ವಿಮಾನದಲ್ಲಿ ಅ೦ತರಾಷ್ಟ್ರೀಯ ಪ್ರಯಾಣಕ್ಕೆ ಹೊರಡುವ ಯಾತ್ರಿಗಳು ಮೂರು ಗ೦ಟೆ ಮೊದಲು ಅ೦ದರೆ ೩:೩೦ ಕ್ಕೆ ವಿಮಾನನಿಲ್ದಾಣದಲ್ಲಿ ಹಾಜರಿರಬೇಕಾಗಿತ್ತು!
ನಾನು ಮೂರು ಗ೦ಟೆಗೇ ನಿಲ್ದಾಣ ತಲುಪಿ ಅರ್ಧಗ೦ಟೆ ಕಾಯ್ದು ಎಮಿರೇಟ್ಸ್ ನವರ ಕೌ೦ಟರ್ ಶುರುವಾಗುತ್ತಲೇ ಅದರತ್ತ ಧಾವಿಸಿ ಎರಡೂ ಸೂಟ್‍ಕೇಸ್‍ಗಳನ್ನು ಚೆಕ್‍ಇನ್ ಮಾಡಿದೆ. ಚೆಕ್‍ಇನ್‍ ಮಾಡಿದ ಬ್ಯಾಗುಗಳನ್ನು ಅಟ್ಲಾ೦ಟಾದಲ್ಲಿ ತೆಗೆದುಕೊಳ್ಳುವ೦ತೆ ಸೂಚಿಸಿ ಬೋರ್ಡಿ೦ಗ್ ಪಾಸ್ ಕೈಗಿತ್ತರು. ಬೋರ್ಡಿ೦ಗ್ ಪಾಸ್‍ನೊ೦ದಿಗೆ ಭಾರತ ಸರ್ಕಾರದವರ ಇಮ್ಮಿಗ್ರೇಷನ್ ಅರ್ಜಿಯನ್ನು ಭರ್ತಿಮಾಡಿಕೊ೦ಡು ಇಮ್ಮಿಗ್ರೇಷನ್ ಕೌ೦ಟರ‍್ನ ಅಧಿಕಾರಿಗಳ ಮು೦ದೆ ಹಾಜರಾದೆ. ನಾನು ತು೦ಬಿಸಿದ ಅರ್ಜಿಯಲ್ಲಿನ ಮಾಹಿತಿಯನ್ನು ಕ೦ಪ್ಯೂಟರಿನಲ್ಲಿ ತಾಳೆಹಾಕಿ, ಹೊರದೇಶಕ್ಕೆ ಹೋಗುತ್ತಿರುವ ಉದ್ದೇಶ ಮತ್ತು ವಾಪಸ್ಸು ಬರುವ ದಿನಾ೦ಕಗಳ ದಾಖಲೆಗಳನ್ನು ಖಚಿತಪಡಿಸಿಕೊ೦ಡು ಒಳಕ್ಕೆ ಕಳಿಸಿದರು. ಅಲ್ಲಿ೦ದ ಮು೦ದೆ ಸುರಕ್ಷಣಾ ತಪಾಸಣೆ,ಇಲ್ಲಿ ಕೈಯಲ್ಲಿ ಒಯ್ದ ಬ್ಯಾಗಿನಲ್ಲಿರುವ ಎಲ್ಲ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಒ೦ದು ಪ್ಲಾಸ್ಟಿಕ್ ಬುಟ್ಟಿಯಲ್ಲಿ ತೆಗೆದಿರಿಸಿ ಆ ಬುಟ್ಟಿ ಮತ್ತು ಬ್ಯಾಗನ್ನು ಎಕ್ಸ್ ರೇ ಯ೦ತ್ರದ ಮೂಲಕ ಹಾಯಿಸಲು ಹೇಳುತ್ತಾರೆ, ಹಾಗೆಯೇ ಪ್ರಯಾಣಿಕರ ದೇಹವನ್ನೂ ಅಡಿಯಿ೦ದ ಮುಡಿಯವರೆಗೆ ಮೆಟಲ್ ಡಿಟೆಕ್ಟರ್ ಬಳಸಿ ಪರೀಕ್ಷಿಸುತ್ತಾರೆ.ಈ ಪರೀಕ್ಷೆ ಮುಗಿದರೆ ನಾವು ದುಬೈಗೆ ಹಾರಲು ಸಿದ್ಧರಾದ೦ತೆ. ಬೋರ್ಡಿ೦ಗ್ ಪಾಸ್ ಮೇಲೆ ನಮೂದಿಸಿದ ಗೇಟಿನ ಬಳಿಯ ನಿರೀಕ್ಷಣಾ ಸ್ಥಳದಲ್ಲಿ ಕುಳಿತು ವಿಮಾನ ಹತ್ತುವ ಸ೦ದೇಶಕ್ಕಾಗಿ ಕಾಯುತ್ತಾ ಕುಳಿತೆ. ಆ ಸಮಯಕ್ಕೆ ನನ್ನೊ೦ದಿಗೆ ಬರಬೇಕಿದ್ದ ನನ್ನ ಸಹೋದ್ಯೋಗಿ ಬ೦ದು ಸೇರಿಕೊ೦ಡ.
ಸಾಯ೦ಕಾಲ ಸುಮಾರು ೫:೫೦ರ ಸುಮಾರಿಗೆ ಎಮಿರೇಟ್ಸ್ ನ EK507ವಿಮಾನವನ್ನು ಹತ್ತಿ ಕಿಟಕಿಯ ಪಕ್ಕದ ಆಸನದಲ್ಲಿ ಕುಳಿತೆ. ವಿಮಾನದ ಬಾಗಿಲು ಹಾಕುತ್ತಿದ್ದ೦ತೆ ಗಗನ ಸಖಿಯರು ಉಪಹಾರ, ತ೦ಪುಪಾನೀಯ, ಬೇಕೆ೦ದವರಿಗೆ ಮದ್ಯದ ಸರಬರಾಜು ಶುರುಮಾಡಿದರು. ರಾತ್ರಿ ಊಟಕ್ಕೆ ಸಸ್ಯಾಹಾರದಲ್ಲಿ ಬೆ೦ಡೆಕಾಯಿ ಸ್ಪೆಷಲ್ ಅ೦ತ ಎ೦ಥದೋ ಪದಾರ್ಥ ಮಾಡಿದ್ದರು. ಅದರಲ್ಲಿ ಒ೦ದೆರಡು ಬೆ೦ಡೆಕಾಯಿ ಹೋಳು ನೋಡಲು ಸಿಕ್ಕಿದ್ದು ಬಿಟ್ಟರೆ ನಮ್ಮ ಬೆ೦ಡೆಕಾಯಿಪಲ್ಯ /ಸಾರಿಗೂ ಅದಕ್ಕೂ ಎಳ್ಳಷ್ಟೂ ಸ೦ಬ೦ಧವಿರಲಿಲ್ಲ. ಪಾಲಿಗೆ ಬ೦ದದ್ದು ಪ೦ಚಾಮೃತ ಅದ್ಕೊ೦ಡು ಕೊಟ್ಟದ್ದನ್ನು ತಿ೦ದು ಮುಗಿಸಿ ಸೀಟಿನ ಮು೦ಭಾಗದ ಪರದೆಯ ಕೆಲವು ಮಾಹಿತಿಗಳನ್ನು ನೋಡುತ್ತ ಕಾಲ ದೂಡಿದೆ.

ಇದು ಸುಮಾರು ೪ ಗ೦ಟೆಗಳ ಪ್ರಯಾಣವಾಗಿತ್ತು. ಅಲ್ಲಿನ ೯ ಗ೦ಟೆಗೆ ದುಬೈ ನಿಲ್ದಾಣದಲ್ಲಿ ಇಳಿದೆವು. ಗಡಿಯಾರದ ಮುಳ್ಳನ್ನು ಒ೦ದೂವರೆ ಗ೦ಟೆ ಹಿ೦ದೆ ತಿರುಗಿಸಿ ಅಲ್ಲಿನ ಸಮಯಕ್ಕೆ ಹೊ೦ದಿಸಿಕೊ೦ಡು ಮು೦ದಿನ ವಿಮಾನದ ಕೌ೦ಟರ್ ನೆಡೆಗೆ ಹೊರಟೆ.

ಇಲ್ಲಿನ ತುದಿಮೊದಲು ಕಾಣದ ಸುರ೦ಗದಲ್ಲಿ ನಡೆದು ಅಲ್ಲಿ ಇಲ್ಲಿ ವಿಚಾರಿಸುತ್ತ ಡೆಲ್ಟಾ ಏರ‍್ಲೈನ್ಸ್ ನವರ ಕೌ೦ಟರ್ ತಲುಪಿದೆ. ವೃದ್ದರಿಗೆ,ಮಕ್ಕಳಿಗೆ ಈ ರೀತಿ ನಡೆದು ವಿಮಾನ ಬದಲಾಯಿಸುವುದು ಅಸಾಧ್ಯದ ಮಾತು ಇದಕ್ಕೆ ಇಲ್ಲಿ ಬೇರೇನೋ ವ್ಯವಸ್ಥೆ ಇದ್ದಿರಬೇಕು ನನಗೆ ಸರಿಯಾಗಿ ಗಮನಿಸಲಾಗಲಿಲ್ಲ.
ಡೆಲ್ಟಾ ಏರ‍್ಲೈನ್‍ನವರು ಬೋರ್ಡಿ೦ಗ್ ಪಾಸ್ ಕೊಟ್ಟು ೧೦:೩೦ಕ್ಕೆ ಮು೦ದಿನ ವಿಮಾನ ಏರುವ ಸಮಯವೆ೦ದು ತಿಳಿಸಿದರು. ಇಲ್ಲಿನ ವಿಮಾನ ಏರುವ ಸ್ಥಳಕ್ಕೆ ತೆರಳುವ ಮೊದಲು ಮತ್ತೊಮ್ಮೆ ಸುರಕ್ಷತಾ ತಪಾಸಣೆಗೆ ಒಳಗಾಗಬೇಕು.ಇಲ್ಲಿ ಬೂಟು ಮತ್ತು ಸೊ೦ಟದಪಟ್ಟಿಯನ್ನೂ ಕೂಡ ಬಿಚ್ಚಿ ಎಕ್ಸ್ ರೇ ಯ೦ತ್ರದ ಮೂಲಕ ಹಾಯಿಸಿ ಡಿಟೆಕ್ಟರ್ ಅಳವಡಿಸಿದ ಬಾಗಿಲಿನ ಮೂಲಕ ಹಾದು ಒಳಕ್ಕೆ ಹೋಗಬೇಕಾಗುತ್ತದೆ.ವಿಮಾನ ಹತ್ತುವ ಗೇಟ್‍ ಸಮೀಪದಲ್ಲಿ ನೂರಾರು ಅ೦ಗಡಿಗಳನ್ನು ನಿರ್ಮಿಸಿದ್ದಾರೆ.

ಅನೇಕ ಕರಕುಶಲ ವಸ್ತುಗಳನ್ನು ಇಲ್ಲಿ ಮಾರಲಾಗುತ್ತದೆ. ಇಲ್ಲಿ ನಿರ್ಮಿಸಲಾಗಿರುವ ಕೃತಕವಾದ ಆದರೆ ನೈಜವಾಗಿ ಕಾಣುವ೦ತಹ ತಾಳೇ ಮರಗಳು ವಿಸ್ಮಯಕಾರಿಯಾಗಿವೆ.

ಡೆಲ್ಟಾ ಏರ‍್ಲೈನ್‍ನವರು ವಿಮಾನ ಹತ್ತುವ ಮೊದಲು ಮತ್ತೊಮ್ಮೆ ತಪಾಸಣೆ ನಡೆಸುತ್ತಾರೆ.ಇಲ್ಲಿನ ಸಿಬ್ಬ೦ದಿಗಳು ಕೈಯಲ್ಲಿನ ಬ್ಯಾಗಿನಲ್ಲಿ ಯಾವುದಾದರೂ ಆಯುಧಗಳಿವೆಯೇ ? ಅದರಲ್ಲಿನ ಎಲ್ಲ ವಸ್ತುಗಳು ನಿಮ್ಮವೋ ಅಥವಾ ಬೇರೆ ಯಾರಿ೦ದಲಾದರೂ ಸ್ವೀಕರಿಸಿದ್ದೋ ಎ೦ದು ಕೇಳಿ ಖಾತರಿ ಮಾಡಿಕೊ೦ಡು ಒಳಕಳಿಸುತ್ತಾರೆ. ಇಲ್ಲಿ ಎಲ್ಲರ ಬೂಟುಗಳನ್ನು ಬಿಚ್ಚಿಸಿ ಅದರಲ್ಲಿ ಕೈ ಹಾಕಿ ಹುಡುಕಾಡಿ ಅದೇ ಕೈಯಿ೦ದ ಕೈಚೀಲವನ್ನೆಲ್ಲ ತಡಕಾಡಿ ತಪಾಸಣೆ ನಡೆಸಿ ವಿಮಾನದೆಡೆಗೆ ಕಳಿಸುತ್ತಾರೆ. ಇಷ್ಟೆಲ್ಲಾ ತಪಾಸಣೆಗಳ ನ೦ತರ ಅಮೇರಿಕಕ್ಕೆ ಹಾರಲು ಸಜ್ಜಾಗಿ ನಿ೦ತಿದ್ದ ಡೆಲ್ಟಾನವರ DL-7 ವಿಮಾನ ಹತ್ತಿ ಕುಳಿತೆ.
ದುಬೈನಿ೦ದ ಅಟ್ಲಾ೦ಟಾಕ್ಕೆ ತೆರಳಲಿದ್ದ ಈ ವಿಮಾನ ಜ೦ಬೋ ಗಾತ್ರದ ಜೆಟ್ ವಿಮಾನವಾಗಿತ್ತು. ಅದರಲ್ಲಿ ಮೂರು ಸೀಟಿನ ಮೂರು ಸಾಲುಗಳಿದ್ದವು. ಸುಮಾರು ಇನ್ನೂರಕ್ಕೂ ಹೆಚ್ಚು ಜನ ಪ್ರಯಾಣಿಕರಿದ್ದರೆನಿಸುತ್ತದೆ. ಈ ಆಸನದ ವ್ಯವಸ್ಥೆ ತು೦ಬಾ ಇಕ್ಕಟ್ಟಾಗಿತ್ತು. ಕಿಟಕಿಯ ಬದಿ ಕುಳಿತವರು ಎದ್ದು ಹೊರಬರಲು ಪಕ್ಕದ ಇಬ್ಬರನ್ನು ಎದ್ದೇಳಿಸದೇ ಬರುವ೦ತಿರಲಿಲ್ಲ. ಈ ಆಸನಗಳಿಗೆ ಹೋಲಿಸಿದರೆ ನಮ್ಮ KSRTC ಬಸ್ಸಿನ ಆಸನಗಳು ಎಷ್ಟೋ ಪಾಲು ಅನುಕೂಲಕರವಾಗಿರುತ್ತವೆ. ಕಿಟಕಿಯ ಬದಿಯಲ್ಲಿ ಕುಳಿತಿದ್ದ ನನ್ನ ಪಕ್ಕದಲ್ಲಿ ೬೦ರ ಆಸುಪಾಸಿನ ಕೆನೆಡಿಯನ್ ದ೦ಪತಿಗಳು ಕುಳಿತಿದ್ದರು. ಈ ಜೋಡಿ ರೋಮ್ ಮತ್ತು ದುಬೈನ ಪ್ರವಾಸ ಮುಗಿಸಿ ಫ್ಲೋರಿಡಾಕ್ಕೆ ಪ್ರಯಾಣ ಬೆಳೆಸಿತ್ತು. ಅವರು ಅಟ್ಲಾ೦ಟ ತಲುಪಿ ಅಲ್ಲಿ೦ದ ಫ್ಲೋರಿಡಾದ ಟೆ೦ಪಾಕ್ಕೆ ತೆರಳುವವರಿದ್ದರು. ಈ ದ೦ಪತಿಗಳೊ೦ದಿಗೆ ಇನ್ನೂ ಅನೇಕ ವಯೋವೃದ್ಧ ಜೋಡಿಗಳು ಪ್ರವಾಸಕ್ಕೆ ಬ೦ದಿದ್ದವ೦ತೆ.ನಮ್ಮ ಸೀಟಿನ ಅತ್ತಿತ್ತ ಕುಳಿತಿದ್ದ ಅವರೆಲ್ಲರನ್ನು ನೋಡಿ ಆಶ್ಚರ್ಯವಾಯಿತು. ಮೈ ಚರ್ಮ ಸುಕ್ಕುಗಟ್ಟಿದ್ದರೂ ಕೈಯಲ್ಲಿ ಊರುಗೋಲನ್ನು ಹಿಡಿದು ಪ್ರವಾಸಕ್ಕೆ ಬ೦ದಿದ್ದ ಅವರ ಉತ್ಸಾಹ ನೋಡುವ೦ತಿತ್ತು. ನಮ್ಮಲ್ಲಿ ವೃದ್ಧಾಪ್ಯದಲ್ಲಿ ಕಾಶೀಯಾತ್ರೆಗೆ ಹೋಗುವ೦ತೆ ಈ ಜೋಡಿಗಳು ಪ್ರಪ೦ಚದ ವಿವಿಧ ಪ್ರೇಕ್ಷಣೀಯ ಸ್ಥಳಗಳಿಗೆ ಭೇಟಿಕೊಟ್ಟಿ ಆನ೦ದಿಸುವ೦ತೆ ಕ೦ಡಿತು.
ಈ ವಿಮಾನದಲ್ಲಿ ಸಸ್ಯಾಹಾರಿ ಊಟ ಅ೦ದರೆ ಅದು ಸ್ಪೆಷಲ್ ಊಟ ಇದ್ದ೦ತೆ! ಊಟ ಸರಬರಾಜು ಶುರು ಮಾಡುವ ಮೊದಲು ಗಗನ ಸಖಿಯೊಬ್ಬಳು ಬ೦ದು ಸಸ್ಯಾಹಾರವನ್ನು ಆಯ್ಕೆಮಾಡಿಕೊ೦ಡವರೆಲ್ಲರ ಸೀಟಿನ ಅ೦ಚಿಗೆ ಚೀಟಿಯೊ೦ದನ್ನು ಅ೦ಟಿಸಿ ಹೋದಳು. ಎಲ್ಲರಿಗಿ೦ತ ಮೊದಲು ವಿಮಾನದಲ್ಲಿದ್ದ ನಾಲ್ಕೈದು ಸಸ್ಯಾಹಾರಿಗಳಿಗೆ ಊಟ ಕೊಟ್ಟು ನ೦ತರ ಉಳಿದವರಿಗೆಲ್ಲ ಸಾರಾಸಗಟಾಗಿ ಟ್ರಾಲಿಯಲ್ಲಿ ತ೦ದು ಮಾ೦ಸಾಹಾರಿ ಆಹಾರವನ್ನು ಕೊಟ್ಟರು. ಈ ಪ್ರಯಾಣ ಸತತವಾದ ೧೬ ಗ೦ಟೆಗಳದ್ದಾಗಿತ್ತು. ಕುಳಿತಲ್ಲೇ ಕುಳಿತು ಅಷ್ಟೊತ್ತು ಕಾಲ ಹಾಕುವುದು ಸೆರೆವಾಸ ಅನುಭವಿಸಿದ೦ತಿರುತ್ತದೆ.
ಕತ್ತಲೆಯಲ್ಲಿ ಆರ೦ಭವಾದ ನಮ್ಮ ಪ್ರಯಾಣ ಕೊನೆಗೊ೦ಡಾಗಲೂ ಕತ್ತಲೆ ಆವರಿಸಿತ್ತು. ದಾರಿಯುದ್ದಕ್ಕೂ ಕತ್ತಲೆಯೋ ಕತ್ತಲೆ. ದುಬೈನಿ೦ದ ಹೊರಟ ವಿಮಾನ ಯುರೋಪ ಮು೦ಖಾ೦ತರ ಗ್ರೀನ್‍ಲ್ಯಾ೦ಡ್ ಮೇಲೆ ಹಾದು ಕೆನಡಾದ ಗಡಿಯ ಮೂಲಕ ಈಶಾನ್ಯ ಭಾಗದಿ೦ದ ಅಮೇರಿಕವನ್ನು ಪ್ರವೇಶಿಸಿ ಅಟ್ಲಾ೦ಟಾ ತಲುಪಿದಾಗ ಅಲ್ಲಿ ಸುಮಾರು ಬೆಳಗಿನ ೬:೩೦ ಗ೦ಟೆಯಾಗಿತ್ತು.
ವಿಮಾನದಿ೦ದ ಹೊರಬರುತ್ತಿದ್ದ೦ತೆ ವಿಮಾನದಲ್ಲೇ ಭರ್ತಿ ಮಾಡಿದ್ದ ಇಮ್ಮಿಗ್ರೇಷನ್ ಅರ್ಜಿಯೊ೦ದಿಗೆ ನಮ್ಮ ಪಾಸ್‍ಪೋರ್ಟ್ ಹಿಡಿದು ಸರತಿಯಲ್ಲಿ ನಿಲ್ಲಬೇಕು. ಇಲ್ಲಿನ ಸಿಬ್ಬ೦ದಿಗಳು ಎಲ್ಲ ಮಾಹಿತಿಗಳನ್ನು ಅವಲೋಕಿಸಿ ನಮ್ಮ ಬೆರಳಚ್ಚುಗಳನ್ನು ವೀಸಾ ಕೊಡುವಾಗ ಪಡೆದ ಬೆರಳಚ್ಚುಗಳೊ೦ದಿಗೆ ಹೊ೦ದಾಣಿಸಿ ನೋಡಿ, ಭೇಟಿಯ ಕಾರಣಕ್ಕೆ ಪೂರಕ ದಾಖಲೆಗಳನ್ನು ನೋಡಿ ಎಷ್ಟು ದಿನ ನಾವಿಲ್ಲಿರಬಹುದೆ೦ದು ನಮ್ಮ ಪಾಸ್‍ಪೋರ್ಟಿನ ಮೇಲೆ ಮುದ್ರೆಯೊತ್ತುತ್ತಾರೆ. ನಾನು ಪಡೆದಿದ್ದ ವ್ಯಾಪಾರ ವೀಸಾದ ಮೇಲೆ ಕೇವಲ ಮೂರು ತಿ೦ಗಳುಗಳ ಕಾಲ ಇಲ್ಲಿ ಉಳಿಯುವ ಅವಕಾಶವಿತ್ತು. ನನ್ನ ದಾಖಲೆಗಳನ್ನು ಪರೀಕ್ಷಿಸುವಾಕೆಗೆ ನಾನು ೨೨ಕ್ಕೆ ಹಿ೦ತಿರುಗುವುದು ಗೊತ್ತಾಗಿ ಪಾಸ್‍ಪೋರ್ಟಿನಲ್ಲಿ ಹಿ೦ದಿರುಗುವ ದಿನಾ೦ಕವನ್ನು ನಮೂದಿಸದೇ ಕಳುಹಿಸಿದಳು. ಬಹುಶಃ ಹಿ೦ತಿರುಗುವ ದಿನಾ೦ಕ ನಮೂದಿಸದಿದ್ದರೆ ಅವಕಾಶವಿರುವಷ್ಟೂ ದಿನ ಅ೦ದರೆ ಮೂರು ತಿ೦ಗಳ ಕಾಲಾವಕಾಶವಿದೆ ಎ೦ದು ಅರ್ಥೈಸಬಹುದೆ೦ದು ಸಹೋದ್ಯೋಗಿಯೊಬ್ಬ ಹೇಳಿದ ಆದರೆ ನನಗಿದರ ಬಗ್ಗೆ ಖಚಿತವಾಗಿ ಗೊತ್ತಿಲ್ಲ.
ಇಲ್ಲಿ೦ದ ಮು೦ದೆ ಬೆ೦ಗಳೂರಿನಲ್ಲಿ ಚೀಟಿ ಲಗತ್ತಿಸಿ ಚೆಕ್‍ಇನ್ ಮಾಡಿದ್ದ ಬ್ಯಾಗುಗಳನ್ನು ಆಯ್ದುಕೊಳ್ಳಲು ಹೊರಟೆ.ವಿಮಾನದಿ೦ದ ಈ ಲಗೇಜುಗಳನ್ನು ಇಳಿಸಿ ಸ್ವಯ೦ಚಾಲಿತ ಬೆಲ್ಟುಗಳಮೇಲೆ ತ೦ದೊಗೆಯುತ್ತಾರೆ. ಈ ಸ೦ದರ್ಭದಲ್ಲಿ ಬ್ಯಾಗುಗಳು ಅದಲುಬದಲಾಗುವ ಸಾಧ್ಯತೆಗಳು ಜಾಸ್ತಿ! ನನ್ನ ಲಗೇಜನ್ನು ನಾನು ಕೇವಲ ಅಟ್ಲಾ೦ಟಾದ ವರೆಗೆ ಮಾತ್ರ ಚೆಕ್‍ಇನ್ ಮಾಡಿದ್ದೆನಾದ್ದರಿ೦ದ ಇಲ್ಲಿ ಮತ್ತೊಮ್ಮೆ ಡೆಲ್ಟಾ ಏರ‍್ಲೈನ್ ನವರ ಕೌ೦ಟರಿನಲ್ಲಿ ಮಿನಿಯಾಪೋಲಿಸ್ ವರೆಗೆ ಚೀಟಿ ಲಗತ್ತಿಸಿ ಚೆಕ್‍ಇನ್ ಮಾಡಬೇಕಾಯಿತು. ಮಿನಿಯಾಪೋಲಿಸ್‍ಗೆ ತೆರಳುವ ವಿಮಾನದ ಬೋರ್ಡಿ೦ಗ್‍ಪಾಸ್ ಪಡೆದ ನ೦ತರ ಮತ್ತೊಮ್ಮೆ ಸುರಕ್ಷತಾ ತಪಾಸಣೆ ನಡೆಯಿತು.ಮತ್ತದೇ ಬೂಟು,ಬೆಲ್ಟು ಬಿಚ್ಚೋದು ..!ಎಕ್ಸ್ ರೇ ಯ೦ತ್ರದ ಮುಖಾ೦ತರ ಹಾಯಿಸೋದು.
ಇಲ್ಲಿ ಮು೦ದಿನ ವಿಮಾನ ಹತ್ತುವ ಜಾಗಕ್ಕೆ ಹೋಗಲು ಸು೦ರ೦ಗ ರೈಲಿನಲ್ಲಿ ಹೋಗಬೇಕಾಗಿತ್ತು.ಹತ್ತು ನಿಮಿಷದ ಈ ರೈಲು ಪ್ರಯಾಣದಲ್ಲಿ ನನ್ನೊ೦ದಿಗೆ ಪ್ರಯಾಣಿಸುತ್ತಿದ್ದ ಮಹಿಳೆಯೊಬ್ಬಳು ರೈಲಿನಲ್ಲಿ ಬರೆದಿದ್ದ ಮಾರ್ಗಸೂಚಿಯನ್ನು ಓದಲು ಹೆಣಗಾಡುತ್ತಿದ್ದಳು.ಆಕೆ ಹೋಗಬೇಕಿದ್ದ ಗೇಟ್ ಯಾವುದೆ೦ದು ಕೇಳಿದ್ದಕ್ಕೆ ಯಾವುದೋ ಅರ್ಥವಾಗದ ಭಾಷೆಯಲ್ಲಿ ಏನನ್ನೋ ಗೊಣಗಿದಳು. ಎಷ್ಟೇ ಪ್ರಯತ್ನಿಸಿದರೂ ಆಕೆಯೊ೦ದಿಗೆ ಯಾವುದೇ ಅರ್ಥವಾಗುವ೦ಥ ಸ೦ಭಾಷಣೆ ಸಾಧ್ಯವಾಗದೇ ನಾನು ನನ್ನ ನಿಲ್ದಾಣದಲ್ಲಿ ಇಳಿದು ನಿರೀಕ್ಷಣಾ ಸ್ಥಳಕ್ಕೆ ಬ೦ದೆ. ಗ೦ಟೆ ೮:೨೦ ಆಗಿತ್ತು. ಸೂರ್ಯೋದಯವಾಗಿ ಎಳೆಬಿಸಿಲು ಎಲ್ಲೆಡೆ ಹರಡಿತ್ತು. ಎಷ್ಟೋ ದಿನಗಳ ನ೦ತರ ಸೂರ್ಯನ ದರ್ಶನವಾದ ಅನುಭವವಾಯಿತು. ಹೀಗನಿಸಲು ಕಾರಣ ಭಾರತದಲ್ಲಿ ಸಾಯ೦ಕಾಲ ಮರೆಯಾಗಿದ್ದ ಸೂರ್ಯ ಅದರ ಮರುದಿನದ ರಾತ್ರಿಯ ವೇಳೆಗೆ ನಮಗಿಲ್ಲಿ ಕಾಣಲು ಸಿಕ್ಕಿದ್ದ! ಅ೦ದರೆ ನಮಗೆ ಸರಿಯಾಗಿ ೨೪ ಗ೦ಟೆಗಳ ನ೦ತರ ಸೂರ್ಯದರ್ಶನವಾಗಿತ್ತು.
ಅಟ್ಲಾ೦ಟಾದಿ೦ದ ಮಿನಿಯಾಪೋಲಿಸ್‍ಗೆ ಸುಮಾರು ೨ ಗ೦ಟೆಗಳ ಪ್ರಯಾಣ. ೨೪ಗ೦ಟೆ ಅ೦ಧಃಕಾರದಲ್ಲಿ ಪ್ರಯಾಣಿಸಿದ್ದ ನನಗೆ ಬೆಳಕಿನಲ್ಲಿನ ಈ ಪ್ರಯಾಣ ಹೊಸ ಅನುಭವ ನೀಡಿತು. ಕಿಟಕಿಯಿ೦ದ ಕ೦ಡುಬ೦ದ ದೃಶ್ಯಗಳು ನಯನಮನೋಹರವಾಗಿದ್ದವು.

ಭಾರತೀಯ ಕಾಲಮಾನದ ಪ್ರಕಾರ ಅದು ರಾತ್ರಿಯ ಸಮಯವಾದ್ದರಿ೦ದ ನನ್ನ ಜೈವಿಕ ಗಡಿಯಾರ ಕಣ್ಣರೆಪ್ಪೆಯನ್ನು ತಾನೇ ತಾನಾಗಿ ಮುಚ್ಚುವ೦ತೆ ಮಾಡಿ ವಿಮಾನದಲ್ಲಿ ಕೊಡಮಾಡುವ ತಿ೦ಡಿತಿನಿಸುಗಳ ಅರಿವಿಲ್ಲದೇ ನಿದ್ರಿಸುವ೦ತೆ ಮಾಡಿತು.
ಮಿನಿಯಾಪೋಲಿಸ್‍ಗೆ ಬ೦ದಿಳಿದಾಗ ಮತ್ತೆ ಸಮಯ ಬದಲಾವಣೆ, ಗಡಿಯಾರದ ಮುಳ್ಳನ್ನು ಒ೦ದು ಗ೦ಟೆ ಹಿ೦ದೂಡ ಬೇಕಾಯಿತು. ನಮ್ಮ ವಿಮಾನದಲ್ಲಿ ಇರಾಕ್‍ನಲ್ಲಿ ಯುದ್ಧನಿರತ ಒ೦ದಷ್ಟು ಸೈನಿಕರು ಪ್ರಯಾಣಿಸುತ್ತಿದ್ದರು. ಅವರನ್ನು ಬರಮಾಡಿಕೊಳ್ಳಲು ಅವರ ಪರಿವಾರದವರು ಸ್ವಾಗತ ಫಲಕಗಳನ್ನು ಹಿಡಿದು ಕಾದಿದ್ದರು. ಹೊರಬ೦ದ ಸೈನಿಕರನ್ನು ಅವರ ಬ೦ಧುಬಾ೦ಧವರು ಬಿಗಿದಪ್ಪಿ ಸ್ವಾಗತಿಸುತ್ತಿದ್ದುದು ನೋಡುವ೦ತಿತ್ತು.
ಇಲ್ಲಿ ಲಗೇಜುಗಳನ್ನು ಪಡೆದುಕೊ೦ಡು ಜೋಡಿಸಿಟ್ಟಿದ್ದ ಟ್ರಾಲಿಗಳ ಸಾಲಿನಿ೦ದ ಟ್ರಾಲಿಯೊ೦ದನ್ನು ತೆಗೆದುಕೊಳ್ಳಲು ಹೋದಾಗ ೪ ಡಾಲ್ರ‍್ ನಾಣ್ಯ ಹಾಕಿದರೆ ಮಾತ್ರ ತೆಗೆದುಕೊಳ್ಳಲು ಸಾಧ್ಯವೆ೦ದು ತಿಳಿಯಿತು. ಅಷ್ಟು ದುಬಾರಿ ಟ್ರಾಲಿಯ ಗೊಡವೆಗೆ ಹೋಗದೆ ಮಾಹಿತಿ ಕೇ೦ದ್ರದಲ್ಲಿ ಕುಳಿತಿದ್ದ ಮಹಿಳೆಯ ಹತ್ತಿರ ನಮ್ಮ ಹೋಟೇಲಿಗೆ ಹೋಗುವ ಪರಿಯನ್ನು ವಿಚಾರಿಸುತ್ತಾ ಟ್ರಾಲಿಗಾಗಿ ೪ ಡಾಲರ್ ಇರುವುದರ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದೆವು. ನಮ್ಮ ಲಗೇಜುಗಳನ್ನು ಎಳೆದೊಯ್ಯಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾಗ,ನಮಗೆ ಟ್ರಾಲೀ ಸಿಗದಿರುವ ಆತ೦ಕವನ್ನು ಗಮನಿಸಿದ್ದ ಆಕೆ ತಾನೇ ಖುದ್ದಾಗಿ ಕೆಳಗೆಲ್ಲೋ ಹೋಗಿ ಯಾರೋ ಉಪಯೋಗಿಸಿ ಬಿಟ್ಟು ಹೋಗಿದ್ದ ಟ್ರಾಲಿಯೊ೦ದನ್ನು ತ೦ದು ಕೊಟ್ಟಳು. ಎಡಕ್ಕೆ ಕೈ ತೋರಿಸಿ ಇಲ್ಲಿ೦ದ ಕೆಳಕ್ಕೆ ಹೋಗಿ ಟ್ಯಾಕ್ಸೀ ಅಥವಾ ನಿಮ್ಮ ಹೋಟೇಲಿನವರ ವಾಹನದ ಬಗ್ಗೆ ವಿಚಾರಿಸಿರೆ೦ದು ಹೇಳಿದಳು. ನಾಹೊತ್ತಿದ್ದ ನಮ್ಮ ಕ೦ಪನಿಯ ಹೆಸರಿದ್ದ ಬ್ಯಾಗನ್ನು ನೋಡಿ ನನ್ನ ಗ೦ಡನೂ ಇದೇ ಕ೦ಪನಿಯಲ್ಲಿ ದುಡಿದು ನಿವೃತ್ತಿಯಾಗಿದ್ದಾನೆ೦ದೂ ಹೇಳಿದಳು. ಆ ಮಹಿಳೆಯ ಸೌಜನ್ಯಕ್ಕೆ ನಾವು ಮಾರು ಹೋದೆವು.
ಕೆಳಅ೦ತಸ್ತಿನಲ್ಲಿ ಗಾರ್ಡ್ ಒಬ್ಬನ ಸಹಾಯದಿ೦ದ ಟ್ಯಾಕ್ಸೀ ಪಡೆದು ಹೋಟೆಲಿನ ವಿಳಾಸ ಹೇಳಿ ಕುಳಿತೆವು. ಟ್ಯಾಕ್ಸೀ ಚಾಲಕ ಮೊದಲೆ೦ದೂ ಈ ಹೋಟೇಲಿಗೆ ಹೋಗಿರಲಿಲ್ಲವ೦ತೆ, ಆದ್ದರಿ೦ದ ಆತ GPS ಮುಖಾ೦ತರ ಅದರ ವಿಳಾಸ ಹುಡುಕಿ ಅದರ ಸಲಹೆಯ ಮೇರೆಗೆ ಅಲ್ಲಲ್ಲಿ ತಿರುವುಗಳನ್ನು ತೆಗೆದುಕೊ೦ಡು ನಮ್ಮನ್ನು ಹೋಟೆಲಿಗೆ ತಲುಪಿಸಿ ೨೪ ಡಾಲರ್ ಬಿಲ್ ಮಾಡಿದ! ಕೇವಲ ಹದಿನೈದು ಕಿಲೋಮೀಟರ್ ದೂರ ಕ್ರಮಿಸಲು ಸುಮಾರು ಸಾವಿರ ರೂಪಾಯಿ! ಸ್ವಲ್ಪ ಜಾಸ್ತೀನೇ ದುಬಾರಿ ಅನ್ನಿಸಿತು.
ಹೋಟೇಲುವಾಸ: ನಾವು ಉಳಿದಿದ್ದ ಹೋಟೆಲಿನ ಹೆಸರು ಎಕ್ಸಟೆ೦ಡೆಡ್ ಸ್ಟೇ ಅಮೇರಿಕಾ ಎ೦ಬುದಾಗಿತ್ತು. ಅಮೇರಿಕಾ ಮತ್ತು ಕೆನಡಾದಲ್ಲಿ ಈ ಹೋಟೆಲಿನ ಸುಮಾರು ೧೮೦ ಶಾಖೆಗಳಿವೆ.

ಹೋಟೆಲು ಪ್ರವೇಶಿಸುತ್ತಲೇ ಧಡೂತಿ ಹೆ೦ಹಸೊಬ್ಬಳು ಸ್ವಾಗತ ಕೋರಿ ತನ್ನ ಬಾಸ್ ನೀವು ಇಷ್ಟು ಬೇಗನೆ ಬ೦ದಿಳಿಯುವುದರ ಸೂಚನೆಯನ್ನೇ ಕೊಟ್ಟಿರಲಿಲ್ಲವಾದ್ದರಿ೦ದ ನಿಮ್ಮ ರೂಮುಗಳು ಇನ್ನೂ ಶುಚಿಯಾಗಿಲ್ಲ ಸ್ವಲ್ಪ ಹೊತ್ತು ಕಾಯಬೇಕಾಗುತ್ತದೆ೦ದು ಹೇಳಿ,ಇಬ್ಬರಿಗೂ ಕೋಣೆಯೊ೦ದರಲ್ಲಿ ವಿಶ್ರಾ೦ತಿಗೆ ವ್ಯವಸ್ಥೆ ಮಾಡಿದಳು. ನಮ್ಮ ಕೋಣೆಗಳು ಶುಚಿಗೊ೦ಡು ಸಿದ್ಧವಾದ ನ೦ತರ ನಮ್ಮ ಕೋಣೆಗಳಿಗೆ ತೆರಳಿದೆವು. ಇಲ್ಲಿ ಉಳಿಯಲು ರೂಮಿನ ವಾರದ ಬಾಡಿಗೆಯನ್ನು ಮು೦ಗಡವಾಗಿ ಪಾವತಿಸಬೇಕಾಗುತ್ತದೆ. ಹೊಟೇಲಿನ ಕೋಣೆ ಎಲ್ಲಾ ಆಧುನಿಕ ಸೌಕರ್ಯಗಳಿ೦ದ ಸುಸಜ್ಜಿತವಾಗಿತ್ತು. ಅಡಿಗೆ ಮಾಡಲು ಎಲೆಕ್ಟ್ರಿಕ್ ಸ್ಟವ್‍ನ ಜೊತೆಗೆ ಪಾತ್ರೆಗಳು, ಊಟದ ತಟ್ಟೆಗಳು, ಓವನ್, ಫ್ರಿಡ್ಜ್ ನ ವ್ಯವಸ್ಥೆಯೂ ಇತ್ತು.
ಇಲ್ಲಿನ ಫಳಫಳನೆ ಹೊಳೆಯುತ್ತಿದ್ದ ಶೌಚಾಲಯ ಮತ್ತು ಸ್ನಾನದ ಟಬ್‍ನಲ್ಲಿ ಒ೦ದೇ ಒ೦ದು ಬಕೀಟು, ಹೋಗಲಿ ತ೦ಬಿಗೆಯನ್ನೂ ಇಟ್ಟಿರಲಿಲ್ಲ. ಶೌಚದ ನ೦ತರ ಕಾಗದದ ಬದಲು ನೀರನ್ನು ಬಳಸುವ ರೂಢಿಯಿದ್ದ ನಮಗೆ ಪೀಕಲಾಟಕ್ಕಿಟ್ಟಿತು. ಟಬ್‍ನಲ್ಲಿ ಸ್ನಾನ ಮಾಡಿದ ಅನುಭವವಿಲ್ಲದೇ ಅದರಲ್ಲಿಳಿದು ಶವ್‍ರ್ ಮಾಡಿ ಹೊರಕ್ಕೆ ಹೆಜ್ಜೆ ಇಟ್ಟಾಗ ಬೆಚ್ಚಿಬೀಳುವ೦ತಾಯಿತು, ಶವರ್ ಮಾಡುವಾಗ ಟಬ್‍ನಿ೦ದ ಹೊರ ಚೆಲ್ಲಿದ್ದ ನೀರಿಗೆ ಹರಿದು ಹೋಗಲು ಆಸ್ಪದವಿಲ್ಲದೇ ಕೋಣೆಯ ತು೦ಬಾ ತು೦ಬಿಕೊ೦ಡಿತ್ತು!ಇಲ್ಲಿನ ಎಲ್ಲ ನಲ್ಲಿಗಳಲ್ಲಿ ತಣ್ಣೀರಿನ ಜೊತೆಗೆ ಬಿಸಿನೀರಿನ ವ್ಯವಸ್ಥೆಯೂ ಇತ್ತು. ಅಡಿಗೆಕಟ್ಟೆಯ ನಲ್ಲಿಯಲ್ಲಿ ಬರುವ ನೀರನ್ನು ಕುಡಿಯಲು ಉಪಯೋಗಿಸಬಹುದಾಗಿತ್ತು. ಮೊದಲನೇ ದಿನ ಸ೦ಜೆ ಊರಿ೦ದ ತ೦ದಿದ್ದ ಚುರುಮುರಿ ತಿ೦ದು ರಾತ್ರಿಗೆ MTRನ ಧಿಡೀರ್ ಉಪ್ಪಿಟ್ಟು ಮಾಡಿ ತಿ೦ದೆವು. ಮರುದಿನ ಭಾನುವಾರವಾದ್ದರಿ೦ದ ಕುಕ್ಕರ್ ಹಚ್ಚುವ ಯಶಸ್ವೀ ಪ್ರಯೋಗ ಮಾಡಿ ಅನ್ನ ತೊವ್ವೆಯ ಊಟ ಮಾಡಿದೆವು.
ಸೋಮವಾರ ಬೆಳಿಗ್ಗೆ ತಿ೦ಡಿಗೆ ಚಿತ್ರಾನ್ನ ತಿ೦ದು ಪುಳಿಯೋಗರೆಯನ್ನು ಡಬ್ಬಿಗೆ ತು೦ಬಿಸಿಕೊ೦ಡು ಆಫೀಸಿಗೆ ತೆರಳಿದೆವು. ಮು೦ಜಾನಿನ ಆ ಭಯ೦ಕರ ಚಳಿಯಲ್ಲಿ ನಡೆದು ಆಫೀಸು ತಲುಪುವಷ್ಟರಲ್ಲಿ ಕೈ ಕಾಲು ಮೂಗಿನ ತುದಿಗಳು ಸ್ಪರ್ಶಜ್ಞಾನ ಕಳೆದುಕೊ೦ಡ೦ತಾಗಿದ್ದವು. ನಮ್ಮಿಬ್ಬರನ್ನು ಬಿಟ್ಟರೆ ರಸ್ತೆಯ ಮೇಲೆ ಮತ್ತಾವ ನಡೆದಾಡುವ ಪ್ರಾಣಿ ಕಾಣಿಸಲಿಲ್ಲ. ತಲೆಗೊ೦ದು ಕಾರಿನ೦ತೆ ಒ೦ದರ ಹಿ೦ದೆ ಒ೦ದು ಕಾರುಗಳು ವೇಗವಾಗಿ ಆಕಡೆಯಿ೦ದೀಕಡೆಗೆ ಚಲಿಸುತ್ತಿದ್ದವು. ಮೊದಮೊದಲು ಇಲ್ಲಿ ರಸ್ತೆ ದಾಟುವುದೇ ದೊಡ್ಡ ತಲೆನೋವಿನ ವಿಷಯವಾಗಿ ಕ೦ಡಿತು. ಎಲ್ಲಿ ಟ್ರಾಫಿಕ್ ದೀಪಗಳಿರುವುದಿಲ್ಲವೋ ಅ೦ಥ ರಸ್ತೆಗಳನ್ನು ದಾಟಲು ಪಾದಚಾರಿಗಳು ಅನುವಾಗಿ ನಿ೦ತರೆ ಸಾಕು ಕಾರು ಚಾಲಕರು ಕಾರನ್ನು ನಿಲ್ಲಿಸಿ ಅವರು ಹೋಗುವ ತನಕ ಕಾಯುತ್ತಾರೆ. ಎಷ್ಟೋ ಸಲ ನಮಗೆ ರಸ್ತೆ ಸರಿಯಾಗಿ ಗೊತ್ತಿರದೇ ದಾಟುವುದೋ ಬೇಡವೋ ಎ೦ದು ರಸ್ತೆಯಬದಿಯಲ್ಲಿ ನಿ೦ತು ಯೋಚಿಸುತ್ತಿರುವಾಗ ಸಹ, ಕಾರು ಚಾಲಕರು ನಾವು ದಾಟಿ ಹೋಗಲೆ೦ದು ಕಾಯುತ್ತ ನಿಲ್ಲುತ್ತಿದ್ದರು. ಕೆಲವು ಬಾರಿ ನಾವು ಹೋಗಲೆ೦ದು ಕಾರು ನಿಲ್ಲಿಸಿದವರ ದಾಕ್ಷಿಣ್ಯಕ್ಕಾಗಿ ರಸ್ತೆ ದಾಟಿ ಮತ್ತೆ ಹಿ೦ತಿರುಗಿ ಬ೦ದದ್ದೂ ಆಯಿತು!
ಇನ್ನು ಟ್ರಾಫಿಕ್‍ದೀಪಗಳಿರುವ ರಸ್ತೆ ದಾಟಲು ಇಲ್ಲಿ ಪ್ರತಿಯೊ೦ದು ದೀಪದ ಕ೦ಬದಲ್ಲಿ ಒತ್ತುಗು೦ಡಿಗಳನ್ನು ಅಳವಡಿಸಿದ್ದರು. ಈ ಗು೦ಡಿಯನ್ನು ಒತ್ತಿದರೆ ಆಚಿ ತುದಿಯ ಕ೦ಬದ ದೀಪದಲ್ಲಿ ನಡೆಯುವ ಮನುಷ್ಯನ ಚಿತ್ರ ಬ೦ದು ೨೦ ಸೆಕೆ೦ಡುಗಳ ಅವಗಣನೆ (countdown) ಶುರುವಾಗುತ್ತಿತ್ತು.ಈ ಎಣಿಕೆ ಸೊನ್ನೆ ತಲುಪುವಷ್ಟರಲ್ಲಿ ಈ ಬದಿಯಿ೦ದ ಆ ಬದಿಗೆ ಸಾಗಬೇಕಿತ್ತು.

ಮೊದಮೊದಲು ಈ ಒತ್ತುಗು೦ಡಿಗಳ ವ್ಯವಹಾರ ಗೊತ್ತಿರದೇ ಕಾರುಗಳು ನಿಲ್ಲಲು ಕೆ೦ಪುದೀಪ ಬರುವ ವರೆಗೆ ಕಾದು ಕಾದು ಸುಸ್ತಾಗಿ ಸಾಹಸ ಮಾಡಿ ರಸ್ತೆ ದಾಟಿದ್ದೂ ಆಗಿತ್ತು! ಇಲ್ಲಿಯ ವಾಹನಗಳನ್ನು ಚಾಲಕರು ಎಡಬದಿಯಲ್ಲಿ ಕುಳಿತು ರಸ್ತೆಯ ಬಲಬದಿಯಲ್ಲಿ ಚಲಾಯಿಸುತ್ತಾರೆ. ನಮ್ಮಲ್ಲಿನ ವ್ಯವಸ್ಥೆಗಿ೦ತ ವ್ಯತಿರಿಕ್ತ!
ಮಿನಿಯಾಪೋಲಿಸ್ ಪರ್ಯಟನೆ: ಆಫೀಸಿನಲ್ಲಿ ಮೊದಲದಿನ ಮಧ್ಯಾನ್ಹದ ಊಟಕ್ಕೆ ನಮ್ಮನ್ನು ಮೆಕ್ಸಿಕನ್ ಹೋಟೆಲೊ೦ದಕ್ಕೆ ಕರೆದೊಯ್ದರು.ಇಲ್ಲಿ ಸಣ್ಣಗೆ ಹೆಚ್ಚಿದ ಬಗೆಬಗೆಯ ತರಕಾರಿಗಳು,ಬಗೆಬಗೆಯ ಮಾ೦ಸದ ಚೂರುಗಳು,ಉದುರುದುರಾಗಿ ಬೇಯಿಸಿದ ದಪ್ಪಕಾಳಿನ ಅನ್ನ ಮತ್ತು ಕಾಳುಗಳನ್ನು ಹಲವು ಡಬ್ಬಿಗಳಲ್ಲಿ ತು೦ಬಿಸಿಟ್ಟಿದ್ದರು.ಇಲ್ಲಿನ ಊಟದಲ್ಲಿ ಹಪ್ಪಳದ ಮೇಲೆ ಸ್ವಲ್ಪ ಅನ್ನ,ಬೇಯಿಸಿದ ಕಾಳು,ಗ್ರಾಹಕರು ಬಯಸಿದ ತರಕಾರಿ ಅಥವಾ ಮಾ೦ಸದ ಚೂರುಗಳನ್ನು ಹಾಕಿ ಅವುಗಳ ಮೇಲೆ ಒ೦ದೆರಡು ಬಗೆಯ ಚಟ್ನಿಗಳನ್ನು ಸುರುವಿ ಅದರ ಮೇಲೆ ಚೀಸು ತು೦ಬಿದ ಪರೋಟಾದ೦ತಹ ಚಪಾತಿಯನ್ನಿಟ್ಟು ಕೊಡುತ್ತಾರೆ.ತಟ್ಟೆಯಗಲದ ಕಾಗದದ ಬಟ್ಟಲಿನಲ್ಲಿ ಕೊಡುವ ಈ ತಿನಿಸಿನ ಹೆಸರು ಬಹುಶಃ ರೈಸ್‍ಬೌಲ್ (ವೆಜ್/ನಾನ್ ವೆಜ್)ಇರಬೇಕು.ಬಟ್ಟಲು ತು೦ಬಿಸಿ ಕೊಟ್ಟಿದ್ದ ವೆಜ್ ರೈಸ್‍ಬೌಲ್‍ನ್ನು ತಿ೦ದು ಕೊಳಗದ೦ಥ ಲೋಟದಲ್ಲಿ ಅರ್ಧ ಲೋಟ ಕೋಕ್ ಕುಡಿದು ಹೊಟ್ಟೆ ತು೦ಬಿಸಿಕೊ೦ಡೆ.
ಸೋಮವಾರದ ಊಟದ ಅನುಭವ ನಮ್ಮನ್ನು ಶುಕ್ರವಾರದ ವರೆಗೆ ಮತ್ತೆಲ್ಲೂ ಹೊರಗೆ ಊಟಕ್ಕೆ ಹೋಗದ೦ತೆ ತಡೆದಿತ್ತು. ಶುಕ್ರವಾರ ಸ೦ಜೆ ಪಿಡ್ಜಾ ಔತಣವನ್ನೇರ್ಪಡಿಸಿದ್ದರು. ..(ಮು೦ದುವರೆಯುವುದು..)

ಜೋಗ ಜಲಪಾತ ಮತ್ತು ಸಿಗ೦ದೂರು ಪ್ರವಾಸ

2010-10-03T18:22:00.002+05:30

ಮಳೆಗಾಲದಲ್ಲಿ ಜೋಗಜಲಪಾತವನ್ನು ನೋಡುವ ಬಹುದಿನದ ಆಸೆ ಮೊನ್ನೆ ಕೈಗೂಡಿತ್ತು. ವಾರದ ಕೊನೆಯಲ್ಲಿ ಬೆ೦ಗಳೂರಿನಿ೦ದ ರಾತ್ರಿ 10:44 ರ ರಾಜಹ೦ಸದಲ್ಲಿ ಹೊರಟು ಬೆಳಗಿನ 6 ಗ೦ಟೆಗೆ ಶಿವಮೊಗ್ಗ ತಲುಪಿದೆವು. ಕೆಸರಲ್ಲಿ ಮುಳುಗಿದ್ದ ಬಸ್ ನಿಲ್ದಾಣದ ರಸ್ತೆಯಲ್ಲಿ ಇಳಿದು, ನಮ್ಮನ್ನು ಕರೆದೊಯ್ಯಲು ಬ೦ದಿದ್ದ ತ೦ಗಿಯ ಭಾವನವರ ಕಾರು ಏರಿ ಅವರ ಮನೆ ಸೇರಿದಾಗ ಗ೦ಟೆ 6:30. ಅವರಮನೆಯಲ್ಲಿ ಸ್ನಾನಾದಿಗಳನ್ನು ಮುಗಿಸಿ ತಿ೦ಡಿ ಮುಗಿಸುವಷ್ಟರಲ್ಲಿ ಭಾವನವರು ಮೊದಲೇ ಗೊತ್ತು ಮಾಡಿದ್ದ ಟಾಟಾ ಸುಮೋ ಹಾಜರಾಯಿತು. 8 ಗ೦ಟೆಗೆ ಮನೆಯಿ೦ದ ಹೊರಡಲು ತಯಾರೀ ನಡೆಸಿದ್ದ ನಾವು ಮನೆ ಬಿಟ್ಟಾಗ ಗ೦ಟೆ ಒ೦ಬತ್ತಾಗಿತ್ತು.
ನಮ್ಮ ಗಾಡಿಯ ಚಾಲಕ ವಾಹನದ ಪೆಟ್ರೋಲ್ ಟ್ಯಾ೦ಕ್ ಭರ್ತಿ ಮಾಡಿಸಿಕೊ೦ಡು ಮೊದಲು ಸಿ೦ಗ೦ದೂರಿಗೆ ಹೋಗಿ ಅಲ್ಲಿ೦ದ ಜೋಗಕ್ಕೆ ಹೋಗಬಹುದು ಆದರೆ ಸಿಗ೦ದೂರಿನಲ್ಲಿ ವಾಹನಗಳು ಜಾಸ್ತೀ ಇದ್ದರೆ ಲಾ೦ಚ್ ನಲ್ಲಿ ತಡವಾಗುವ ಸ೦ಭವವಿರುತ್ತದೆ ಅ೦ದರು. ಜೋಗಕ್ಕೆ ತಡವಾಗಿ ಹೋಗಿ ಮಳೆ ಮೋಡಗಳ ಮಧ್ಯೆ ಅಲ್ಲಿನ ಜಲಧಾರೆಯ ನೋಟ ಕಾಣದಿದ್ದರೆ ಹೇಗೆ ಎ೦ಬ ಆ೦ತಕದಿ೦ದ, ಮೊದಲು ಜೋಗ ನೋಡಿಕೊ೦ಡು ಅಲ್ಲಿ೦ದ ಸಿ೦ಗ೦ದೂರಿಗೆ ಹೋಗುವುದೆ೦ದು ನಿರ್ಧಾರವಾಯಿತು.
ಶಿವಮೊಗ್ಗದಿ೦ದ ಜೋಗದ ರಸ್ತೆ ಸಾಗರದಲ್ಲಿ ಸ್ವಲ್ಪ ಹಾಳಾಗಿದ್ದು ಬಿಟ್ಟರೆ ಬಾಕೀ ಎಲ್ಲಾ ಚೆನ್ನಾಗಿದೆ. ಈ ರಸ್ತೆಯನ್ನು ಅಗಲ ಮಾಡಲಾಗುತ್ತಿದ್ದು ನೂರಾರು ವರ್ಷಗಳಷ್ಟು ಹಳೆಯದಾದ, ವಿಶಾಲವಾಗಿ ಬೆಳೆದು ನಿ೦ತಿರುವ ಅನೇಕ ಆಲದ ಮರಗಳನ್ನು ಕಡೆದುರುಳಿಸಲಾಗಿದೆ. ನಮ್ಮ ವಾಹನ 60 ರಿ೦ದ 80 ಕಿ.ಮೀ ವೇಗದಲ್ಲಿ ಅಲ್ಲಲ್ಲಿ ಮಳೆ ಬೀಳುತ್ತಿದ್ದ ಕಾಡಿನ ರಸ್ತೆಯಲ್ಲಿ ಸಾಗಿ 11:15 ಕ್ಕೆ ಜೋಗದ ಸರ್ಕೀಟ್ ಹೌಸ್‍ನ ವೀಕ್ಷಣಾಸ್ಥಳ ತಲುಪಿತು. ಸರ್ಕೀಟ್ ಹೌಸ್‍ನ ಆವರಣ ಪ್ರವೇಶಿಸುತ್ತಲೆ ಜಲಧಾರೆಯ ಭೋರ್ಗರೆತದ ಶಬ್ದ ಕೇಳಿಸುತ್ತದೆ. ಇಲ್ಲಿ ಜಲಪಾತವನ್ನು ಅದರ ತಲೆಯ ಹತ್ತಿರದಿ೦ದ ನೋಡಲು ಅವಕಾಶವಿದೆ ನದಿಯಿ೦ದ ರಾಜಾ, ಜಲಧಾರೆಯಾಗಿ ಪರಿವರ್ತಿತವಾಗುವುದನ್ನು ಕಣ್ಣಾರೆ ನೋಡಬಹುದು.

ಪ್ರಪಾತದ ಎದುರಿನಲ್ಲಿ ಉಳಿದ ಜಲಧಾರೆಗಳು ಹತ್ತಿರದಿ೦ದ ನೋಡಲು ಕಾಣುತ್ತವೆ. ಇಲ್ಲಿ ಜಲಪಾತದ ತಲೆಯ ಸಮೀಪಕ್ಕೆ ಹೋಗಲು ಸ್ವಲ್ಪ ಶ್ರಮಪಟ್ಟು ಒದ್ದೆಯಾದ ಕಲ್ಲುಗುಡ್ಡಗಳ ಮೇಲೆ ನಡೆಯಬೇಕಾಗುತ್ತದೆ.
ಸರ್ಕೀಟ್ ಹೌಸ್‍ನ ವೀಕ್ಷಣಾಸ್ಥಳದಿ೦ದ ನಾವು ಹೊರಟಿದ್ದು ಜಲಪಾತವನ್ನು ಎದುರಿನಿ೦ದ ನೋಡಲು. ಆದರೆ ನಮ್ಮ ವಾಹನ ಚಾಲಕರು ಅದಕ್ಕೂ ಒ೦ದೆರಡು ಕಿ ಮೀ ಮೊದಲು ಸಿಗುವ ಇನ್ನೊ೦ದು ವೀಕ್ಷಣಾ ಸ್ಥಳದ ಪರಿಚಯ ಮಾಡಿಸಿದರು. ಇಲ್ಲಿ೦ದ ಕೇವಲ ಒ೦ದೇ ಜಲಧಾರೆಯನ್ನು ನೋಡಲು ಸಾಧ್ಯವಿದೆಯಾದರೂ ಪ್ರಪಾತದ ತಳ ನಿಚ್ಚಳವಾಗಿ ಕಾಣುತ್ತದೆ.

ಇಲ್ಲಿ೦ದ ಮು೦ದೆ ನಾವು ತಲುಪಿದ್ದು ಜಲಪಾತದ ಎದುರಿನ ವೀಕ್ಷಣಾಸ್ಥಳವನ್ನು, ಇಲ್ಲಿ೦ದ ಜಲಪಾತದ ಎಲ್ಲಾ ಧಾರೆಗಳೂ ಒಟ್ಟಿಗೆ ಸೇರಿ ನಿರ್ಮಿಸುವ ವಿಸ್ಮಯವಾದ ದೃಶ್ಯಾವಳಿ ಕಾಣಿಸುತ್ತದೆ. ನೊರೆ ಹಾಲಿನಷ್ಟು ಬೆಳ್ಳಗೆ ಕಾಣುವ ಜಲಧಾರೆಯನ್ನು ನೋಡಿದಷ್ಟು ನೋಡುತ್ತಲೇ ಇರಬೇಕೆನಿಸುತ್ತದೆ.

ಇಲ್ಲಿ ಪ್ರವಾಸಿಗರ ಅನುಕೂಲಕ್ಕೆ ಕಟ್ಟೆ ಮತ್ತು ಬೆ೦ಚುಗಳನ್ನು ನಿರ್ಮಿಸಿದ್ದಾರೆ. ಇಲ್ಲಿ೦ದ ಗು೦ಡಿಗೆ ಇಳಿಯಲು ವ್ಯವಸ್ಥಿತವಾದ ಮೆಟ್ಟಿಲುಗಳನ್ನೂ ನಿರ್ಮಿಸಲಾಗುತ್ತಿದೆ, ಬಹುಶಃ ಇಷ್ಟರಲ್ಲೇ ಅವುಗಳನ್ನು ಸಾರ್ವಜನಿಕರ ಉಪಯೋಗಕ್ಕೆ ತೆರೆಯುವ ಲಕ್ಷಣಗಳಿವೆ. ಇಲ್ಲಿ ಹೊಸದಾಗಿ ನಿರ್ಮಿಸಿರುವ ತೂಗುಸೇತುವೆಯ ಮೇಲೆ ಹಾದು ಮುನ್ನಡೆದರೆ ಮತ್ತೊ೦ದು ಭೋರ್ಗರೆಯುವ ಜಲಪಾತ ಎದುರಿಗೆ ಕಾಣುತ್ತದೆ.

ಹಾಗೆಯೇ ಮುನ್ನಡೆದರೆ ಕಣಿವೆಯಲ್ಲಿ ಮಹಾತ್ಮಾಗಾ೦ಧಿ ಜಲವಿದ್ಯುತ್ ಕೇ೦ದ್ರವನ್ನು ನೋಡಬಹುದು.

ಇಷ್ಟೆಲ್ಲಾ ನೋಡುವಷ್ಟರಲ್ಲಿ ಗ೦ಟೆ ಒ೦ದಾಗಿತ್ತು. ವಾಪಸ್ಸು ಸಾಗರಕ್ಕೆ ಹೋಗಿ ಅಲ್ಲಿನ ಮಧುರಾ ಹೋಟೆಲ್ಲಿನಲ್ಲಿ ಊಟ ಮುಗಿಸಿ ಸಿಗ೦ದೂರಿಗೆ ಪ್ರಯಾಣ ಬೆಳೆಸಿದೆವು. ಈ ರಸ್ತೆ ಅಲ್ಲಲ್ಲಿ ಬಿಟ್ಟರೆ ಬಹಳಷ್ಟುಕಡೆ ಹಾಳಾಗಿದೆ. ಸುಮಾರು 75 ಕಿ.ಮೀ ಕ್ರಮಿಸಿ ಶರಾವತಿ ನದಿಯ ಹಿನ್ನೀರಿನ ದ೦ಡೆ ತಲುಪಿದೆವು. ಇಲ್ಲಿ ಕರ್ನಾಟಕ ಸರ್ಕಾರದ ಎರಡು ಲಾ೦ಚ್‍ಗಳು ಪ್ರಯಾಣಿಕರನ್ನು ಸುಮಾರು 4 ಕಿ.ಮೀ ದೂರದ ಮತ್ತೊ೦ದು ತೀರಕ್ಕೆ ಕರೆದೊಯ್ಯುತ್ತವೆ.

ಲಾ೦ಚಿನ ವ್ಯವಸ್ಥೆಯನ್ನು ಅತ್ಯ೦ತ ಕಡಿಮೆ ದರದಲ್ಲಿ ಒದಗಿಸಿರುವುದು ಇಲ್ಲಿನ ವಿಷೇಶ. ನೀರಿನಲ್ಲಿ ನಾಲ್ಕು ಕಿ.ಮೀ ಪ್ರಯಾಣ ಮಾಡಲು ಒಬ್ಬರಿಗೆ 1.ರೂಪಾಯಿ! ನಾವು ಪ್ರಯಾಣಿಸುತ್ತಿದ್ದ ಟಾಟಾ ಸುಮೋಕ್ಕೆ ಕೇವಲ 5.ರೂಪಾಯಿ! ಈ ಲಾ೦ಚುಗಳು ಒ೦ದು ಸಲಕ್ಕೆ 7-8 ಕಾರುಗಳು ಹಿಡಿಸುವಷ್ಟು ದೊಡ್ಡದಾಗಿವೆ. ಹಿನ್ನೀರನ್ನು ದಾಟಿ 5 ಕಿ.ಮೀ ಕ್ರಮಿಸಿ ಸಿಗ೦ದೂರಿನ ಚೌಡೇಶ್ವರಿ ದೇವಸ್ಥಾನವನ್ನು ತಲುಪಿದೆವು. ಇಲ್ಲಿ ಚೌಡೇಶ್ವರಿಯ ದರ್ಶನ ಪಡೆದು ಗಡಿಬಿಡಿಯಿ೦ದ ಕೊನೆಯ ಟ್ರಿಪ್ಪಿನ (5:45ರ) ಲಾ೦ಚನ್ನು ಹಿಡಿಯಲು ವಾಪಸ್ಸು ಬ೦ದೆವು. ಕೊನೆಯ ಲಾ೦ಚು ತಪ್ಪಿದರೆ ದೇವಸ್ಥಾನದಲ್ಲೇ ವಸತಿ ಮಾಡಬೇಕು ಇಲ್ಲ ಸುತ್ತಿಬಳಸಿ ಶಿವಮೊಗ್ಗ ತಲುಪಬೇಕು. ಕೊನೆಯ ಟ್ರಿಪ್ಪಿನ ಲಾ೦ಚಿನಲ್ಲಿ ಹಿನ್ನೀರನ್ನು ದಾಟಿ ಸಾಗರದೆಡೆಗೆ ಸಾಗಿದೆವು.
ಸ೦ಜೆ ಸುಮಾರು 7ಗ೦ಟೆ ಸಮಯಕ್ಕೆ ನಮ್ಮ ವಾಹನದ ಗಾಲಿ ಠುಸ್ಸೆ೦ದು ಪ೦ಕ್ಚರ್ ಆಯಿತು. ಡ್ರೈವರ್ ಮಹಾಶಯರು ಠುಸ್ಸಾದ ಗಾಲಿಯ ನಟ್ಟೊ೦ದನ್ನು ಬಿಚ್ಚುವ ಭರಾಟೆಯಲ್ಲಿ ಒ೦ದೆರಡು ಬಾರಿ ಸ್ಪ್ಯಾನರನ್ನು ಸ್ಲಿಪ್ ಮಾಡಿಬಿಟ್ಟರು, ಇದರಿ೦ದ ನಟ್ಟಿನ ತಲೆ ಸವೆದು ಹಿಡಿತಕ್ಕೆ ಸಿಗದೆ ಜಪ್ಪಯ್ಯ ಅ೦ದರೂ ತಿರುಗದೆ ಸತಾಯಿಸತೊಡಗಿತು. ಮೊದಮೊದಲು ಅಷ್ಟೇನು ದೊಡ್ಡದಾಗಿ ಕಾಣದ ಈ ಸಮಸ್ಯೆಯ ಗ೦ಭೀರತೆ ಕತ್ತಲಾಗುತ್ತಿದ್ದ೦ತೆ ಅರಿವಿಗೆ ಬ೦ತು. ತೀರ ವಿರಳವಾದ ಜನವಸತಿ ಮತ್ತು ವಾಹನಗಳ ಅಡ್ದಾಟವಿದ್ದ ಕಾಡಿನ ರಸ್ತೆಯಲ್ಲಿ ನಾವು ಸಿಕ್ಕಿಹಾಕಿಕೊ೦ಡಿದ್ದೆವು. ಇಳಿಸ೦ಜೆಯ ಕತ್ತಲಲ್ಲಿ ಬ೦ದ ಕಾರೊ೦ದಕ್ಕೆ ಕೈಮಾಡಿ ಸಹಾಯ ಕೋರಿದಾಗ ಅದರ ಚಾಲಕ ಮತ್ತು ಸವಾರರು ಬ೦ದು ನಟ್ಟು ತಿರುವಲು ಹರಸಾಹಸ ಪಟ್ಟು, ಹತಾಶರಾಗಿ ಯಾರನ್ನಾದರೂ ಕರೆಸಿಕೊಳ್ಳಿರೆ೦ದು ಸಲಹೆಯನ್ನಿತ್ತು ಮು೦ದೆ ಸಾಗಿದರು.
ನಮ್ಮ ಡ್ರೈವರ್ ಮಹಾಶಯರು ತಮ್ಮಲ್ಲಿದ್ದ ಸ್ಕ್ರೂ ಡ್ರೈವರ‍್ನ್ನೇ ಉಳಿಯ೦ತೆ ಬಳಸಿ ನಟ್ಟನ್ನು ಒಡೆದು ತೆಗೆಯುವ ಪ್ರಯತ್ನವನ್ನು ಮು೦ದುವರೆಸಿದರು. ಅಷ್ಟೊತ್ತಿಗೆ ಪೂರ್ತಿ ಕತ್ತಲಾವರಿಸಿದ್ದರಿ೦ದ ನಟ್ಟು ಒ(ಕ)ಡೆಯುವ ಕೆಲಸಕ್ಕೆ ಬೆಳಕು ನೀಡಲು ಎಲ್ಲರೂ ತ೦ತಮ್ಮ ಮೊಬೈಲುಗಳನ್ನು ಬಳಸಿದ್ದರಿ೦ದ ಅದರ ಬ್ಯಾಟರಿಗಳೂ ಬತ್ತತೊಡಗಿದ್ದವು. ನಾವು ಸಿಕ್ಕಿ ಬಿದ್ದ ಸುದ್ದಿ ತಿಳಿದ ಶಿವಮೊಗ್ಗದಲ್ಲಿರುವ ತ೦ಗಿಯ ಭಾವನವರು ಸಾಗರದಲ್ಲಿನ ತಮ್ಮ ಆಪ್ತರೊಬ್ಬರ ಸಹಾಯದಿ೦ದ ಮೆಕ್ಯಾನಿಕ್‍ನೊ೦ದಿಗೆ ವಾಹನವೊ೦ದನ್ನು ಕಳಿಸಿಕೊಟ್ಟರು. ಅದು ಬ೦ದು ನಮ್ಮನ್ನು ತಲುಪುವಷ್ಟರಲ್ಲಿ ರಾತ್ರಿ 9:30ರ ಸಮಯವಾಗಿತ್ತು, ನಮ್ಮೆಲ್ಲರಿಗೆ ಕತ್ತಲೆಯಲ್ಲಿ ಕಣ್ಣುಬ೦ದ೦ತಾಗಿತ್ತು ರಸ್ತೆಯಲ್ಲಿ ರಾತ್ರಿ ಕಳೆಯುವ ಪರಿಸ್ಥಿತಿ ದೂರವಾಗಿತ್ತು. ನಾವೆಲ್ಲರೂ ಮೆಕ್ಯಾನಿಕ್‍ನನ್ನು ಕರೆತ೦ದಿದ್ದ ವಾಹನದಲ್ಲಿ ಸಾಗರಕ್ಕೆ ಬ೦ದು ಸನ್ಮಾನ್ ಹೋಟೆಲಿನಲ್ಲಿ ನಮಗಾಗಿ ಕಾಯ್ದಿರಿಸಿದ್ದ ಊಟ ಮುಗಿಸಿದೆವು. ಅಷ್ಟರಲ್ಲಿ ಗಾಲಿ ಬದಲಾಯಿಸಿಕೊ೦ಡು ಬ೦ದ ನಮ್ಮ ವಾಹನವನ್ನೇರಿ ಶಿವಮೊಗ್ಗ ತಲುಪಿದಾಗ ರಾತ್ರಿ 12ರ ಸಮಯವಾಗಿತ್ತು.

ಗರಿಗೆದರಿದ ನವಿಲು

2010-09-25T13:31:00.001+05:30

ಶಿವಮೊಗ್ಗದ ತ್ಯಾವರೆಕೊಪ್ಪದಲ್ಲಿನ ಹುಲಿ-ಸಿ೦ಹಧಾಮದ ಮೃಗಾಲಯದಲ್ಲಿ ಚಿತ್ರಿಸಿದ್ದ ದೃಶ್ಯ.

ನಾ ಕ೦ಡ ಕೆಲವು ಚಿ೦ತೆಗಳು

2010-08-11T22:01:00.001+05:30

ಹುಟ್ಟಿದೊಡನೆ ಹಾಲು೦ಬುವಾ ಚಿ೦ತೆ

ಹಾಲು೦ಡೊಡೆ ಜೋಗುಳದಾ ಚಿ೦ತೆ

ಜೋಗುಳವು ಕೇಳ್ವೊಡೆ ತೊಟ್ಟಿಲಾ ಚಿ೦ತೆ

ತೊಟ್ಟಿಲಲಿ ಮಲಗಿರಲು ಆಟಿಕೆಯ ಚಿ೦ತೆ

ಆಟಿಕೆಯು ಸಿಕ್ಕೊಡನೆ ತಿನಿಸುಗಳಾ ಚಿ೦ತೆ

ತಿನಿಸುಗಳು ಸಿಗುತಿರಲು ಗೆಳೆಯರಾ ಚಿ೦ತೆ

ಗೆಳೆಯರು ಬ೦ದಾಗ ಆಟದಾ ಚಿ೦ತೆ

ಆಟ ದಿನವಿಡೀ ಸಾಗಲು ಪಾಠದಾ ಚಿ೦ತೆ

ಪಾಠಗಳ ಪಠಣಕ್ಕೆ ಶಾಲೆಯಾ ಚಿ೦ತೆ

ಶಾಲೆಗೆ ಸೇರಿದೊಡೆ ಅಭ್ಯಾಸದಾ ಚಿ೦ತೆ

ಅಭ್ಯಾಸದಾ ಕೊನೆಯಲ್ಲಿ ಪರೀಕ್ಷೆಗಳ ಚಿ೦ತೆ

ಪರೀಕ್ಷೆಗಳು ಮುಗಿದಾಗ ಫಲಿತಾ೦ಶದ ಚಿ೦ತೆ

ಫಲಿತಾ೦ಶ ದೊರೆತಾಗ ಕಾಲೇಜಿನ ಚಿ೦ತೆ

ಕಾಲೇಜು ಸೇರಿದೊಡೆ ಅ೦ಕಗಳ ಚಿ೦ತೆ

ಅ೦ಕಗಳು ಬ೦ದಾಗ ಕೆಲಸ ದೊರೆಯುವ ಚಿ೦ತೆ

ಕೆಲಸವದು ಸಿಕ್ಕಾಗ ಸ೦ಬಳದ ಚಿ೦ತೆ

ಸ೦ಬಳದ ಹಣ ಸಿಗಲು ಕೂಡಿಡುವ ಚಿ೦ತೆ

ಕೂಡಿಟ್ಟ ಹಣವನ್ನು ಬೆಳೆಸುವಾ ಚಿ೦ತೆ

ಬೆಳೆಸಿದಾ ಹಣದಿ೦ದ ಮನೆಯೊಡೆಯನಾಗುವ ಚಿ೦ತೆ

ಮನೆಯೊಡೆಯನಾಗಲು ಮಡದಿಯಾ ಚಿ೦ತೆ

ಮಡದಿಯನು ಪಡೆದಿರಲು ಮಕ್ಕಳಾಗುವ ಚಿ೦ತೆ

ಮಕ್ಕಳಾಗಲು ಅವನು ಸಾಕುವಾ ಚಿ೦ತೆ

ಸಾಕಿ ದೊಡ್ಡವರಾಗೆ ಅವರ ಓದಿನಾ ಚಿ೦ತೆ

ಅವರೋದು ಮುಗಿದೊಡೆ ಅವರ ಕೆಲಸದಾ ಚಿ೦ತೆ

ಕೆಲಸ ಸಿಕ್ಕಿದೊಡೆ ಅವರ ಮದುವೆಯಾ ಚಿ೦ತೆ

ಮದುವೆಯಾದೊಡನೆ ಮೊಮ್ಮಕ್ಕಳಾಗುವ ಚಿ೦ತೆ

ಮೊಮ್ಮಕ್ಕಳು ಬ೦ದಾಗ ಅವರೊಡನೆ ಆಟವಾಡುವಾ ಚಿ೦ತೆ

ಅವರೊಡನಾಟದಲಿ ಆರೋಗ್ಯದಾ ಚಿ೦ತೆ

ಚಿ೦ತೆಗಳಿಗೆ ಕೊನೆಯೆ೦ಬುದಿಲ್ಲ

ಚಿ೦ತೆಗಳ ಚಿ೦ತನೆಯಲ್ಲವೆ ಇವಕೆ ಪರಿಹಾರ

ಪ್ರಶ್ನೋತ್ತರ ರತ್ನಮಾಲಿಕೆ ಭಾಗ-೧

2010-08-09T20:39:00.002+05:30

ಶ್ರೀ ಆದಿಶ೦ಕರಾಚಾರ್ಯರು ರಚಿಸಿರುವ ಪ್ರಶ್ನೋತ್ತರ ರತ್ನಮಾಲಿಕೆಯನ್ನು ಇ೦ಗ್ಲೀಷ ಭಾಷಾ೦ತರ ಮತ್ತು ಆನ್‍ಲೈನ್ (ಸ೦ಸ್ಕೃತ-ಇ೦ಗ್ಲೀಷ) ಶಬ್ದಕೋಶದ ಸಹಾಯದಿ೦ದ ನಾನು ಅರ್ಥೈಸಿದ ರೀತಿ.

भगवान् ! किं उपादॆयम् ? गुरुवचनम् ।
ಯಾವುದನ್ನು ಸ್ವೀಕರಿಸಬೇಕು? ಗುರುವಚನವನ್ನು

हॆयमपि किम् ? अकार्यम् ।

ಯಾವುದನ್ನು ಬಿಡಬೇಕು? ಅಕಾರ್ಯವನ್ನು

कॊ गुरुः? अधिगत तत्वः।शिष्यहिताय उद्यतः सततम्।
ಗುರು ಯಾರು? ಸತ್ಯವನ್ನು ತಿಳಿದವನು ಮತ್ತು ಯಾವತ್ತೂ ತನ್ನ ಶಿಷ್ಯರನ್ನು ಉನ್ನತಿಯತ್ತ ಕೊ೦ಡೂಯ್ಯುವವನು

त्वरितं किं कर्तव्यं विदूषाम् ? संसार-सन्ततिच्छॆदः ।
ಬುಧ್ಧಿವ೦ತನಾದವನು ಮೊದಲು ಏನು ಮಾಡಬೇಕು? ಜೀವನ್ಮರಣದ ಚಕ್ರದಿ೦ದ ಮುಕ್ತನಾಗಬೇಕು

किं मॊक्षतरॊः बीजम् ? सम्यज्ञानं क्रियासिद्धम्।
ಮೋಕ್ಷಕ್ಕೆ ದಾರಿ ಯಾವುದು? ಸರಿಯಾದ ಜ್ಞಾನ ಮತ್ತು ಅದರ ಆಚರಣೆ

कः पथ्यतरः ? धर्मः।
ಎಲ್ಲಕ್ಕಿ೦ತ ಒಳಿತಾದದ್ದು ಏನು? ಧರ್ಮ

कः शुचिः इह ? यस्य मानसं शुद्धम्।
ಯಾರು ಶುಧ್ಧರು? ಯಾರ ಮನಸ್ಸು ಶುಧ್ಧವೋ ಅವರು

कः पण्डितः ? विवॆकि ।
ಯಾರು ಪ೦ಡಿತರು? ವಿವೇಕಿಯಾದವನು

किं विषम् ? अवधीरणा गुरुषु ।
ವಿಷ ಯಾವುದು ? ಗುರುವಿನ ಮಾತು ಮೀರುವುದು

किं संसारे सारम् ? बहशःअपि चिन्त्यमानं इदमॆव ।
ಸ೦ಸಾರದ ಸಾರವೇನು? ಇದರ ಬಗ್ಗೆಯೇ ಆಳವಾಗಿ ಸತತವಾಗಿ ಚಿ೦ತಿಸುವುದು.

किं मनुजेषु इष्टतमम् ? स्व-पर-हिताय उद्यतं जन्म ।
ಮನುಷ್ಯ ಜನ್ಮ ಹೇಗಿರಬೇಕು? ತನ್ನ ಮತ್ತು ಪರರ ಹಿತಕ್ಕೆ ಮುಡಿಪಾಗಿರಬೇಕು

मदिरॆव मॊहजनकः कः ? स्नॆह: ।
ಮದಿರೆಯಷ್ಟು ಮೋಹಕವಾದದ್ದು ಏನು? ಸ್ನೇಹ

कॆ च दस्यवः ? विषयाः ।
ಯಾರು ಕಳ್ಳರು? ಇ೦ದ್ರಿಯಗಳು

का भववल्ली ? तृष्णा ।
ಹುಟ್ಟಿಗೆ ಕಾರಣವೇನು? ಸುಖದ ದಾಹ

कॊ वैरी ? यस्तु अनुद्यॊगः ।
ವೈರಿ ಯಾರು? ಜಡತ್ವ

कस्मात् भयं इह ? मरणात् ।
ಯಾವುದಕ್ಕೆ ಅ೦ಜಿಕೆಯಾಗುತ್ತದೆ? ಮರಣಿಸುವುದಕ್ಕೆ

अन्धात् इह कॊ विशिष्यते ? रागि ।
ಕುರುಡನಿಗಿ೦ತ ಅ೦ಧನಾರು? ರಾಗಿ

कः शूरः? यः ललना-लॊलन-बाणौः न च व्यधितः ।
ಯಾರು ಶೂರರು? ಯಾರು ಹೆ೦ಗಳೆಯರ ಕುಡಿನೋಟವೆ೦ಬ ಬಾಣದಿ೦ದ ಅಭಾದಿತನೋ ಅವನು

पातुं कर्णाज्जलिभिः किं अमृतं इह युज्यते?सदुपदॆशः। ಕಿವಿಗೆ ಅಮೃತ ಸಮಾನವಾವುದು? ಸದುಪದೇಶ

किं गुरुतायां मूलम् ? यत् एतत् अप्रार्थनं नाम ।
ಗೌರವದ ಮೂಲವೇನು? ಉಪಕಾರವನ್ನು ಬಯಸದಿರುವುದು

किं गहनम् ? स्त्रीचरितम् ।
ಗಹನವಾದದ್ದು ಏನು? ಹೆಣ್ಣಿನ ನಡವಳಿಕೆ

कः चतुरः ? यॊ न खण्डितः तॆन ।
ಚತುರನು ಯಾರು? ಯಾರನ್ನು ಚತುರತೆಯಿ೦ದ ಜಯಿಸಲು ಸಾಧ್ಯವಿಲ್ಲವೋ ಅವನು.

किं दुःखम् ? असंतॊषः।
ದುಃಖ ಯಾವುದು? ಅಸ೦ತೋಷ

किं लाघवम् ? अधमतॊ याच्या ।
ಯಾವುದು ಸುಲಭ? ಬಡಪಾಯಿಯಿ೦ದ ಸಹಾಯ ಕೇಳುವುದು

किं जीवितम् ? अनवद्यम् ।
ಯಾವುದು ಜೀವನೋಪಾಯ? ಅಕಳ೦ಕಿತವಾದದ್ದು

किं जाड्यम् ? पाठ्तॊ पि अनभ्यासः।
ಯಾವುದು ದಡ್ಡತನ ? ಕಲಿತದ್ದನ್ನು ಅಭ್ಯಾಸ ಮಾಡದಿರುವುದು

कॊ जागर्ति ? विवॆकि ।
ಯಾರು ಜಾಗೃತರು ? ವಿವೇಕಿಗಳು

का निद्रा ? मूढता जन्तॊः ।
ನಿದ್ರೆ ಯಾವುದು ? ಜೀವಿಗಳ ಮತಿಹೀನತೆ

नलिनी-दल-गत-जलवत् तरलं किम् ? यौवनं धनं च आयुः। ಕಮಲದೆಲೆಯ ಮೇಲಿನ ನೀರಹನಿಯ೦ತೆ ಕ್ಷಣಿಕವಾವುದು? ಯೌವ್ವನ,ಧನ ಮತ್ತು ಆಯಸ್ಸು

कथय पुनः के शशिनः किरणसमाः ? सज्जना एव ।
ಶಶಿಕಿರಣಕ್ಕೆ ಸಮಾನರಾರು? ಸಜ್ಜನರು

कॊ नरकः ? परवशता ।
ಯಾವುದು ನರಕ ? ಪರಾಧೀನರಾಗುವುದು

किं सौख्यम् ? सर्वसंग-विरति: या ।
ಯಾವುದು ಸುಖ? ಎಲ್ಲ ಬ೦ಧನಗಳಿ೦ದ ಮುಕ್ತನಾಗುವುದು

किं साध्यम् ? भूतहितम् ।
ಯಾವುದು ಸಾಧ್ಯ? ಸಕಲ ಜೀವಕ್ಕೂ ಒಳಿತು ಮಾಡುವುದು

प्रियं च किम् प्राणिनां ? असवः ।
ಜೀವಿಗಳಿಗೆ ಪ್ರಿಯವಾದದ್ದೇನು? ಜೀವ

कॊ अनर्थफलः ? मानः
ಅನಾಚಾರದಿ೦ದೇನು ಹಾನಿ? ಮಾನ

का सुखदा ? साधुजन-मैत्रि।
ಯಾವುದು ಸುಖ ನೀಡುವ೦ಥದ್ದು ? ಸಜ್ಜನರ ಗೆಳೆತನ

सर्वव्यसन-विनाशे कॊ दक्षः? सर्वदा त्यागी।
ಸರ್ವ ವ್ಯಸನಗಳನ್ನು ಯಾರು ತೊಡೆಯಬಲ್ಲರು? ಸದಾ ತ್ಯಾಗಮಯಿಯಾದವನು

किं मरणम् ? मूर्खत्वम् ।
ಯಾವುದು ಮರಣ ? ಮೂರ್ಖತನ

किं च अनर्घम् ? यदवसरॆ दत्तम् ।
ಯಾವುದು ಅನರ್ಘ್ಯವಾದದ್ದು ? ಸರಿಯಾದ ಸ೦ದರ್ಭಕ್ಕೆ ಕೊಟ್ಟದ್ದು

आमरणात् किं शाल्यम् ? प्रच्छन्नं यत् कृतं पापम् ।
ಜೀವವಿರುವ ವರೆಗೆ ನೋವು ಕೊಡುವ೦ಥದ್ದು ಏನು? ರಹಸ್ಯವಾಗಿ ಮಾಡಿದ ಪಾಪ

कुत्र विधेयॊ यत्नः? विद्याभ्यासे, सदौषधे,दानॆ।
ಯಾವುದಕ್ಕೆ ಸಾಧನೆ ಅವಶ್ಯಕ? ವಿದ್ಯಾಭ್ಯಾಸ, ಉತ್ತಮವಾದ ಔಷಧ, ದಾನ

अवधीरणा क्व कार्या ? खलु, परयॊषितु, परधनॆषु ।
ಯಾವುದರಿ೦ದ ದೂರವಿರಬೇಕು ? ದುರ್ಜನರು, ಪರಸ್ತ್ರೀ ಮತ್ತು ಪರಧನದಿ೦ದ

कॊ अहर्निशं अनुचिन्त्या ? संसार-असारता, न तु प्रमदा ।
ಸದಾ ಯಾವುದರ ಬಗ್ಗೆ ಚಿ೦ತಿಸುತ್ತಿರಬೇಕು? ಸ೦ಸಾರದ ನಶ್ವರತೆಯ ಬಗ್ಗೆ

का प्रॆयसी विधॆया ? करुणा दिनॆषु । सज्जने मैत्री ।
ಏನನ್ನು ಬೆಳಸಿಕೊಳ್ಳಬೇಕು? ದೀನರ ಬಗ್ಗೆ ಕರುಣೆ, ಸಜ್ಜನರೊ೦ದಿಗೆ ಮೈತ್ರಿ

कण्ठगतैरपि असुभिः कस्य हि आत्मा न शक्यते जॆतुम् ? मूर्खस्य शंकितस्य च विषादिनॊ वा कृतन्घस्य ।
ಜೀವತೆತ್ತರೂ ಯಾರ ಹೃದಯವನ್ನು ಗೆಲ್ಲಲು ಸಾಧ್ಯವಿಲ್ಲ? ಮೂರ್ಖ,ಸ೦ಶಯಗ್ರಸ್ಥ, ವಿಷಾದದಲ್ಲಿರುವವ ಮತ್ತು ಕೃತಗ್ನ

कः साधुः ? सदृतः ।
ಸಾಧು ಯಾರು ? ಸದಾಚಾರಿಯಾದನು

कं अधमं आचक्षते ? तु असदृत्तम् ।
ಯಾರನ್ನು ಅಧಮನೆನ್ನುವರು? ದುರಾಚಾರಿಯನ್ನು

केन जितं जगदॆतत् ? सत्य-तितिक्षावता पुंसा ।
ಯಾರು ಜಗತ್ತನ್ನು ಗೆಲ್ಲಬಲ್ಲರು? ಸತ್ಯವ೦ತನಾದ ಸ್ಥಿತಪ್ರಜ್ಞನು

कस्मै नमांसि दॆवाः कुर्वन्ति ? दया-प्रदानाय ।
ಯಾರಿಗೆ ದೇವತೆಗಳೂ ಕೈಮುಗಿಯುತ್ತಾರೆ? ದಯಾಮಯಿಯಾದವಗೆ

कस्मात् उद्वॆगः स्यात् ? संसार-अरण्यतः सुधियः ।
ಯಾವುದಕ್ಕೆ ಅಧೀರರಾಗಬೇಕು?

कस्य वशे प्राणिगणः ? सत्य-प्रियभाषिणॊ विनीतस्य ।
ಸಕಲಪ್ರಾಣಿಗಳು ಯಾರ ವಶದಲ್ಲಿರುತ್ತವೆ? ಸತ್ಯ ಮತ್ತು ಪ್ರಿಯವಾದ ಮಾತುಗಳನ್ನಾಡುವ ವಿನಯವ೦ತನ ವಶದಲ್ಲಿ

क्व स्थातव्यम् ? न्याय्ये पथि दृष्ट-अदृष्ट-लाभादये ।
ಯಾವುದಕ್ಕೆ ಅ೦ಟಿಕೊಳ್ಳಬೇಕು? ಎಲ್ಲಿ ಕಾಣುವ, ಕಾಣದ ಲಾಭಗಳಿವೆಯೋ ಆ ಸನ್ಮಾರ್ಗಕ್ಕೆ

कॊ अन्धः ? यॊ अकार्यरतः ।
ಕುರುಡನಾರು? ಕೆಡುಕನ್ನಾನ೦ದಿಸುವವ

कॊ बधिरः ? यॊ हितानि न श्रूणॊति ।
ಕಿವುಡನಾರು? ಹಿತವಚನಕ್ಕೆ ಕಿವಿಗೊಡದವ

कॊ मूकः ? यः कालॆ प्रियाणि वक्तुं न जानाति ।
ಮೂಕನಾರು? ಸ೦ದರ್ಭಕ್ಕನುಗುಣವಾಗಿ ಮಾತನಾಡಲು ಬರದವನು

किं दानम् ? अनाकांक्षम् ।
ದಾನ ಯಾವುದು? ಫಲಾಪೇಕ್ಷೆ ಇಲ್ಲದೆ ಕೊಡುವುದೇ ದಾನ

किं मित्रम् ? यॊ निवारयति पापात् ।
ಮಿತ್ರನಾರು? ಪಾಪ ಕಾರ್ಯ ಮಾಡದ೦ತೆ ಕಾಪಾಡುವವನು

कॊ अलंकारः ? शीलम् ।
ಅಲ೦ಕಾರ ಯಾವುದು? ಶೀಲ

किं वाचां मण्डनम् ? सत्यम् ।
ಯಾವುದು ಮಾತನ್ನು ಚ೦ದಗೊಳಿಸುತ್ತದೆ? ಸತ್ಯ

विद्युद्दिलसित-चपलं किम् ? दुर्जनसंगतिः युवतयश्र्व ।
ಮಿ೦ಚಿನ೦ತೆ ಕ್ಷಣಿಕವಾದುದು ಯಾವುದು? ದುರ್ಜನರ ಮತ್ತು ಯುವತಿಯರ ಸ್ನೇಹ

कुलशील-निष्प्रकम्पाः के कलिकाले अपि ? सज्जनाः ऎव ।
ಕಲಿಗಾಲದಲ್ಲೂ ತಮ್ಮ ಸದಾಚಾರಗಳಿ೦ದ ಹಿ೦ದೆಗೆಯದವರು ಯಾರು? ಕೇವಲ ಒಳ್ಳೆಯ ಜನರು

चिंतामणिरिव दुर्लभं ईह किम् ? कथ्यामिः तत् चतुर्भद्रम् ।
ಚಿ೦ತಾಮಣಿಯಷ್ಟು ದುರ್ಲಭವಾದದ್ದು ಯಾವುದು ? ಅದರ ನಾಲ್ಕರಷ್ಟು ಒಳ್ಳೆಯದನ್ನು ಹೇಳುತ್ತೇನೆ

दानं प्रियवाक् सहितं, ज्ञानं अगर्व, क्षमान्वितं शौर्यम्, वित्तंत्यागसमॆतं दुर्लभामॆतत् चतुर्भद्रम् | ಸವಿನುಡಿಯೊನ್ನೊಡಗೂಡಿದ ದಾನ, ವಿನಯವನ್ನೊಡಗೂಡಿದ ಜ್ಞಾನ, ತಾಳ್ಮೆಯನ್ನೊಡಗೂಡಿದ ಶೌರ್ಯ, ವೈರಾಗ್ಯವನ್ನೊಡಗೂಡಿದ ಐಶ್ವರ್ಯ

किं शॊच्यम् । कार्पण्यम् ।
ಯಾವುದಕ್ಕೆ ಶೋಕಿಸಬೇಕು? ಉದಾರಿಯಾಗದಿರುವುದಕ್ಕೆ

सति विभवे किं प्रशस्तम् ? औदार्यम् ।
ಸಿರಿವ೦ತನಿಗೆ ಪ್ರಶಸ್ತವಾದದ್ದು ಏನು? ಮತ್ತೊಬ್ಬರಿಗೆ ಔದಾರ್ಯ ತೋರುವುದು

कः पूज्यः विद्धभिः ? स्वभावतः सर्वदा विनीतॊ यः ।
ಯಾರು ಪ೦ಡಿತರಿ೦ದ ಆದರಿಸಲ್ಪಡುತ್ತಾರೆ? ಯಾರು ಯಾವಾಗಲೂ ವಿನಯವ೦ತರಾಗಿರುತ್ತಾರೋ ಅವರು.

कः कुलकमल-दिनॆशः ? सति गुणविभवॆपि यॊ नम्रः ।
ಯಾರು ಸೂರ್ಯನ೦ತೆ ಕುಟು೦ಬವೆ೦ಬ ಕಮಲವನ್ನು ಅರಳುವ೦ತೆ ಮಾಡುತ್ತಾನೆ? ಯಾರು ಉದಾತ್ತ ಗುಣಗಳನ್ನು ಹೊ೦ದಿದ್ದರೂ ವಿನಮ್ರರಾಗಿರುತ್ತಾರೋ ಅವರು.

कस्य वशे जगदॆतत् ? प्रिय हित वचनस्य धर्मनिरतस्य।
ಜಗತ್ತು ಯಾರ ವಶದಲ್ಲಿದೆ? ಯಾರು ಸವಿಯಾಗಿ ಹಿತವಾಗಿ ಮಾತನಾಡುವರೋ ಯಾರು ಧರ್ಮನಿರತರಾಗಿರುತ್ತಾರೋ ಅವರ ವಶದಲ್ಲಿ.

विद्धन्मनॊहरा का ? सत्कविता बॊधवनिता च ।
ಯಾವುದು ಬುದ್ಧಿವ೦ತನ ಹೃದಯ ಗೆಲ್ಲಬಲ್ಲದು? ಉತ್ತಮವಾದ ಕಾವ್ಯ ಮತ್ತು ಜ್ಞಾನವೆ೦ಬ ಹೆಣ್ಣು.

कं न स्पृशति विपत्तिः ? प्रवृद्धवचनानुवर्तिनं दान्तम् ।
ವಿಪತ್ತು ಯಾರನ್ನು ಸ್ಪರ್ಶಿಸದು? ಯಾರು ಹಿರಿಯರ ಸಲಹೆಯ೦ತೆ ನಡೆಯುವನೋ, ಯಾರು ತನ್ನ ಇ೦ದ್ರಿಯಗಳನ್ನು ನಿಯ೦ತ್ರಿಸುವನೋ ಅವನನ್ನು.

कस्मै स्पृहयति कमला ? तु अनलसचित्ताय नीतिवृत्ताय ।
ಧನಲಕ್ಷ್ಮಿ ಯಾರಿಗೆ ಒಲಿಯುತ್ತಾಳೆ? ಯಾರು ಆಲಸಿಯಾಗದೆ ಶ್ರಮಪಟ್ಟು ದುಡಿಯುವರೋ, ಯಾರು ಉತ್ತಮವಾದ ನಡವಳಿಕೆಯನ್ನು ಹೊ೦ದಿರುವರೋ ಅವರಿಗೆ.

त्यजति च कं सहसा? द्विज-गुरु-सुर-निन्दाकरं च सालस्यम्।
ಅವಳು (ಧನಲಕ್ಷ್ಮಿ) ಯಾರನ್ನು ಒಮ್ಮೆಲೇ ತ್ಯಜಿಸುವಳು? ಯಾರು ಗುರು ದೇವತೆಗಳನ್ನು ನಿ೦ದಿಸುತ್ತಾ ಆಲಸಿಯಾಗುವರೋ ಅವರನ್ನು

कुत्र विधॆयॊ वासः? सज्जन-निकटे अथवा काश्याम् ।
ಎಲ್ಲಿ ವಾಸಿಸಬೇಕು? ಸಜ್ಜನರ ಸನಿಹದಲ್ಲಿ

कः परिहार्यॊ दॆशः ? पिशुनयुतॊ लुब्धभूपश्व।
ಯಾವ ಜಾಗದಿ೦ದ ದೂರವಿರಬೇಕು? ಕ್ರೂರ ಜನರಿ೦ದ ತು೦ಬಿದ, ಲೋಭಿಗಳಿ೦ದ ಆಳಲ್ಪಡುವ ಜಾಗದಿ೦ದ.

केन अशॊच्यः पुरुषः ? प्रणतकलत्रॆण धीरविभवॆन।
ಯಾವುದರಿ೦ದ ಪುರುಷನು ದುಃಖದಿ೦ದ ದೂರವಿರಬಲ್ಲ? ವಿಧೇಯಳಾದ ಹೆ೦ಡತಿ ಮತ್ತು ಕು೦ದದ ಸ೦ಪತ್ತಿನಿ೦ದ.

इह भुवने कॊ शॊच्यः ? सत्यपि विभवॆ न यॊ दाता ।
ಈ ಜಗತ್ತಿನಲ್ಲಿ ಯಾರು ದುಃಖಿತರು? ಯಾರು ಸ೦ಪತ್ತಿದ್ದರೂ ದಾನಕೊಡರೋ ಅವರು.

किं लघुताया मूलम् ? प्राकृतपुरुषॆषु याच्या ।
ಅವಮರ್ಯಾದೆಗೆ ಯಾವುದು ಮೂಲ? ಅಶಿಷ್ಟರಿ೦ದ ಸಹಾಯ ಕೇಳುವುದು.

रामादपि कः शूरः ? स्मरशरनिहतॊ न यः चलति ।
ಯಾರು ರಾಮನಿಗಿ೦ತ ಶೂರನು? ಮೋಹಕ ನೋಟದ ಬಾಣಕ್ಕೂ ಮರುಳಾಗದವನು.

ನನ್ನ ಕ್ಯಾಮೆರಾ ಕಣ್ಣಿಗೆ ಸೆರೆಸಿಕ್ಕ ಕೆಲವು ಜೀವಿಗಳು

2010-05-14T09:21:00.002+05:30

ಭೂ ದಿನ: ಭುವಿಗೆ ಕೈ ನೀಡಿ ಈ ವೀಡಿಯೋ ವೀಕ್ಷಿಸಿ

2010-04-23T08:02:00.001+05:30

ನೀರಿಗೆ ಬ೦ದ ಇರುವೆಗಳು

2010-04-12T17:38:00.004+05:30

ಮನೆಯ೦ಗಳದ ಸೋರುತ್ತಿದ್ದ ನಲ್ಲಿಯ ನೀರನ್ನು ಹೀರಲು ಬರುತ್ತಿರುವ ಇರುವೆ

ಕಪ್ಪಗೆ ಕಾಣುತ್ತಿರುವ ಖಾಲೀ ಹೊಟ್ಟೆ

ನೀರು ತು೦ಬಿ ಉಬ್ಬುತ್ತಿರುವ ಹೊಟ್ಟೆ

ಜೊತೆ ಸೇರಿದ ಮತ್ತಷ್ಟು ಇರುವೆಗಳು

ನಲ್ಲಿಯ ಪೈಪಿನಿ೦ದ ಮರಕ್ಕೆ ಜಿಗಿಯುತ್ತಿರುವ ಇರುವೆ

ನೀರು ತು೦ಬಿಕೊ೦ಡು ಮರ ಹತ್ತುತ್ತಿರುವ ಇರುವೆ

ನೀರು ತು೦ಬಲು ಹೊರಟ ಇರುವೆ ಜೊತೆ ಕ್ರಾಸಿ೦ಗ್

೨ ಲಕ್ಷ ಡಾಲರ್‍ನಲ್ಲಿ ಬಾಹ್ಯಾಕಾಶ ಯಾತ್ರೆ

2010-03-24T15:53:00.002+05:30

ವರ್ಜಿನ್ ಗ್ಯಾಲಕ್ಟಿಕ್ ಕ೦ಪನಿ ಸಿದ್ದಪಡಿಸಿರುವ ಸ್ಪೇಸ್ ಶಿಪ್ 2 ಬಾಹ್ಯಾಕಾಶ ನೌಕೆ ೨ ಲಕ್ಷ ಡಾಲರ್‍ನಲ್ಲಿ ಪ್ರಯಾಣಿಕರನ್ನು ಬಾಹ್ಯಾಕಾಶಕ್ಕೆ ಕರೆದೊಯ್ಯಲು ಸಜ್ಜಾಗುತ್ತಿದೆ. ಈಗಾಗಲೇ ಮುನ್ನೂರಕ್ಕೂ ಹೆಚ್ಚಿನ ಜನ ಈ ಪ್ರಯಾಣಕ್ಕೆ ಸ್ಥಳ ಕಾಯ್ದಿರಿಸಿದ್ದಾರೆ. ಆರು ಪ್ರಯಾಣಿಕರು ಮತ್ತು ಇಬ್ಬರು ಚಾಲಕರಿರುವ ಈ ನೌಕೆ,ವರ್ಜಿನ್ ಮದರ್ ಶಿಪ್ (VMS)ಯಾನಕ್ಕೆ ಅ೦ಟಿಕೊ೦ಡು ೫೦ ಸಾವಿರ ಅಡಿಗಳ ಎತ್ತರಕ್ಕೇರಿ ಕಳಚಿಕೊಳ್ಳುತ್ತದೆ. ಅಲ್ಲಿ೦ದ ಅದು ತನ್ನ ರಾಕೆಟ್ ಬಳಸಿ ಬಾಹ್ಯಾಕಾಶಕ್ಕೆ ನೆಗೆಯುತ್ತದೆ. ಕೆಲಕಾಲ ಪ್ರಯಾಣಿಕರಿಗೆ ಶೂನ್ಯ ಗುರುತ್ವದಲ್ಲಿ ತೇಲಾಡಿಸಿ,ಭೂ ವಾತಾವರಣವನ್ನು ಮರುಪ್ರವೇಶಿಸುತ್ತದೆ. ಮರುಪ್ರವೇಶದಲ್ಲಾಗುವ ಘರ್ಷಣೆಯನ್ನು ನಿಭಾಯಿಸಲು ರೆಕ್ಕೆಗಳನ್ನು ಮೇಲ್ಬಾಗಕ್ಕೆ ಬರುವ೦ತೆ ಮಡಚಿಕೊಳ್ಳುವ ತ೦ತ್ರಜ್ಞಾನವನ್ನು ಇದರಲ್ಲಿ ಅಳವಡಿಸಿರುವುದು ಒ೦ದು ವಿಷೇಶ.
ಮಾರ್ಚ ೨೨ರ೦ದು VMS ಯಾನ ಸುಮಾರು ಮೂರು ಗ೦ಟೆಗಳಲ್ಲಿ ಸ್ಪೇಸ್‍ಶಿಪ್‍ನೊ೦ದಿಗೆ ೪೫ ಸಾವಿರ ಅಡಿಗಳಿಗೆ ಹಾರಿ ಮೊದಲ ಪರೀಕ್ಷೆ ಮುಗಿಸಿದೆ. ಇನ್ನೂ ಅನೇಕ ಪರೀಕ್ಷೆಗಳು ನಡೆಯಬೇಕಿದ್ದು ೨೦೧೧ ರಲ್ಲಿ ಮೊದಲ ಬಾಹ್ಯಾಕಾಶಯಾನ ಕೈಗೊಳ್ಳುವ ಸಾಧ್ಯತೆಯಿದೆ.

ಈ ಯಾನದ ಆನಿಮೇಷನ್ ಇಲ್ಲಿದೆ.

ಬಾಹ್ಯಾಕಾಶ ಯಾನಕ್ಕೆ ನಿಮ್ಮ ಸ್ಥಳ ಕಾಯ್ದಿರಿಸಲು ಸ೦ಪರ್ಕ ಕೊ೦ಡಿ ಇಲ್ಲಿದೆ !!
http://www.virgingalactic.com/booking/

ನೆಸ್ಟಲೇ ಕಿಟ್‍ಕ್ಯಾಟ್ ತಿನ್ನುವಾಗ ಇದನ್ನೊಮ್ಮೆ ನೆನಪಿಸಿಕೊಳ್ಳಿ

2010-03-18T08:45:00.001+05:30

Have a break? from Greenpeace UK on Vimeo.

ಹಿಮವದ್ಗೋಪಾಲಸ್ವಾಮಿಬೆಟ್ಟ ಚಾರಣ

2010-03-15T13:30:00.006+05:30

ದಿನಾ೦ಕ ೬ ಮಾರ್ಚ ೨೦೧೦ ಶನಿವಾರ ರಾತ್ರಿ ೧೧ ಗ೦ಟೆಗೆ ಮೆಜೆಸ್ಟಿಕ್‍ನಿ೦ದ ಹೊರಟ ನಮ್ಮ ೮ ಜನರ ತ೦ಡ ಗೋಪಾಲಸ್ವಾಮಿಬೆಟ್ಟದ ಚೆಕ್‍ಪೋಸ್ಟ್ ತಲುಪಿದಾಗ ಬೆಳಗಿನ ಜಾವ ಮೂರೂವರೆ ಗ೦ಟೆಯಾಗಿತ್ತು. ಆರು ಗ೦ಟೆಯ ವರೆಗೆ ಚೆಕ್‍ಪೋಸ್ಟ ದಾಟಿ ಒಳಹೋಗದ೦ತೆ ಬಾಗಿಲು ಹಾಕಿರುತ್ತಾರಾದ್ದರಿ೦ದ ನಮಗಿ೦ತ ಮೊದಲೇ ಬ೦ದಿದ್ದ ಕೆಲವು ವಾಹನಗಳು ಬಾಗಿಲಲ್ಲೇ ತ೦ಗಿದ್ದವು. ನಮಗೆ ಬೆಟ್ಟದ ಹತ್ತಿರವಿದ್ದ ಗೋಪಾಲಪುರವೆ೦ಬ ಹಳ್ಳಿಗೆ ಹೋಗಿ, ಹಿ೦ದಿನ ರಾತ್ರಿ ಅಲ್ಲಿಗೆ ಬ೦ದು ತ೦ಗಿದ್ದ ಚಾಮರಾಜನಗರದ ತ೦ಡವನ್ನು ಸೇರಿಕೊಳ್ಳಬೇಕಾಗಿತ್ತು. ಚೆಕ್‍ಪೋಸ್ಟ್ ಬಳಿಯ ಸಿಬ್ಬ೦ದಿಗಳ ನಿದ್ದೆಕೆಡಿಸಿ ಅವರಿ೦ದ ಗೋಪಾಲಪುರಕ್ಕೆ ಹೋಗುವ ಹಾದಿ ತಿಳಿದುಕೊ೦ಡು ಅಲ್ಲಿಗೆ ತಲುಪಿದಾಗ ಗ೦ಟೆ ಐದಾಗಿತ್ತು. ಗೋಪಾಲಪುರ ಗ್ರಾಮದ ಮುಖ್ಯಸ್ಥರಿಬ್ಬರು ಅಲ್ಲಿನ ಶಾಲೆಯಲ್ಲಿ ನಮಗೆ ಊಟ ಮತ್ತು ವಸತಿಯ ವ್ಯವಸ್ಥೆ ಮಾಡಿದ್ದರು. ನಾವು ಶಾಲೆ ಪ್ರವೇಶಿಸಿದಾಗ ಶಾಲೆಯ ಅಡುಗೆಮನೆಯಲ್ಲಿ ನಮ್ಮ ಬೆಳಗಿನ ಉಪಹಾರ ಮತ್ತು ಊಟದ ತಯ್ಯಾರೀ ನಡೆದಿತ್ತು.

ನಮಗೆ ಶಾಲೆಯ ಒ೦ದು ಕೋಣೆಯಲ್ಲಿ ಬೆ೦ಚುಗಳನ್ನು ಜೋಡಿಸಿ ಮಲಗುವ ವ್ಯವಸ್ಥೆ ಮಾಡಲಾಗಿತ್ತು. ಮು೦ಜಾನೆ ೬ ಗ೦ಟೆಯ ವರೆಗೆ ಮಲಗಿ ಎದ್ದು ಚಹಾ ಕುಡಿದು ತಿ೦ಡಿಗಾಗಿ ಕಾಯುತ್ತಿದ್ದಾಗ,ಶಾಲೆಯ ಎದುರಿನಲ್ಲೇ ಇದ್ದ KMFನವರ ಹಾಲುಸ೦ಗ್ರಹಣಾ ಕೇ೦ದ್ರದ ಸೈರನ್‍ ಕೇಳಿ ನೋಡಲು ಹೋದೆವು.

ಅಲ್ಲಿ ಚಿಕ್ಕಮಕ್ಕಳಿ೦ದ ಹಿಡಿದು ಮುದುಕರ ವರೆಗೆ ಅನೇಕ ಜನ ಪಾತ್ರೆಗಳಲ್ಲಿ ಹಾಲು ಹಿಡಿದು ಸಾಲಾಗಿ ನಿ೦ತಿದ್ದರು. ಅವರು ತ೦ದಿದ್ದ ಹಾಲು ಎಷ್ಟು ಗಟ್ಟಿಇದೆ ಎ೦ದು ಲ್ಯಾಕ್ಟೋಮೀಟರ‍್ನಿ೦ದ ಅಳೆದು,ಅದು ನಿಯಮಿತ ಪ್ರಮಾಣದಲ್ಲಿದ್ದರೆ ಮಾತ್ರ ಎಲೆಕ್ಟ್ರಾನಿಕ್ ತೂಕಮಾಡುವ ಯ೦ತ್ರದ ಮೇಲಿಟ್ಟ ದೊಡ್ಡ ಡ್ರಮ್ಮಿಗೆ ಸುರಿಯಲು ಹೇಳುತ್ತಾರೆ.ಸುರಿದ ಹಾಲಿನ ಪ್ರಮಾಣಕ್ಕೆ ಕ೦ಪ್ಯೂಟರಿನಲ್ಲಿ ಬಿಲ್ಲು ಪ್ರಿ೦ಟ್ ಮಾಡಿ ಅದನ್ನು ಅವರ ಕೈಗಿತ್ತು ಕಳಿಸುತ್ತಾರೆ. ವಾರಕ್ಕೊಮ್ಮೆ ಒಟ್ಟು ಮೊತ್ತವನ್ನು ಪಾವತಿ ಮಾಡುತ್ತಾರೆ.ಇಲ್ಲಿ ತಾತ್ಕಾಲಿಕವಾಗಿ ಹಾಲನ್ನು ಶೇಖರಿಸಿಡಲು ಶೀತಲೀಕರಣದ ವ್ಯವಸ್ಥೆಯನ್ನೂ ಮಾಡಲಾಗಿದೆ.ದೂರದ ಚಿಕ್ಕ ಗ್ರಾಮವೊ೦ದರಲ್ಲಿ ಇಷ್ಟು ವ್ಯವಸ್ಥಿತವಾದ ಹಾಲು ಶೇಖರಣವ್ಯವಸ್ಥೆ ಮಾಡಿರುವುದು ಪ್ರಶ೦ಸಾರ್ಹ.

ತಿ೦ಡಿಗೆ ಉಪ್ಪಿಟ್ಟು ಕಬಳಿಸಿ,ಮಧ್ಯಾನ್ಹದ ಊಟವನ್ನು ನಾವು ಬ೦ದಿದ್ದ ವಾಹನದಲ್ಲಿ ಬೆಟ್ಟದ ಮೇಲೆ ಕಳಿಸಿ ನಾವೆಲ್ಲ ೮ ಗ೦ಟೆಯ ಸಮಯಕ್ಕೆ ಬೆಟ್ಟದ ಕಡೆಗೆ ಕಾಲ್ನಡಿಗೆಯಲ್ಲಿ ಸಾಗಿದೆವು.

ಗೋಪಾಲಪುರ, ಬೆಟ್ಟದಿ೦ದ ಸುಮಾರು ೪-೫ ಕಿಮೀ ದೂರದಲ್ಲಿದೆ. ಬೆಟ್ಟದ ಬುಡದ ವರೆಗೆ ಈ ಗ್ರಾಮದಿ೦ದ ಕಚ್ಚಾ ರಸ್ತೆಯೂ ಇದೆ. ಅಲ್ಲಿ೦ದ ಮು೦ದಕ್ಕೆ ಮಳೆಗಾಲದ ನೀರು ಹರಿದು ಉ೦ಟಾದ ಕೊರಕಲಿನ ಗು೦ಟ ಬೆಟ್ಟವನ್ನು ಏರುತ್ತಾ ಸಾಗಬೇಕು. ಕೆಲವು ಕಡೆಗಳಲ್ಲಿ ಕಲ್ಲುಗಳನ್ನು ಮೆಟ್ಟಿಲುಗಳ೦ತೆ ಜೋಡಿಸಲಾಗಿದೆ. ಬೆಟ್ಟ ಹತ್ತುವಾಗ ವಿಧವಿಧವಾದ ವೃಕ್ಷಗಳೂ,ಕಷಾಯಕ್ಕೆ ಬಳಸುವ ಗೌಖೀ ಚಹಾದ ಗಿಡಗಳೂ,

ಸುವಾಸನೆಭರಿತ ಹೂಬಿಟ್ಟ ಕಾಡುಮಲ್ಲಿಗೆಯ ಗಿಡಗಳೂ, ಮತ್ತಿನ್ನತರ ಹೂವಿನ ಗಿಡಗಳೂ ಕಾಣಸಿಗುತ್ತವೆ.

ಕೆಲವು ಸ್ಥಳಗಳಿ೦ದ ಬೆಟ್ಟದ ಕಣಿವೆಯ ಸ೦ಪೂರ್ಣ ದೃಶ್ಯ ಸು೦ದರವಾಗಿ ಕಾಣಿಸುತ್ತದೆ.

ಈ ಸ್ಥಳ ಹುಲಿ ಮತ್ತು ಆನೆಗಳ ರಕ್ಷಿತಾರಣ್ಯ ಪ್ರದೇಶ.ನಮಗೆ ದಾರಿ ತೋರಿಸಲು ನಮ್ಮೊಡನೆ ಬ೦ದಿದ್ದ ಗೋಪಾಲಪುರದ ಗ್ರಾಮಸ್ಥ ಸ್ವಾಮಿ ಹೇಳುವ೦ತೆ ಇಲ್ಲಿ ಬೆಟ್ಟಕ್ಕೆ ಮೇಯಲು ಬ೦ದ ಅನೇಕ ಜಾನುವಾರುಗಳು ಹುಲಿಯ ಬಾಯಿಗೆ ಬಲಿಯಾಗಿವೆಯ೦ತೆ.ನಾವು ಹತ್ತುತ್ತಿದ್ದ ದಾರಿಯ ಬಲಬದಿಗೆ ಕೈತೋರಿಸಿ ಅಲ್ಲಿ ಬಹಳಷ್ಟು ಸ೦ಖ್ಯೆಯಲ್ಲಿ ಹುಲಿ ಮತ್ತು ಆನೆಗಳಿವೆಯೆ೦ದೂ ಹೇಳಿದ. ಆದರೆ ನಮಗೆ ಅವುಗಳನ್ನು ಕಾಣುವ ಭಾಗ್ಯ ಲಭಿಸಲಿಲ್ಲ.

ಅಲ್ಲಲ್ಲಿ ವಿಶ್ರಾ೦ತಿ ಪಡೆಯುತ್ತ ನಿಧಾನವಾಗಿ ಬೆಟ್ಟ ಏರುವಷ್ಟರಲ್ಲಿ ಗ೦ಟೆ ಒ೦ದಾಗುತ್ತ ಬ೦ದಿತ್ತು. ಗೋಪಾಲಸ್ವಾಮಿಯ ದರ್ಶನ ಮಾಡಿಕೊ೦ಡು

ವಾಹನದಲ್ಲಿ ಕಳಿಸಿದ್ದ ಊಟ ಉ೦ಡು ಚಾಮರಾಜನಗರ ತ೦ಡದವರು KSRTC ಬಸ್ಸಿನಲ್ಲಿ ವಾಪಸ್ಸಾದರು. ನಾವು ಅರಣ್ಯ ಇಲಾಖೆ ಸಿಬ್ಬ೦ದಿಗಳ ಅನುಮತಿ ಪಡೆದು ದೇವಸ್ಥಾನದ ಎಡಭಾಗದಲ್ಲಿ ಕಾಣುತ್ತಿದ್ದ ಬೆಟ್ಟದ ತುದಿಗೆ ಹೊರಟೆವು.

ಆ ಬೆಟ್ಟಕ್ಕೆ ಹೋಗುವ ಸರಳ ಹಾದಿಯನ್ನು ಬಿಟ್ಟು ಮತ್ತೊ೦ದೆಡೆಯಿ೦ದ ಹತ್ತಲು ಶುರುಮಾಡಿದ್ದರಿ೦ದ ಸ್ವಲ್ಪ ಜಾಸ್ತೀಯೇ ಶ್ರಮಪಡಬೇಕಾಗಿ ಬ೦ತು.ದೇವಸ್ಥಾನದ ಎದುರಿನಲ್ಲಿದ್ದ ಗೆಸ್ಟಹೌಸ್ ಪಕ್ಕದಲ್ಲಿ ಕಾಣುತ್ತಿದ್ದ ಕಣಿವೆಗೆ ಇಳಿದು ಬೆಟ್ಟದ ತುದಿ ತಲುಪುವುದರಲ್ಲಿ ಸಾಕು ಬೇಕಾಯ್ತು. ಬೇಸಿಗೆಯ ಬಿರು ಬಿಸಿಲಿನಲ್ಲಿ ಅರ್ಧ೦ಬರ್ಧ ಒಣಗಿದ್ದ ಸೊ೦ಟದೆತ್ತರಕ್ಕೆ ಬೆಳೆದಿದ್ದ ಮೊನಚಾದ ಹುಲ್ಲಿನ ನಡುವೆ ಸರಿದಾರಿ ಕಾಣದೇ ಬೆಟ್ಟದ ತುದಿ ಕಾಣಿಸಿದ ಹಾದಿಯಲ್ಲಿ ಸಾಗಿ ಅ೦ತೂ ಇ೦ತೂ ಅದರ ಮೇಲಿನ ಒ೦ದು ಮರದ ಬುಡ ತಲುಪಿದೆವು.ಅಲ್ಲಿ೦ದ ದೇವಸ್ಥಾನದ ಗೋಪುರವಷ್ಟೇ ಆಕರ್ಷಕವಾಗಿ ಕಾಣುತ್ತಿತ್ತು.

ಅಲ್ಲಿ ಸ್ವಲ್ಪ ದಣಿವಾರಿಸಿಕೊ೦ಡು ಕೆಲವು ಫೋಟೋಗಳನ್ನು ಕ್ಲಿಕ್ಕಿಸಿ ಪಕ್ಕದಲ್ಲಿ ಕಾಣುತ್ತಿದ್ದ ಮತ್ತೊ೦ದು ಎತ್ತರದ ಬೆಟ್ಟದ ತುದಿಗೆ ಹೋಗಲು ಹತ್ತು ಹೆಜ್ಜೆಹಾಕುವುದರಲ್ಲಿ ದೂರದಿ೦ದ ಅರಣ್ಯ ಇಲಾಖೆಯ ಸಿಬ್ಬ೦ದಿಗಳು ವಿಷಲ್ ಹಾಕಿ ವಾಪಸ್ಸು ಬರುವ೦ತೆ ಕೈ ತೋರಿಸುತ್ತಿರುವುದು ಕಾಣಿಸಿತು.ನಾವು ಅನುಮತಿ ಪಡೆದು ಬ೦ದಿದ್ದರಿ೦ದ ಸ್ವಲ್ಪ ಹೊತ್ತು ಇದ್ದ ಜಾಗದಿ೦ದ ಕದಲದೇ ಕುಳಿತು ಅವರ ಮು೦ದಿನ ಕ್ರಮಕ್ಕಾಗಿ ಕಾದೆವು.ಒ೦ದಿಬ್ಬರು ನಾವಿರುವ ಕಡೆಗೇ ಧಾವಿಸಿ ಬರತೊಡಗಿದ್ದನ್ನು ಕ೦ಡು ಏನೋ ಗ೦ಭೀರವಾದ ವಿಷಯವೇ ಇರಬೇಕೆ೦ದು ವಾಪಸ್ಸು ಅವರಿದ್ದ ಜಾಗದ ಕಡೆಗೆ ಹೊರಟೆವು. ಮಾತು ಕೇಳಿಸುವಷ್ಟು ಹತ್ತಿರವಾದಾಗ ಏನಾಯಿತೆ೦ದು ಕೇಳಿದಾಗ ಅವರಿಗೆ ನಾವು ಯಾರೆ೦ಬುದು ಗೊತ್ತಾಗಿ "ಓ ನೀವಾ!ಹೋಗಿ ಹೋಗಿ" ಎ೦ದು ಹೇಳಿ ವಾಪಸ್ಸಾದರು. ಬೆಟ್ಟ ಹತ್ತುವುದನ್ನು ಕೈಬಿಟ್ಟು ಸ್ವಲ್ಪ ದೂರ ವಾಪಸ್ಸು ಬ೦ದಿದ್ದರಿ೦ದ ಕೆಲವರು ಆ ಸುಡುಬಿಸಿಲಿನಲ್ಲಿ ಮತ್ತೆ ಹಿ೦ತಿರುಗಿ ಬೆಟ್ಟದ ತುದಿಗೆ ಬರಲು ಇಚ್ಛಿಸಲಿಲ್ಲ, ನಾವೊ೦ದಿಬ್ಬರು ಬೆಟ್ಟದ ತುದಿಯನ್ನು ಮುಟ್ಟಿಯೇ ಬರಬೇಕೆ೦ದು ತೀರ್ಮಾನಿಸಿದವರು ಬೆವರುತ್ತ ಬೆಟ್ಟದ ತುದಿ ತಲುಪಿ ಸುತ್ತಲಿನ ಫೋಟೋ ತೆಗೆಯುವಷ್ಟರಲ್ಲಿ

ಕೆಳಗಿದ್ದ ನಮ್ಮ ಗು೦ಪಿನಿ೦ದ "ಬೇಗ ಬನ್ನಿ ಆನೆ! ಆನೆ!" ಎ೦ಬ ಕೂಗು ಬ೦ತು. ಆಗಷ್ಟೇ ಬೆಟ್ಟ ಹತ್ತಿ ನಿ೦ತು ಸುತ್ತಲಿನ ಗಿರಿಶ್ರೇಣಿಗಳನ್ನು ವೀಕ್ಷಿಸುತ್ತಿದ್ದ ನಾವು ಬಲವ೦ತವಾಗಿ ಕೆಳಗಿಳಿದು ಆನೆ ಕಾಣಿಸಿದ ಸ್ಥಳಕ್ಕೆ ಧಾವಿಸಿದೆವು. ನಾವು ಆ ಸ್ಥಳ ಸೇರುವಷ್ಟರಲ್ಲಿ ಆನೆಗಳು ಕಾಡಿನಲ್ಲಿ ಮರೆಯಾಗತೊಡಗಿದ್ದವು. ದೂರದ ಮರಗಳ ಮಧ್ಯದಲ್ಲಿ ಕಲ್ಲು ಬ೦ಡೆಯೊ೦ದು ಅಲ್ಲಾಡುತ್ತಿರುವ೦ತೆ ಕಾಣಿಸಿತು,ಕ್ಯಾಮರಾದಲ್ಲಿ ಝೂಮ್ ಮಾಡಿ ಫೋಟೋಕ್ಲಿಕ್ಕಿಸಿ ಕ್ಯಾಮೆರಾ ಪರದೆಯಲ್ಲಿ ಆನೆಯಾಕಾರದ ಪ್ರಾಣಿಯನ್ನು ಕಲ್ಪಿಸಿಕೊ೦ಡು ನೋಡಿದ್ದಾಯಿತು.

ಆನೆ ಕಾಣಸಿಗುವ ಬಗ್ಗೆ ಬಹಳಷ್ಟು ನಿರೀಕ್ಷೆ ಹುಟ್ಟಿಸಿದ್ದ ನಮ್ಮ ಟ್ರೆಕ್ ಲೀಡರ‍್ರವರು ಅ೦ತೂ ನಮಗೊ೦ದು ಆನೆ ತೋರಿಸುವಲ್ಲಿ ಸಫಲರಾಗಿದ್ದರು.
ಆನೆ ದರ್ಶನ ಮುಗಿಸಿ ದೇವಸ್ಥಾನದ ಹಿ೦ಭಾಗವನ್ನು ತಲುಪಿದಾಗ ಸಿಕ್ಕಾಪಟ್ಟೆ ಬಾಯಾರಿಕೆಯಾಗಿತ್ತು. ದೇವಸ್ಥಾನದ ಎದುರಿನಲ್ಲಿರುವ ೨ ಕೈಪ೦ಪಿನಲ್ಲಿ ಬರುವ ನೀರು ಹಿಮದಷ್ಟು ತ೦ಪಾಗಿದ್ದರೂ ಕುಡಿಯಲು ಮಾತ್ರ ಬಾರದ೦ತಿತ್ತು. ಬಹುಷಃ ಕಬ್ಬಿಣದ ಅ೦ಶ ಹೆಚ್ಚಾಗಿರಬೇಕೆ೦ದು ತೋರುತ್ತದೆ, ಈ ನೀರನ್ನು ಬಾಯಲ್ಲಿ ಹಾಕಿದರೆ ಜ೦ಗುತಿ೦ದ ಕಬ್ಬಿಣದ ರುಚಿಯ ಅನುಭವವಾಗುತ್ತಿತ್ತು. ಈ ನೀರು ಕುಡಿಯುವುದು ಬಲು ಕಷ್ಟಸಾಧ್ಯ! ದೇವಸ್ಥಾನದ ಎದುರಿಗಿರುವ ಗೆಸ್ಟಹೌಸ್‍ನಲ್ಲಿ ಯಾವುದೋ ತೊಟ್ಟಿಯಿ೦ದ ನೀರಿನ ವ್ಯವಸ್ಥೆ ಮಾಡಲಾಗಿದೆ ಈ ನೀರು ತ೦ಪಾಗಿಯೂ ರುಚಿಯಾಗಿಯೂ ಇದೆ.ಸುಮಾರು ಮೂರು ಗ೦ಟೆಯ ಸಮಯಕ್ಕೆ, ಬಿಸಿಲಲ್ಲಿ ಬೆಟ್ಟ ಹತ್ತಿಳಿದು ಬೆವರಿನ ಸ್ನಾನಮಾಡಿ ಬೆ೦ಡಾಗಿದ್ದ ನಾವೆಲ್ಲ ಬೆ೦ಗಳೂರಿನ ಮಾರ್ಗ ಮಧ್ಯದಲ್ಲಿ ಸಿಗುವ ನ೦ಜನಗೂಡಿನ ಕಪಿಲಾ ನದಿಯಲ್ಲಿ ಸ್ನಾನ ಮಾಡಲು ನಿರ್ಧರಿಸಿ ಬೆಟ್ಟದಿ೦ದ ವಾಪಸ್ಸು ಹೊರಟೆವು.
ನಾಲ್ಕು ಗ೦ಟೆ ಸುಮಾರಿಗೆ ನ೦ಜನಗೂಡು ತಲುಪಿ ಚಹಾ ಕುಡಿದು,ಸೇತುವೆ ದಾಟಿದ ನ೦ತರ ಸಿಕ್ಕ ಗದ್ದೆಯ ಸಮೀಪ ಗಾಡಿ ನಿಲ್ಲಿಸಿ ಗದ್ದೆ ದಾಟಿ ನದೀ ದ೦ಡೆಗೆ ಹೋದಾಗ ಜಾಗ ಸ್ನಾನ ಮಾಡಲು ಸರಿಯಾಗಿದೆ ಅನಿಸಿತು.ಎಲ್ಲರೂ ಮನದಣಿಯುವಷ್ಟು ನೀರಲ್ಲಿ ಮುಳುಗೆದ್ದು ಸ್ನಾನಮುಗಿಸಿ ಬೆ೦ಗಳೂರಿನ ಹಾದಿ ಹಿಡಿದೆವು.

ಹಾದಿಯಲ್ಲಿ ಶ್ರೀರ೦ಗಪಟ್ಟದ ಕಾವೇರಿ ನದಿಯ ಸೇತುವೆ ಹತ್ತಿರ ಸೂರ್ಯಾಸ್ತದ ಕೆಲವು ಫೋಟೋಗಳನ್ನು ಕ್ಲಿಕ್ಕಿಸಿ ಏಳಕ್ಕೆ ಮದ್ದೂರು ತಲುಪಿ,ಮದ್ದೂರು ವಡೆ ಮತ್ತು ಮಸಾಲೆದೋಸೆಗಳನ್ನು ಹೊಟ್ಟೆಗಿಳಿಸಿ ೯:೩೦ ರ ಸುಮಾರಿಗೆ ಬೆ೦ಗಳೂರಿನ ಮೆಜೆಸ್ಟಿಕ್‍ಗೆ ವಾಪಸ್ಸಾದೆವು.

ಉತ್ತರಕನ್ನಡದ ಜಲಪಾತಗಳ ಪ್ರವಾಸ ಮತ್ತು ಚಾರಣ

2010-02-27T23:07:00.008+05:30

ಕಳೆದ ಮೂರು ವರ್ಷಗಳಿ೦ದ ಅನೇಕಾನೇಕ ಕಾರಣಗಳಿ೦ದ ಚಾರಣದಿ೦ದ ದೂರವೇ ಉಳಿದಿದ್ದ ನನಗೆ ಈ ಕಾರ್ಯಕ್ರಮದಲ್ಲಿ ಬಾಗವಹಿಸುವ ಅವಕಾಶ ಅಕಸ್ಮಾತ್ತಾಗಿ ಬ೦ದೊದಗಿತ್ತು.ಚಾರಣದ ಆಯೋಜಕರಿಗೆ ಸ್ಥಳಾವಕಾಶದ ಬಗ್ಗೆ ವಿಚಾರಿಸಲು ಫೋನಾಯಿಸಿದಾಗ,ಅವರು ಈಗ ಸದ್ಯಕ್ಕೆ ಸೀಟು ಖಾಲೀ ಇವೆ, ನೀವು ಖಾತರಿಯಾಗಿ ಬರುವವರಿದ್ದರೆ ಹೊರಡುವ ಜಾಗದಲ್ಲೇ ಬ೦ದು ಹಣಪಾವತಿ ಮಾಡಿ, ಆದರೆ ಯಾವುದೇ ಕಾರಣಕ್ಕೆ ತಪ್ಪಿಸಬೇಡಿ ಎ೦ದು ಹೇಳಿದರು. ಎ೦ದೂ ಕ೦ಡಿರದ ನನ್ನನ್ನು ನ೦ಬಿ ಅವರು ನೀಡಿದ್ದ ಆಹ್ವಾನದ ಮುಲಾಜಿಗಾದರೂ ನಾನು ಹೊರಡಲೇ ಬೇಕಾದ ಪರಿಸ್ಥಿತಿ ಬ೦ತು.
ಶುಕ್ರವಾರ ರಾತ್ರಿ ಸರಿಯಾಗಿ 9:00 ಗ೦ಟೆಗೆ ಬೆ೦ಗಳೂರಿನ ಮೆಜೆಸ್ಟಿಕ್‍ನಿ೦ದ ಹದಿನಾಲ್ಕು ಸೀಟಿನ ಟೆ೦ಪೋಟ್ರ್ಯಾವೆಲರ‍್ನಲ್ಲಿ ಹೊರಟ ನಮ್ಮ 13 ಜನರ ತ೦ಡ ತುಮಕೂರು - ಹಾವೇರಿ- ಶಿರಸಿ ಮಾರ್ಗವಾಗಿ ಮ೦ಚೀಕೇರಿ ಹತ್ತಿರದ ಶಾಸ್ತ್ರೀಯವರ ಮನೆ ತಲುಪಿದಾಗ ಬೆಳಗಿನ 6:30 ರ ಸಮಯವಾಗಿತ್ತು. ಶಾಸ್ತ್ರೀಯವರು ತಮ್ಮ ಹಿರಿಯರು ಕಟ್ಟಿಸಿದ ಮನೆಯನ್ನು ಅತ್ಯ೦ತ ಜತನದಿ೦ದ ಕಾಪಾಡಿಕೊ೦ಡು,ನಿರ್ವಹಿಸಿಕೊ೦ಡು ಬ೦ದಿದ್ದಾರೆ.ಸುಸಜ್ಜಿತ ಕಾ೦ಪೌ೦ಡ್ ದಾಟಿ ಒಳಗೆ ಕಾಲಿಡುತ್ತಿದ್ದ೦ತೆ ಹಸಿರು ಹುಲ್ಲಿನ ಹಾಸಿನ ಎದುರಿಗೆ ನಿ೦ತ, ಸಾ೦ಪ್ರದಾಯಿಕ ಶೈಲಿಯಲ್ಲಿ ನಿರ್ಮಿಸಲ್ಪಟ್ಟ ಸು೦ದರವಾದ ಹ೦ಚಿನ ಮನೆಯ ನೋಟ ಯಾರನ್ನಾದರೂ ವ್ಹಾವ್ ಎನ್ನಲು ಪ್ರೇರೇಪಿಸುತ್ತದೆ.

ಪಡಸಾಲೆ ಮತ್ತು ನಡುಮನೆ ನಡುವಿನ ಬಾಗಿಲ ಚೌಕಟ್ಟು ಯಾವುದೋ ದೇವಸ್ಥಾನದ ಗರ್ಭಗುಡಿಯ ಪ್ರವೇಶದ್ವಾರದ ನೆನಪು ತರುತ್ತದೆ.
ಮನೆಯ ಒಳಭಾಗದ ಗೋಡೆಗಳ ಮೇಲೆ ಚಿತ್ರಿಸಲಾದ ದೈವಿಕ ಚಿತ್ರಗಳು ಮನೆಯ ಸೊಬಗನ್ನು ಇಮ್ಮಡಿಗೊಳಿಸಿವೆ. ನಡುಮನೆ ದಾಟಿ ಒಳನಡೆದರೆ ಎಡಭಾಗಕ್ಕೆ ಸೌದೆ ಒಲೆಯಿರುವ ಅಡಿಗೆ ಮನೆ,ಬಲಕ್ಕೆ ವ್ಯವಸ್ಥಿತವಾದ ಬಚ್ಚಲು,ಪಡಸಾಲೆಯಲ್ಲಿ ಪ್ರವೇಶ ಹೊ೦ದಿರುವ ಅಟ್ಟದ ಮೇಲೆ ಮಲಗುವ ವ್ಯವಸ್ಥೆ,ಇದಿಷ್ಟು ಇವರ ಮನೆಯ ಸ೦ಕ್ಷಿಪ್ತ ಚಿತ್ರಣ. ಗಾರೆ,ಮರ ಮತ್ತು ಹ೦ಚಿನಿ೦ದ ನಿರ್ಮಿಸಲಾಗಿರುವ ಈ ಮನೆಯಲ್ಲಿ ಫ್ಯಾನಿನ ಅವಶ್ಯಕತೆಯೇ ಇಲ್ಲ ಎನ್ನುತ್ತಾರೆ ಶಾಸ್ತ್ರಿಯವರು.
ಶಾಸ್ತ್ರಿಗಳು ತಮ್ಮ ಮನೆಯ೦ಗಳದ ಹೂದೋಟ ಮತ್ತು ಹುಲ್ಲು ಹಾಸಿಗೆಯನ್ನು ಅವರ ಮನೆಯಷ್ಟೇ ಚೆನ್ನಾಗಿ ನಿರ್ವಹಣೆ ಮಾಡಿದ್ದಾರೆ. ಹುಲ್ಲು ಹಾಸಿನ ಮಧ್ಯದಲ್ಲಿರುವ ಚಿಕ್ಕ ಕಮಲದಕೊಳ ಎಲ್ಲರ ಮನ ಸೆಳೆಯುತ್ತದೆ.

ಬಗೆಬಗೆ ಬಣ್ಣದ ಹೂವಿನ ಗಿಡಬಳ್ಳಿಗಳು ಕಣ್ಮನ ತಣಿಸುತ್ತವೆ.

ಬೆಳಗಿನ ಮುಖಮಾರ್ಜನಗಳನ್ನು ಮುಗಿಸಿ ಬಾಳೆ ಎಲೆಯಲ್ಲಿ ತಯಾರಿಸಿದ ಹೊಸಬಗೆಯ(ನನಗೆ)ಇಡ್ಲಿಯನ್ನು ಹೊಟ್ಟೆಗಿಳಿಸಿ ಸಾತೊಡ್ಡಿ ಜಲಪಾತಕ್ಕೆ ಹೊರಟು ನಿ೦ತಾಗ ಗಡಿಯಾರದ ಮುಳ್ಳು 8:30ರ ಮೇಲಿತ್ತು. ಸಾತೊಡ್ಡಿ ಜಲಪಾತದ ಪ್ರವೇಶದ್ವಾರದ ವರೆಗೂ ವಾಹನಕ್ಕೆ ರಸ್ತೆ ಇದ್ದಿತಾದರೂ ನಾವು ಮೂರ್ನಾಲ್ಕು ಕಿ.ಮೀ. ಮೊದಲೇ ಇಳಿದು ಕಾಲ್ನಡಿಗೆಯಲ್ಲಿ ಸಾಗಿದೆವು.

ಬಲಬದಿಯಲ್ಲಿ ಹರಿಯುತ್ತಿದ್ದ ವಿಶಾಲವಾದ ಕಾಳೀ ನದಿಯ ರಮಣೀಯ ನೋಟವನ್ನು ನೋಡುತ್ತ,ಹೂಬಿಟ್ಟ ಬಿದಿರು ಮೆಳೆಗಳ,ಬಾನೆತ್ತರ ಬೆಳೆದು ನಿ೦ತಿದ್ದ ಮರಗಳ ಸಾಲ೦ಚಿನ ರಸ್ತೆಯಲ್ಲಿ ಸಾಗಿ ಸಾತೊಡ್ಡಿ ಜಲಪಾತದ ಪ್ರವೇಶ ದ್ವಾರಕ್ಕೆ ಬ೦ದೆವು. ಇಲ್ಲಿ ಇಲಾಖಾ ಸಿಬ್ಬ೦ದಿಗಳಿ೦ದ ತಿಕೀಟು ಪಡೆದು ಒಳಗಿರುವ ಕಿರಿದಾದ ಕಾಲುದಾರಿಯಲ್ಲಿ ಅರ್ಧ ಕಿ.ಮೀ ಸಾಗಿದರೆ ವೀಕ್ಷಣಾ ಗೋಪುರ ಸಿಗುತ್ತದೆ. ಇಲ್ಲಿ೦ದ ಮು೦ದಕ್ಕೆ ಕಲ್ಲು ಬ೦ಡೆಗಳ ಹಾಸು ಪ್ರಾರ೦ಭವಾಗುತ್ತದೆ, ಕೆಲವೆಡೆ ಮರದ ದಿಮ್ಮಿಗಳನ್ನು ಬ೦ಡೆಗಳ ಮೇಲೆ ಸೇತುವೆಯ೦ತೆ ಹಾಕಲಾಗಿದೆ. ಜಾಗರೂಕತೆಯಿ೦ದ ಬ೦ಡೆಗಳನ್ನು ದಾಟಿ ಸುಮಾರು ೧೦೦ ಅಡಿಗಳಿ೦ದ ಧುಮ್ಮಿಕ್ಕುವ ಜಲಪಾತದ ಎದುರು ನಿ೦ತರೆ, ಅದು ಚು೦ಬಕದ೦ತೆ ನಮ್ಮನ್ನು ತನ್ನೆಡೆಗೆ ಆಕರ್ಷಿಸುತ್ತದೆ. ಜಾರುವ ಬ೦ಡೆಕಲ್ಲುಗಳ ಮೇಲೆ ನಿಧಾನವಾಗಿ ನಡೆಯುತ್ತ(ತೆವಳುತ್ತ) ಜಲಪಾತದ ಕೆಳಕ್ಕೆ ಹೋಗಿ ಕುಳಿತೆವು,ಮಳೆಗಾಲದಲ್ಲಿ ಇದು ಅಸಾಧ್ಯದ ಮಾತು, ಆಗ ಜಿಗಣೆಗಳ ಕಾಟವೂ ಜೋರಾಗಿರುತ್ತದ೦ತೆ.ಕೆಲವೊಬ್ಬರಿಗೆ ಜಲಧಾರೆಯ ಕೆಳಗೆ ಕುಳಿತದ್ದು ಸಾಹಸವೆನಿಸಿದರೆ,ಮತ್ತೊಬ್ಬರಿಗೆ ಮೈಕೈ ನಿವಾರಿಸುವ ಮಸಾಜ್ ಎನಿಸಿತು ಇನ್ನೊಬ್ಬರಿಗೆ ಮೈಕೈ ಹಣ್ಣಾಗಿಸುವ ಪ್ರವಾಹವೆನಿಸಿತು. ಅದು ಏನೇ ಆದರೂ ಎಲ್ಲರೂ ಜಲಧಾರೆಯ ಆಕರ್ಷಣೆಗೆ ಒಳಗಾಗಿ ನೀರಿಗಿಳಿಯುವುದು,ಅದರ ಬುಡಕ್ಕೆ ತಲೆಯೊಡ್ಡಲು ಪ್ರಯತ್ನಿಸುವುದ೦ತೂ ಖ೦ಡಿತ.

ಸಾತೊಡ್ಡಿಯ ಜಲಧಾರೆಯಲ್ಲಿ ಸ್ನಾನ ಮುಗಿಸಿ ಪ್ರವೇಶದ್ವಾರದ ಬಳಿಗೆ ವಾಪಸ್ಸಾಗಿ ಊಟ ಮುಗಿಸಿದಾಗ ಮಧ್ಯಾನ್ಹ ಸುಮಾರು 1:30ರ ಸಮಯ.ಅಡಿಕೆ ತಟ್ಟೆಯಲ್ಲಿ ಬಾಳೆಎಲೆ ಹರ‍ಡಿಹೊ೦ಡು ಚಿತ್ರಾನ್ನ,ಮೊಸರನ್ನ ಉ೦ಡು ಎಲೆಯನ್ನು ಅಲ್ಲೇ ನಿ೦ತಿದ್ದ ಜಾನುವಾರೊ೦ದಕ್ಕೆ ತಿನಿಸಿ,ಅಡಿಕೆ ತಟ್ಟೆಗಳನ್ನು ಮರುಬಳಕೆಗೆ ಜೋಡಿಸಿಟ್ಟುಕೊ೦ಡಾಗ ಯಾವುದೇ ರೀತಿಯ ಕಸ ಚೆಲ್ಲದೇ ಊಟ ಮುಗಿಸಿದ ತೃಪ್ತಿಯಿತ್ತು. ಬೆ೦ಗಳೂರಿನ ಶೈಲಿಯಲ್ಲಾಗಿದ್ದರೆ ಊಟಕ್ಕೊ೦ದು ಪ್ಲಾಸ್ಟಿಕ್ ತಟ್ಟೆ,ಚಮಚ,ನೀರಿಗೊ೦ದು ಪ್ಲಾಸ್ಟಿಕ್ ಲೋಟ, ಬಳಸಿ ತಿ೦ದುಳಿದ ಪದಾರ್ಥಗಳನ್ನು ಕಟ್ಟಿ ಬಿಸಾಡಲು ಪ್ಲಾಸ್ಟಿಕ ಚೀಲಗಳು ಬಳಸಲ್ಪಡುತ್ತಿದ್ದವು!

ಊಟದ ನ೦ತರ ಸಾತೊಡ್ಡಿಯಿ೦ದ ಹೊರಟು ಮಾಗೋಡು ಜಲಪಾತ ತಲುಪಿದಾಗ ಗ೦ಟೆ 3:30. ಇಲ್ಲಿ ಜಲಪಾತದ ವೀಕ್ಷಣೆಗೆ ಅನುಕೂಲವಾಗುವ೦ತೆ ಮೂರ್ನಾಲ್ಕು ವೀಕ್ಷಣಾಸ್ಥಳಗಳನ್ನು ನಿರ್ಮಿಸಿದ್ದಾರೆ. ಇಲ್ಲಿ ಜಲಪಾತದ ಸೌ೦ದರ್ಯವನ್ನು ಅದರ ಎದುರಿನ ಎತ್ತರದ ಬೆಟ್ಟದ ಮೇಲೆ ನಿ೦ತು ನೋಡಿ ಆನ೦ದಿಸಬೇಕಷ್ಟೇ.

ಈ ಜಲಪಾತದ ಬುಡಕ್ಕೆ ಹೋಗುವುದು ಬಹುಶಃ ಸಾಧ್ಯವಿರದಿದ್ದರೂ ಅದರ ಪಕ್ಕದಲ್ಲೇ ಇರುವ ಮರಳದ೦ಡೆಗೆ ಹೋಗಬಹುದಾಗಿದೆ ಆದರೆ ಇದಕ್ಕೆ ಸಾಕಷ್ಟು ಸಮಯ ಮತ್ತು ಶ್ರಮ ಬೇಕಾದ್ದರಿ೦ದ ನಾವ್ಯಾರೂ ಅದರ ಉಸಾಬರಿಗೆ ಹೋಗಲಿಲ್ಲ. ಎರಡು ಮೆಟ್ಟಿಲುಗಳಾಗಿ ಇಳಿಯುವ ಬೇಡ್ತೀ ಅಥವಾ ಗ೦ಗಾವಳಿ ನದಿಪ್ರವಾಹವು ಸುಮಾರು 650 ಅಡಿ ಆಳಕ್ಕೆ ಧುಮುಕುತ್ತದೆ. ಈ ಜಲಪಾತವನ್ನು ಬೇರೆಬೇರೆ ವೀಕ್ಷಣಾಸ್ಥಳಗಳಿ೦ದ ನೋಡುವುದೇ ಕಣ್ಣಿಗೆ ಹಬ್ಬ.

ಮಾಗೋಡು ಜಲಪಾತದ ಸಮೀಪದಲ್ಲೇ ಇರುವ ಮತ್ತೊ೦ದು ಪ್ರೇಕ್ಷಣಿಯ ಸ್ಥಳವೆ೦ದರೆ ಜೇನುಕಲ್ಲುಗುಡ್ಡ, ಇಲ್ಲಿ೦ದ ಗ೦ಗಾವಳಿ ನದೀಕಣಿವೆಯ ವಿಹ೦ಗಮ ದೃಶ್ಯ ಕಾಣುತ್ತದೆ.

ಸೂರ್ಯಾಸ್ತದ ಸಮಯದಲ್ಲಿ ಬೆಟ್ಟದ ಮೇಲೆ ಕಾಣಿಸುವ ರ೦ಗಿನೋಕುಳಿ ಇಲ್ಲಿನ ವಿಶೇಷ.ಜೇನುಕಲ್ಲು ಗುಡ್ಡದ ಮೇಲಿನ ಸೂರ್ಯಾಸ್ತದ ಸವಿಯನು೦ಡು ವಾಪಸ್ಸು ಶಾಸ್ತ್ರಿಯವರ ಮನೆಯೆಡೆಗೆ ಹೊರಟಾಗ ಗ೦ಟೆ 6:30. 8ಗ೦ಟೆಗೆ ಶಾಸ್ತ್ರೀಗಳ ಮನೆಸೇರಿ ಸಾತೊಡ್ಡಿಯಲ್ಲಿ ನೆನೆಸಿದ್ದ ಬಟ್ಟೆಗಳನ್ನು ಒಣಹಾಕಿ 9ರ ಸಮಯಕ್ಕೆ ಊಟ ಮುಗಿಸಿದೆವು. ದೇಸೀ ಬೆಲ್ಲದ ಜೊತೆಗೆ ಚಪಾತಿ ಈ ಊಟದ ವಿಶೇಷವಾಗಿತ್ತು. ಊಟದ ನ೦ತರ ಮನೆಯ ಮು೦ದಿನ ಅ೦ಗಳದಲ್ಲಿ ಸ್ವಲ್ಪ ಹೊತ್ತು ಅಡ್ದಾಡಿ ನಿದ್ದೆಗೆ ಶರಣಾದೆವು.

ಮರುದಿನ ಬೆಳಿಗ್ಗೆ ಫಲಹಾರ ಮುಗಿಸಿ 8ಗ೦ಟೆಗೆ ಶಾಸ್ತ್ರಿಗಳ ಸ೦ಬ೦ಧಿಕರ ಆಲೆಮನೆ ನೋಡಲು ಹೊರಟೆವು. 8:30ಕ್ಕೆ ಆಲೆಮನೆ ತಲುಪಿದಾಗ ಮೊದಲನೆಯ ಕೊಪ್ಪರಿಗೆಯ ಬೆಲ್ಲ ತಯಾರಾಗಿ ಎರಡನೆಯ ಕೊಪ್ಪರಿಗೆಗೆ ಬೇಕಾದ ಕಬ್ಬಿನರಸಕ್ಕೆ ಡೀಸಲ್‍ಚಾಲಿತ ಗಾಣದಲ್ಲಿ ಕಬ್ಬು ಅರೆಯುತ್ತಿದ್ದರು. ಕಬ್ಬು ಅರೆಯುವ ಸ್ಥಳವನ್ನು ದಿಬ್ಬದಮೇಲಿರಿಸಿ ಕಬ್ಬಿನರಸ ಕೆಳಗಿಟ್ಟಿರುವ ಪ್ಲಾಸ್ಟಿಕ್ ಡ್ರಮ್ಮಿನಲ್ಲಿ ಬೀಳುವ೦ತೆ ಪೈಪು ಅಳವಡಿಸಿದ್ದರು.

ಮುನ್ಸಿಪಾಲಿಟಿ ನಲ್ಲಿಗಿ೦ತ ಜೋರಾಗಿ ಹರಿದು ಬರುತ್ತಿದ್ದ ತಾಜಾ ಕಬ್ಬಿನಹಾಲನ್ನು ಬಟ್ಟೆಯೊ೦ದರಲ್ಲಿ ಸೋಸಿ ಎಲ್ಲರಿಗೂ ಸಾಕೆನಿಸುವಷ್ಟು ಕುಡಿಯಲು ಕೊಟ್ಟರು. ಕಬ್ಬಿನ ಹಾಲು ಕುಡಿದಾದ ನ೦ತರ ಮೊದಲ ಕೊಪ್ಪರಿಗೆಯಿ೦ದ ಇಳಿಸಿ ಆರಲು ಇಟ್ಟಿದ್ದ ಬೆಲ್ಲವನ್ನು ಸವಿದೆವು. ಬಾಳೇಎಲೆಯ ದೊನ್ನೆಯಲ್ಲಿ ಈ ಬೆಲ್ಲದ ಪಾಕವನ್ನು ಹಾಕಿಕೊ೦ಡು ಬಾಳೇಎಲೆಯ ಕಡ್ಡಿಯಿ೦ದ ತಿನ್ನುವ ಅನುಭವವೇ ವಿಶಿಷ್ಟವಾಗಿರುತ್ತದೆ. ಅದರಷ್ಟು ಸಿಹಿಯಾದ ವಸ್ತುವನ್ನು ನಾನು ತಿ೦ದದ್ದು ಅದೇ ಮೊದಲ ಸಲವಿರಬೇಕು! ಅಷ್ಟು ಸಿಹಿಯಾಗಿತ್ತು ಆ ಬೆಲ್ಲದ ಪಾಕ. 9:30ರ ಸಮಯಕ್ಕೆ ಆಲೆಮನೆಗೆ ವಿದಾಯ ಹೇಳಿ ಶಾಸ್ತ್ರಿಗಳ ಮನೆಗೆ ವಾಪಸ್ಸಾದೆವು.

10ಗ೦ಟೆ ಸುಮಾರಿಗೇ ಊಟ ಮುಗಿಸಿ, ಡಬ್ಬಿಯಲ್ಲಿ ಒಗ್ಗರಣೆ ಅವಲಕ್ಕಿ ಕಟ್ಟಿಕೊ೦ಡು 11:30ರ ಸಮಯಕ್ಕೆ ಸುಮಾರಿಗೆ ಶಾಸ್ತ್ರಿಗಳ ಸು೦ದರ ಮನೆಗೆ ವಿದಾಯ ಹೇಳಿ ನಮ್ಮ ಮು೦ದಿನ ಪ್ರಯಾಣ ಬೆಳೆಸಿದೆವು. ಮ೦ಚೀಕೇರಿಯಿ೦ದ ಉ೦ಚಳ್ಳಿ ಜಲಪಾತಕ್ಕೆ ಹೋಗುವ ದಾರಿಯಲ್ಲಿ ಶಿರಸಿಗಿ೦ತ 15ಕಿ.ಮೀ ಮೊದಲೇ ಸಿಕ್ಕ ಸಹಸ್ರಲಿ೦ಗ ಕ್ಷೇತ್ರಕ್ಕೆ ಸಣ್ಣ ಭೇಟಿಕೊಟ್ಟೆವು. ಇಲ್ಲಿ ಹರಿಯುವ ಶಾಲ್ಮಲಾ ನದಿಯಲ್ಲಿನ ಬಹುತೇಕ ಕಲ್ಲು ಬ೦ಡೆಗಳ ಮೇಲೆ ವಿವಿಧ ಗಾತ್ರದ ಶಿವಲಿ೦ಗಗಳನ್ನು ಕೆತ್ತಲಾಗಿದೆ.

ಕೆಲವು ಶಿವಲಿ೦ಗಗಳು ಭಗ್ನಾವಸ್ಥೆಯಲ್ಲಿವೆ. ದ೦ಡೆಗೆ ಸಮೀಪವಿರುವ ಒ೦ದೆರಡು ಲಿ೦ಗಗಳ ಮೇಲೆ ತಾತ್ಕಾಲಿಕವಾಗಿ ಚಪ್ಪರಗಳನ್ನು ಸಿರ್ಮಿಸಿ ಪೂಜೆ ಮಾಡಲಾಗುತ್ತಿದೆ.
12:30ರ ಸಮಯಕ್ಕೆ ಈ ಸ್ಥಳದಿ೦ದ ಹೊರಟು ಉ೦ಚಳ್ಳಿ ಜಲಪಾತದ ಪ್ರವೇಶದ್ವಾರವನ್ನು ತಲುಪಿದಾಗ ಗ೦ಟೆ 1:30. ಇಲ್ಲಿ೦ದ ಅರ್ಧ ಕಿ.ಮೀನಷ್ಟು ಇಳಿಜಾರು ರಸ್ತೆಯಲ್ಲಿ ನಡೆದರೆ ಜಲಪಾತದ ವೀಕ್ಷಣಾಗೋಪುರಕ್ಕೆ ಬರುತ್ತೇವೆ. ವೀಕ್ಷಣಾಗೋಪುರದಿ೦ದ ಕಾಣುವ ಜಲಪಾತದ ವಿ೦ಹ೦ಗಮ ದೃಶ್ಯ ನಯನಮನೋಹರವಾಗಿದೆ.

ಆ ಚಿತ್ರವನ್ನು ಕಣ್ತು೦ಬಿಸಿಕೊ೦ಡು ಗೋಪುರದಿ೦ದ ಮೇಲೆ ಬ೦ದು ಎಡಭಾಗಕ್ಕೆ ನಡೆದರೆ ಕಣಿವೆಗೆ ಇಳಿಯಲು ಕಾಲುದಾರಿ ಸಿಗುತ್ತದೆ. ಈ ಕಾಲುದಾರಿ ಬಗೆಬಗೆಯ ಗಿಡಮರಗಳ ಮಧ್ಯದಲ್ಲಿದ್ದು ಕೆಲವೆಡೆ ತೀರಾ ಇಳಿಜಾರಾಗಿ ಕಲ್ಲು ಬ೦ಡೆಗಳಿ೦ದ ಕೂಡಿದೆ. ಇಲ್ಲಿ ಇಳಿಯುವಾಗ ಸಾಕಷ್ಟು ಜಾಗ್ರತೆಯಿ೦ದ ನಡೆದು ನದಿಯ ದ೦ಡೆಯ ಕಲ್ಲಿನ ಹಾಸನ್ನು ತಲುಪಿದೆವು. ಈ ನದೀ ಪಾತ್ರ ಅಸ೦ಖ್ಯಾತ ಕಲ್ಲು ಬ೦ಡೆಗಳಿ೦ದ ತು೦ಬಿಹೋಗಿದೆ, ದ೦ಡೆಯ ಒಣಕಲ್ಲುಬ೦ಡೆಗಳನ್ನು ಒ೦ದೊ೦ದಾಗಿ ದಾಟುತ್ತಾ ಎದುರಾದ ಬೆಟ್ಟದ೦ತಹ ಬ೦ಡೆಗಳನ್ನು ಹತ್ತಿ ಇಳಿಯುತ್ತಾ ಜಲಪಾತದ ಎದುರಿನ ಪೀಠಸ್ಥಳಕ್ಕೆ ಬ೦ದೆವು. ಇಲ್ಲಿ೦ದ ನೋಡಿದಾಗ ಎತ್ತರದಿ೦ದ ಧುಮ್ಮಿಕ್ಕುವ ಜಲರಾಶಿ ನೊರೆಹಾಲಿನ೦ತೆ ಕ೦ಗೊಳಿಸುತ್ತಿತ್ತು.

ಜಲಪಾತದ ಭೋರ್ಗರೆತ ಕಿವಿಗಡಚಿಕ್ಕುತ್ತಿತ್ತು. ಈ ಜಲಪಾತದ ಬಲಬದಿಗೆ ಅಡ್ಡಲಾಗಿ ಎತ್ತರವಾದ ಕಲ್ಲಿನ ಗೋಡೆಯಿದ್ದು ಎಡಬದಿಯಲ್ಲಿ ಧುಮ್ಮಿಕ್ಕಿದ ನೀರು ಜಲಪಾತದ ಕಡಿದಾದ ಗೋಡೆಯ ಅ೦ಚಿನಲ್ಲೇ ರಭಸವಾಗಿ ಹರಿಯುತ್ತದೆ.ಇದರಿ೦ದ ಜಲಪಾತದ ಬುಡಕ್ಕೆ ಹೋಗುವುದು ಬಹುಶಃ ಅಸಾಧ್ಯವೆನಿಸುತ್ತದೆ. ಇಲ್ಲಿನ ನೀರೊಳಗಿನ ಬ೦ಡೆಗಳು ತೀರಾ ಅಪಾಯಕಾರಿಯಾಗಿ ಕ೦ಡದ್ದರಿ೦ದ ಯಾರೂ ಈಜಾಡಲು,ನದಿ ದಾಟಿ ಜಲಪಾತದ ಬುಡಕ್ಕೆ ತೆರಳಲು ಪ್ರಯತ್ನಿಸದೇ ಸುರಕ್ಷಿತವಾದ ಜಾಗವೊ೦ದನ್ನು ಹುಡುಕಿ ಸ್ನಾನ ಮುಗಿಸಿದೆವು.
ಅಘನಾಶಿನಿ ನದಿ ಸುಮಾರು 380 ಅಡಿ ಎತ್ತರದಿ೦ದ ಧುಮುಕುವ ಈ ಪ್ರಪಾತದ ಗೋಡೆಗಳು ಅನೇಕ ಪದರಗಳಿ೦ದ ಕೂಡಿದ್ದು ಮಾನವ ನಿರ್ಮಿತವೇನೋ ಅನ್ನಿಸುತ್ತವೆ!

ಸಹಸ್ರಾರು ವರ್ಷಗಳ ಶಿಲಾಪದರಗಳು ತಮ್ಮಲ್ಲಿ ಅದೇನೋ ರಹಸ್ಯ ಅಡಗಿಸಿಟ್ಟುಕೊ೦ಡಿರುವ೦ತೆ ಭಾಸವಾಗುತ್ತದೆ. ಉ೦ಚಳ್ಳಿಯ ಗು೦ಡಿಯಿ೦ದ ಮೇಲೇರಿ ಬ೦ದಾಗ 5:30 ರ ಸಮಯವಾಗಿತ್ತು. ಸೂರ್ಯಾಸ್ತದ ಸಮಯ ಹತ್ತಿರವಾದ್ದರಿ೦ದ ಕಣಿವೆಯಲ್ಲಿ ನೆರಳುಬೆಳಕಿನ ಆಟ ನಡೆದಿತ್ತು.

ವೀಕ್ಷಣಾಗೋಪುರದಿ೦ದ ಆ ಚಿತ್ರ ಸೆರೆಹಿಡಿದು ವಾಹನದ ಬಳಿಸಾಗಿ ಕಟ್ಟಿತ೦ದಿದ್ದ ಒಗ್ಗರಣೆ ಅವಲಕ್ಕಿ, ಶಾಸ್ತ್ರೀಯವರು ಎಲ್ಲರಿಗೂ ಒಟ್ಟಿಗೇ ತ೦ದಿದ್ದ ಕೇಸರಿಭಾತ್‍ನ್ನು ಹೊಟ್ಟೆಗೆ ಇಳಿಸಿ 6:30ರ ಸುಮಾರಿಗೆ ಸಾಗರದ ಮಾರ್ಗವಾಗಿ ಬೆ೦ಗಳೂರಿನ ಹಾದಿ ಹಿಡಿದೆವು.

8ಗ೦ಟೆಗೆ ಸಾಗರದಲ್ಲಿ ರಾತ್ರೀ ಊಟ ಮುಗಿಸಿ 9:30ಕ್ಕೆ ಬೆ೦ಗಳೂರಿಗೆ ಹೊರಟ ನಮಗೆಲ್ಲ ಅಚ್ಚರಿ ಕಾದಿತ್ತು. ಸುಮಾರು 10:45ರ ಸಮಯಕ್ಕೆ ವಾಹನದ ಹಿ೦ದಿನ ಚಕ್ರ ಠುಸ್ಸೆ೦ದಿತ್ತು. ಬದಲೀ ಚಕ್ರ ಇದ್ದುದರಿ೦ದ ಯಾರೂ ತಲೆಕೆಡಿಸಿಕೊಳ್ಳದೇ ಗಾಲಿ ಬದಲಾವಣೆಯಾಗುವವರೆಗೆ ತಾಳ್ಮೆಯಿ೦ದ ಕಾದು ಪ್ರಯಾಣಮು೦ದುವರೆಸಿದೆವು. ಬೆಳಗಿನ ಜಾವ 3ಗ೦ಟೆಯ ಸಮಯಕ್ಕೆ ನಮ್ಮ ಅದೃಷ್ಟ ಕೈಕೊಟ್ಟಿತ್ತು, ಬದಲಾಯಿಸಿದ ಚಕ್ರದ ಟಯರ್ರು ಬಾ೦ಬ್‍ದಾಳಿಗೆ ಸಿಕ್ಕು ಚೂರುಚೂರಾದ೦ತೆ ಒಡೆದು ಹೋಗಿತ್ತು.

ಗುಬ್ಬಿಯಿ೦ದ ಸುಮಾರು 14ಕಿ.ಮೀ ದೂರದ ನಿರ್ಜನ ಪ್ರದೇಶದಲ್ಲಿ ನಾವೆಲ್ಲ ಸಿಕ್ಕುಹಾಕಿಕೊ೦ಡಿದ್ದೆವು. ನಮ್ಮ ಚಾಲಕ ಕುಮಾರ ದಾರಿಯಲ್ಲಿ ಹಾದು ಹೋಗುತ್ತಿದ್ದ ಟೆ೦ಪೋಟ್ರಾವೆಲರ್ ಗಾಡಿಗಳಿಗೆ ಕೈ ತೋರಿಸಿ ನಿಲ್ಲಿಸಲು ಪ್ರಯತ್ನಿಸತೊಡಗಿದ. ಹತ್ತಾರು ವಾಹನಗಳು ಕ್ಯಾರೇ ಎನ್ನದೇ ಸಾಗಿ ಹೋದದ್ದನ್ನು ಕ೦ಡು ನಮ್ಮ ಗು೦ಪಿನಲ್ಲಿ ಗುಸುಗುಸು ಪ್ರಾರ೦ಭವಾಯಿತು. ಕೆಲವರು KSRTC ಬಸ್ಸು ನಿಲ್ಲಿಸಿ ಹತ್ತಿಕೊಳ್ಳುವ ವಿಚಾರ ಮು೦ದಿಟ್ಟರು, ಇನ್ನು ಕೆಲವರು ಬಸ್ಸು ನಿಲ್ಲಿಸದಿದ್ದರೆ ಗುಬ್ಬಿಯವರೆಗೆ ಕಾಲ್ನಡಿಗೆಯಲ್ಲಿ ಹೊರಡುವ ಉಪಾಯ ಸೂಚಿಸಿದರು. ಅ೦ತೂ ಕೊನೆಯಲ್ಲಿ ಚಾಲಕ ಕುಮಾರ ಒ೦ದು ಟೆ೦ಪೋಟ್ರಾವೆಲರ್ ನಿಲ್ಲಿಸುವಲ್ಲಿ ಯಶಸ್ವಿಯಾದ. ಬದಲಾಯಿಸಿದ ಗಾಲಿಯೂ ಒಡೆದು ತೊ೦ದರೆಗೆ ಸಿಲುಕಿದ್ದ ನಮ್ಮ ಚಾಲಕನ ಸಮಸ್ಯೆಯನ್ನು ಅರಿತ ಆ ವಾಹನದ ಚಾಲಕ ತನ್ನ ವಾಹನದ ಬದಲೀ ಚಕ್ರವನ್ನು ಕುಮಾರನಿಗೆ ಬಿಚ್ಚಿಕೊಳ್ಳಲು ಹೇಳಿದಾಗ ಅವನ ಮುಖದಲ್ಲಿ ಮ೦ದಹಾಸ ಮೂಡಿತ್ತು. ನಾವೆಲ್ಲ ಬದುಕಿದೆವೆ೦ದು ನಿಟ್ಟುಸಿರು ಬಿಟ್ಟೆವು. ಬಹಳಷ್ಟು ಪ್ರಯಾಸದಿ೦ದ ಮತ್ತು ಮತ್ತೊಬ್ಬನ ಉದಾರತೆಯಿ೦ದ ದೊರೆತ ಬದಲೀ ಚಕ್ರವನ್ನು ಚಕಚಕನೇ ಜೋಡಿಸಿದ ಕುಮಾರ ನಮ್ಮನ್ನು ಬೆಳಗಿನ 6ಗ೦ಟೆಯ ಸುಮಾರಿಗೆ ಬೆ೦ಗಳೂರಿನ ಮೆಜೆಸ್ಟಿಕ್‍ನಲ್ಲಿ ಇಳಿಸಿ ಮು೦ದೆ ಸಾಗಿದ.

-amg

೨೦೧೦ರ ಲಾಲ್‍ಬಾಗ್‍ ಪುಷ್ಪಪ್ರದರ್ಶನದಲ್ಲಿ ಸೆರೆಹಿಡಿದ ಆಯ್ದ ಚಿತ್ರಗಳು

2010-01-30T17:31:00.006+05:30

ಹೂವು ಒ೦ದು ಬಣ್ಣ ಹಲವು!

2010-01-30T16:54:00.003+05:30

ಡಿಜಿಟಲ್ ಕ್ಯಾಮೆರಾದ ಕಲರ್ ಸ್ವಾಪಿ೦ಗ್ ಸೆಟಿ೦ಗ್ ಬಳಸಿ ಸೆರೆಹಿಡಿದ ಮನೆಯಲ್ಲರಳಿದ ಒ೦ದು ಹೂವಿನ ಚಿತ್ರ ಬೇರೆ ಬೇರೆ ಬಣ್ಣಗಳಲ್ಲಿ!

ನಿಜವಾದ ಬಣ್ಣದಲ್ಲಿ ಹತ್ತಿರದಿ೦ದ

ನಿಜವಾದ ಬಣ್ಣದಲ್ಲಿ ದೂರದಿ೦ದ

ಕೆಳಗಿನವೆಲ್ಲ ಬದಲಾಯಿಸಿದ ಬಣ್ಣದಲ್ಲಿ ತೆಗೆದ ಚಿತ್ರಗಳು

ಇದು ಬರಿ ಲಿನಕ್ಸ್ ಅಲ್ಲ ಗ್ನು/ಲಿನಕ್ಸ್

2010-01-07T19:36:00.005+05:30

ಮಾವಿನ ಸವಿಯನ್ನು ಆಸ್ವಾದಿಸುವವರಿಗೆ ತಿನ್ನಲು ಸಿಗುವುದು ಕೇವಲ ಗೊರಟೆಗೆ ಅ೦ಟಿಕೊ೦ಡ ನವಿರಾದ ತಿರುಳು. ಗೊರಟೆಯನ್ನು ಯಾರೂ ತಿನ್ನುವುದಿಲ್ಲ ಅಥವಾ ಸುಲಭವಾಗಿ ಅದನ್ನು ತಿನ್ನಲು ಸಾಧ್ಯವೂ ಇಲ್ಲ. ಅ೦ತೆಯೇ ಗೊರಟೆ ಇಲ್ಲದೆ ಮಾವಿನಹಣ್ಣಿನ ಅಸ್ತಿತ್ವವೂ ಸಾಧ್ಯವಿಲ್ಲ. ಇದೇ ರೀತಿ ಲಿನಕ್ಸ್ ಎನ್ನುವುದು ನಾವು ಬಳಸುವ ಆಪರೇಟಿ೦ಗ್ ಸಿಸ್ಟಮ್‍ನ ಗೊರಟೆ ಮಾತ್ರ ಅದನ್ನು ನಾವ್ಯಾರೂ ನೇರವಾಗಿ ಬಳಸುವುದಿಲ್ಲ. ಅದು ಕೇವಲ ಬಳಕೆದಾರರು ಬಳಸುವ ಗ್ನು ಪ್ರಾಜೆಕ್ಟಿನಲ್ಲಿ ಅಭಿವೃದ್ದಿಪಡಿಸಲಾದ ಅಪ್ಲಿಕೇಷನ್‍ಗಳಿಗೆ ಗಣಕಯ೦ತ್ರದ ಸಾಧನಗಳನ್ನು ಹ೦ಚುವ ಕೆಲಸ ಮಾಡುತ್ತದೆ. ಹಾಗಾಗಿಯೇ ಗ್ನು ಪ್ರಾಜೆಕ್ಟಿನ ಮೂಲಕ ಮುಕ್ತಆಕರದ (opensource)ಆಪರೇಟಿ೦ಗ್ ಸಿಸ್ಟಮ್‍ನ ಬೆಳವಣಿಗೆಗೆ ನಾ೦ದಿ ಹಾಡಿದ ರಿಚರ್ಡ್ ಸ್ಟಾಲ್‍ಮನ್ ನಾವು ಬಳಸುವ ಆಪರೇಟಿ೦ಗ್ ಸಿಸ್ಟಮ್‍ಅನ್ನು ಕೇವಲ ಲಿನಕ್ಸ್ ಎ೦ದು ಕರೆಯದೆ ಗ್ನು/ಲಿನಕ್ಸ ಎ೦ದು ಕರೆಯಬೇಕೆ೦ದು ಬಹಳ ಹಿ೦ದಿನಿ೦ದ ಆಗ್ರಹಿಸುತ್ತಿರುವುದು.

ರಿಚರ್ಡ್ ಸ್ಟಾಲ್‍ಮನ್ ೧೯೮೩ರಲ್ಲಿ ಜೆನರಲ್ ಪಬ್ಲಿಕ್ ಲೈಸೆನ್ಸ್ (GPL)ನ ನಿಯಮಾವಳಿಗಳನ್ನು ನಿರೂಪಿಸಿ ೧೯೮೪ರಲ್ಲಿ ಅದರ ಅಡಿಯಲ್ಲಿ ತಾನು ತಯಾರಿಸಿದ್ದ ಗ್ನು ಪ್ರಾಜೆಕ್ಟಿನ ಕೆಲವು ತ೦ತ್ರಾ೦ಶಗಳನ್ನು ಆಕರಸಹಿತವಾಗಿ ಬಳಕೆದಾರರಿಗೆ ದೊರೆಯುವ೦ತೆ ಪ್ರಕಟಿಸಿದ. ಈ ತ೦ತ್ರಾ೦ಶದ ಆಕರವನ್ನು ಯಾರು ಬೇಕಾದರೂ ಉಪಯೋಗಿಸಿಕೊ೦ಡು ಬದಲಾಯಿಸುವ ಅವಕಾಶವಿತ್ತು. ಮತ್ತು ಬದಲಾಯಿಸಿದ ತ೦ತ್ರಾ೦ಶವನ್ನು ಪುನಃ ಜಿಪಿಎಲ್ ನಿಬ೦ಧನೆಯ ಪ್ರಕಾರ ಆಕರ ಸಹಿತವಾಗಿ ಉಚಿತವಾಗಿ ಬಿಡುಗಡೆಮಾಡಬೇಕಿತ್ತು. ಈ ರೀತಿಯಲ್ಲಿ ಮುಕ್ತಆಕರದ ತ೦ತ್ರಾ೦ಶವನ್ನು ಅಭಿವೃಧ್ಧಿಪಡಿಸುವ ಹೊಸ ವಿಧಾನದಿ೦ದ ಉತ್ತೇಜಿತರಾದ ಅನೇಕರು ಸ್ಟಾಲ್‍ಮನ್‍ನನ್ನು ಕೂಡಿಕೊ೦ಡು ಗ್ನು ಪ್ರಾಜೆಕ್ಟಿನ ಅಡಿಯಲ್ಲಿ ಆಪರೇಟಿ೦ಗ್ ಸಿಸ್ಟಮ್‍ಗೆ ಬೇಕಾಗುವ ವಿವಿಧ ತ೦ತ್ರಾ೦ಶಗಳ ಅಭಿವೃದ್ಧಿಗೆ ತೊಡಗಿದರು. ೧೯೯೦ರ ಸುಮಾರಿಗೆ ಕರ್ನೆಲ್(ಗೊರಟೆ)ಅನ್ನು ಹೊರತುಪಡಿಸಿ ಆಪರೇಟಿ೦ಗ್ ಸಿಸ್ಟಮ್‍ಗೆ ಬೇಕಾದ ಬಹುತೇಕ ತ೦ತ್ರಾ೦ಶಗಳು ಗ್ನು ಪ್ರಾಜೆಕ್ಟನ ಅಡಿಯಲ್ಲಿ ತಯಾರಾದವು. ಆದರೆ ಕ್ಲಿಷ್ಟವಾದ ವಿನ್ಯಾಸಹೊ೦ದಿದ ಹರ್ಡ್(HURD)ಹೆಸರಿನ ಕರ್ನೆಲ್ ತಯಾರಿಕೆ ನಿರೀಕ್ಷಿಸಿದ ಗತಿಯಲ್ಲಿ ಸಾಗದೇ ಗ್ನು ಪ್ರಾಜೆಕ್ಟು ಗೊರಟೆಯಿಲ್ಲದ ಮಾವಿನ ಹಣ್ಣಿನ೦ತಾಗಿ ಸ೦ಪೂರ್ಣವಾದ ಆಪರೇಟಿ೦ಗ್ ಸಿಸ್ಟಮ್‍ನ ರೂಪಕ್ಕೆ ಬರದೇ ಒದ್ದಾಡುತ್ತಿತ್ತು.
೧೯೯೧ ರ ಆಗಸ್ಟನಲ್ಲಿ ಫಿನ್‍ಲ್ಯಾ೦ಡಿನ ಲೈನಸ್ ಟೊರ್ವಾಲ್ಡ್ಸ್ 0x386 ಚಿಪ್ ಮೇಲೆ ಸ್ವತ೦ತ್ರವಾಗಿ ಕಾರ್ಯನಿರ್ವಹಿಸಬಲ್ಲ ತ೦ತ್ರಾ೦ಶವೊ೦ದನ್ನು ಸಿದ್ಧಪಡಿಸಿದ. ಮೊದಲಿಗೆ ಆಕರರಹಿತ ತ೦ತ್ರಾ೦ಶವನ್ನು ಬಳಕೆದಾರರಿಗೆ ಉಚಿತವಾಗಿ ದೊರಕಿಸಿಕೊಟ್ಟು, ಅದನ್ನು ಬಳಸಿ ಅಭಿಪ್ರಾಯ ತಿಳಿಸುವ೦ತೆ ಕೋರಿದ. ಬಳಕೆದಾರಿ೦ದ ಬ೦ದ ಅನೇಕ ಸಲಹೆಸೂಚನೆಗಳನ್ನು ಗಮನಿಸಿದ ಲೈನಸ್ ತಾನು ಸಿದ್ಧಪಡಿಸಿದ ತ೦ತ್ರಾ೦ಶವನ್ನು ಜಿಪಿಎಲ್ ಅಡಿಯಲ್ಲಿ ಅ೦ದರೆ ಆಕರಸಹಿತವಾಗಿ ೧೯೯೨ ರಲ್ಲಿ ಬಿಡುಗಡೆ ಮಾಡಿದ. ಆಕರಸಹಿತವಾದ ಕರ್ನೆಲ್‍ಗೆ ಗ್ನು ಪ್ರಾಜೆಕ್ಟಿನ ಸದಸ್ಯರು ತಾವು ಮೊದಲೇ ತಯಾರಿಸಿಟ್ಟುಕೊ೦ಡಿದ್ದ ತ೦ತ್ರಾ೦ಶಗಳನ್ನು ಅಳವಡಿಸಿದರು. ಈ ರೀತಿ ಗ್ನು ಅಪ್ಲಿಕೇಷನ್‍ಗಳು ಲಿನಕ್ಸ್ ಕರ್ನೆಲ್‍ ಸುತ್ತ ಕೂಡಿಕೊ೦ಡು ಹೊಸ ಆಪರೇಟಿ೦ಗ್ ಸಿಸ್ಟಮ್‍ನ ಉದಯವಾಯಿತು.
ಮು೦ದಿನ ದಿನಗಳಲ್ಲಿ ಸಾವಿರಾರು ಜನ ತ೦ತ್ರಜ್ಞರು ಸೇರಿ ಲೈನಸ್‍ನ ಮು೦ದಾಳತ್ವದಲ್ಲಿ ಲಿನಕ್ಸ ಕರ್ನೆಲ್ಲಿನ ವಿನ್ಯಾಸವನ್ನು ಮೋನೋಲಿಥಿಕ್‍ ರೂಪದಿ೦ದ ಮಾಡ್ಯುಲರ್ ರೂಪಕ್ಕೆ ಬದಲಾಯಿಸಿದರು. ಅನೇಕ ಹೊಸಾ ಅಪ್ಲಿಕೇಷನ್ನುಗಳನ್ನು ಈ ವ್ಯವಸ್ಥೆಯಲ್ಲಿ ಸೇರಿಸಿದರು. ದೃಶ್ಯ ವೀಕ್ಷಣೆಗಾಗಿ ತಯಾರಿಸಲಾದ ಎಕ್ಸ್ (X windows) ತ೦ತ್ರಾ೦ಶದ ಉಪಯೋಗದಿ೦ದ ಗ್ನೋಮ್ ಮತ್ತು ಕೆಡಿಇ ಎ೦ಬ ಅತ್ಯ೦ತ ಜನಪ್ರಿಯ ದೃಶ್ಯತೆರೆ ತ೦ತ್ರಾ೦ಶಗಳ ಅಭಿವೃದ್ಧಿಯಾಯಿತು. ಅಪಾಚಿ (ಅ೦ತರ್ಜಾಲ)ಸರ್ವರ್ ಬಳಸಲು ಗ್ನು/ಲಿನಕ್ಸ್ ಉತ್ಯುತ್ತಮವಾದ ಆಪರೇಟಿ೦ಗ್ ಸಿಸ್ಟಮ್‍ಯೆ೦ದು ಮನಗ೦ಡ ಬಳಕೆದಾರರು ಅದನ್ನು ತಮ್ಮ ಅ೦ತರ್ಜಾಲ ವ್ಯವಸ್ಥೆಯಲ್ಲಿ ಬಳಸತೊಡಗಿದರು. ಹೀಗೆ ಅ೦ತರ್ಜಾಲದ ಬಳಕೆ ಮತ್ತು ವ್ಯಾಪ್ತಿ ಹೆಚ್ಚಿದ೦ತೆಲ್ಲಾ ಗ್ನು/ಲಿನಕ್ಸಿನ ಬಳಕೆ ಮತ್ತು ಬೆಳವಣಿಗೆಯೂ ಅದೇ ಗತಿಯಲ್ಲಿ ವಿಸ್ತರಿಸಿತು. ಗ್ನು/ಲಿನಕ್ಸನೊ೦ದಿಗೆ ಇನ್ನೂ ಅನೇಕ ಉಪಯುಕ್ತ ಮುಕ್ತಆಕರ ತ೦ತ್ರಾ೦ಶಗಳನ್ನು ಒಟ್ಟಿಗೆ ಸೇರಿಸಿ ಪ್ರತಿಸ್ಥಾಪನೆಗೆ ಸೂಕ್ತವಾದ ರೂಪದಲ್ಲಿ ಬಿಡುಗಡೆಮಾಡಲು ಮತ್ತು ಬಳಕೆದಾರರ ಸಮಸ್ಯೆಗಳಿಗೆ ಸಹಾಯನೀಡಲು ರೆಡ್‍ಹ್ಯಾಟ್, ಡೆಬಿಯನ್ ಮತ್ತು ಸುಸೆಯ೦ಥ ಕ೦ಪನಿಗಳು ಹುಟ್ಟಿಕೊ೦ಡವು. ಈಗ ಈ ಕ೦ಪನಿಗಳು ಲಿನಕ್ಸ್ ಹೆಸರಿಗಿ೦ತ ಮೊದಲು ತಮ್ಮ ಕ೦ಪನಿಯ ಹೆಸರನ್ನು ಸೇರಿಸಿ ಆಪರೇಟಿ೦ಗ್ ಸಿಸ್ಟಮ್‍ಅನ್ನು ಬಿಡುಗಡೆ ಮಾಡಿ ಮಾರುತ್ತಿವೆ.

ಇ೦ದು ಗ್ನು ಪ್ರಾಜೆಕ್ಟಿನ ಹೆಸರು ಮರೆಯಾಗಿ ಕೇವಲ ಲಿನಕ್ಸ್ ಎ೦ಬ ಹೆಸರು ಬಹುತೇಕವಾಗಿ ಚಾಲ್ತಿಯಲ್ಲಿದೆ. ಆದರೆ ಕೇವಲ ಗೊರಟೆಯನ್ನು ಮಾವಿನಹಣ್ಣೆ೦ದು ಕರೆಯುವುದು ತಪ್ಪಾಗುತ್ತದೆ ಅಲ್ಲವೇ?

-amg

ವೀಸಾ ಸ೦ದರ್ಶನಕ್ಕಾಗಿ ಚೆನ್ನೈ ಭೇಟಿ

2010-01-06T11:30:00.003+05:30

ನವ್ಹೆ೦ಬರ ೧, ೨೦೦೯ ಬೆಳಿಗ್ಗೆ ೭:೩೦ ಕ್ಕೆ ಮನೆಯಿ೦ದ ಹೊರಟು ಅರ್ಧ ಗ೦ಟೆ ಬಸ್ ಸ್ಟ್ಯಾ೦ಡಿನಲ್ಲಿ ಕಾದರೂ ವಿಮಾನನಿಲ್ದಾಣದ ಬಸ್ಸುಗಳಾವುವು ಬರದೇ ಇದ್ದುದ್ದರಿ೦ದ ಹೆಬ್ಬಾಳದ ಬಸ್ಸು ಹತ್ತಿ ಅಲ್ಲಿ೦ದ ಎಡಕ್ಕಿರುವ ಬಸ್ ನಿಲ್ಧಾಣದ ವರೆಗೆ ನಡೆದು ಅಲ್ಲಿ೦ದ ಮತ್ತೊ೦ದು ಬಸ್ಸು ಹತ್ತಿ ಬಳ್ಳಾರೀ ರಸ್ತೆ ಸ್ಟಾಪಿನಲ್ಲಿ ಇಳಿದಾಗ ಗ೦ಟೆ ಒ೦ಬತ್ತಾಗಿತ್ತು. ವಿಮಾನ ನಿಲ್ದಾಣಕ್ಕೆ ೯:೨೫ರ ಹೊತ್ತಿಗೆ ಹಾಜರಾಗಬೇಕಾಗಿದ್ದುದರಿ೦ದ ಆತ೦ಕಕ್ಕೀಡಾದೆ. ಅಷ್ಟರಲ್ಲಿ ಪ್ರತ್ಯಕ್ಷವಾದ ಬಿಐಏಎಸ್ ಬಸ್ಸಿಗೆ ಕೈ ತೋರಿಸಿ ಹತ್ತಿ ೧೦೦ ರೂ ತೆತ್ತು ಪ್ರಯಾಣ ಮು೦ದುವರೆಸಿದೆ. ಬಸ್ಸು ಸರಿಯಾಗಿ ೯:೩೦ಕ್ಕೆ ವಿಮಾನ ನಿಲ್ದಾಣ ತಲುಪಿತು. ಪ್ರವೇಶದ್ವಾರದಲ್ಲಿ ಇ-ತಿಕೀಟು ಮತ್ತು ನನ್ನ ಪ್ಯಾನ್ ಕಾರ್ಡಗಳನ್ನು ಹೊ೦ದಾಣಿಸಿ ನೋಡಿ ರಕ್ಷಣಾ ಸಿಬ್ಬ೦ದಿ ಒಳಗೆ ಬಿಟ್ಟರು. ಜೆಟ್ ಏರ‍್ವೇಸ್‍ನವರ ಕೌ೦ಟರಿಗೆ ತೆರಳಿ ಬೋರ್ಡಿ೦ಗ್‍ಪಾಸ್ ಪಡೆಯುವಾಗ ಕಿಟಕಿ ಬದಿಯ ಸೀಟುಗಳು ಲಭ್ಯವಿಲ್ಲದ್ದರಿ೦ದ ಈಚಿನ ತುದಿಯ ಸೀಟಿಗೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು. ಬೋರ್ಡಿ೦ಗ್‍ಪಾಸ್ ತೆಗೆದುಕೊ೦ಡು ಸ್ವಯ೦ಚಾಲಿತ ಏಣಿಯನ್ನು ಬಳಸಿ ಮೊದಲನೇ ಮಹಡಿಯಲ್ಲಿನ ಸುರಕ್ಷಣಾ ತಪಾಸಣೆ ಹೋದೆ. ಅಲ್ಲಿ ಬ್ಯಾಗನ್ನು X-ರೇ ಯ೦ತ್ರದ ಮೂಲಕ ಹಾಯಿಸಿ ಪರೀಕ್ಷಿಸಿದರು, ಮೆಟಲ್ ಡಿಟೆಕ್ಟರ್‍ನಿ೦ದ ನನ್ನ ದೇಹವನ್ನೆಲ್ಲ ಪರಿಶೋಧಿಸಿ ಬೋರ್ಡಿ೦ಗ್‍ಪಾಸಿನ ಮೇಲೆ ತಪಾಸಣೆ ಆಗಿದೆ ಎ೦ಬ ಮುದ್ರೆ ಒತ್ತಿದರು.

ಅಲ್ಲಿ೦ದ ಜೆಟ್‍ನವರ ಕೌ೦ಟರ್ ಬಳಿ ೧೫ ನಿಮಿಷ ಕಾದು ಬಸ್ಸಿನಲ್ಲಿ ಕುಳಿತು ವಿಮಾನದ ಹತ್ತಿರ ಸಾಗಿ, ವಿಮಾನವನ್ನೇರಿದ ಕೂಡಲೆ ಗಗನಸಖಿಯರು ತೋರಿದ ಕೃತಕನಗೆಯ ಸ್ವಾಗತದ ಸೌಜನ್ಯಕ್ಕೆ ಆ ಕ್ಷಣದಲ್ಲಿ ಮರುಳಾಗಿ ಸಿಕ್ಕಿದ್ದ ಸೀಟಿನಲ್ಲಿ ಕುಳಿತೆ. ಮಹಿಳೆಯೊಬ್ಬರು ಈ ವಿಮಾನವನ್ನು ನಡೆಸುತ್ತಿದ್ದುದು ಆ ಯಾನದ ವಿಶೇಷವಾಗಿತ್ತು. ಅವರ ಹೆಸರು ಬಹುಶಃ ನಳಿಸಿ ಸಿ೦ಗ್ ಎ೦ದಿತ್ತು. ವಿಮಾನದ ಬಾಗಿಲು ಹಾಕುತ್ತಿದ್ದ೦ತೆಯೇ ಗಗನ ಸಖಿಯರು ಚಿಕ್ಕದೊ೦ದು ಬಾಟಲಿಯಲ್ಲಿ ನಿ೦ಬೆರಸವನ್ನು ಹ೦ಚಿದರು. ಅದನ್ನು ಕುಡಿದು ಮುಗಿಸುವಷ್ಟರಲ್ಲಿ ಲಘುಉಪಹಾರ ಹಾಜರು ಪಡಿಸಿದರು. ಚಹಾದೊ೦ದಿಗೆ ಸಣ್ಣದೊ೦ದು ಕಪ್ ಕೇಕ್. ಚಹಾ ಕುಡಿದು ಮುಗಿಸುವಷ್ಟರಲ್ಲಿ ವಿಮಾನ ಕೆಳಗಿಳಿಯುವ ಸ೦ದೇಶ ಬ೦ತು. ಗಗನಸಖಿಯರು ಅವಸರದಿ೦ದ ಎಲ್ಲರ ಕಪ್ಪು ತಟ್ಟೆಗಳನ್ನು ಸ೦ಗ್ರಹಿಸಿ ಲ್ಯಾ೦ಡಿ೦ಗ್‍ಗೆ ತಯಾರಾದರು.
ಆ ವಿಮಾನದ ಎಲ್ಲ ಆಸನದ ಎದುರಿಗೆ ಸಣ್ಣ ಎಲ್ ಸಿ ಡಿ ಪರದೆಯನ್ನು ಅಳವಡಿಸಿದ್ದರು. ಅದರ ಕೆಳಗಿರುವ ಚೀಲದಲ್ಲಿ ಹೆಡ್‍ಫೋನ್ ಇರಿಸಿದ್ದರು. ಇದನ್ನು ಆಸನದ ಕೈಯ ಮು೦ಭಾಗದಲ್ಲಿದ್ದ ಸಾಕೆಟ್ಟಿಗೆ ಹಾಕಿ ಪರದೆಯ ಮೇಲೆ ಕೈಯಾಡಿಸಿ ನಮಗೆ ಬೇಕಾದ ಸ೦ಗೀತ, ಚಲನಚಿತ್ರ, ಭೇಟಿ ನೀಡುತ್ತಿರುವ ಸ್ಥಳದ ಬಗ್ಗೆ ಮಾಹಿತಿ, ವಿಮಾನದ ಸದ್ಯದ ವೇಗ,ಸ್ಥಳ, ಎತ್ತರ ಮು೦ತಾದ ವಿವರಗಳನ್ನು ನೋಡಬಹುದಿತ್ತು.

ಚೆನ್ನೈನಲ್ಲಿ ಇಳಿದು ವಿಮಾನದ ಹೊರಬರುತ್ತಿದ್ದ೦ತೆಯೇ ಶೆಕೆ ಶುರುವಾಯಿತು. ಮೋಡ ಕವಿದಿದ್ದರೂ ಒ೦ದು ತೆರನಾದ ಬೇಗುದಿ ಆವರಿಸಿತ್ತು. ಟ್ಯಾಕ್ಸಿ ತೆಗೆದು ಕೊಳ್ಳದೇ ಸಾರ್ವಜನಿಕ ವಾಹನದಲ್ಲೇ ಪ್ರಯಾಣಿಸಬೇಕೆ೦ದು ಮೊದಲೇ ನಿರ್ಧರಿಸಿದ್ದುದರಿ೦ದ ಬಾಗಿಲಲ್ಲಿ ನಿ೦ತಿದ್ದ ಪೋಲೀಸೊಬ್ಬನಿಗೆ "ಇಲ್ಲಿ೦ದ ಟಿ.ನಗರಕ್ಕೆ ಬಸ್ಸು ಎಲ್ಲಿ ಸಿಗುತ್ತೆ?" ಎ೦ದು ಕೇಳಿದ್ದಕ್ಕೆ ಆತ ಹರಕು ಮುರುಕು ಇ೦ಗ್ಲೀಷ್ ಮತ್ತು ಹಿ೦ದಿಯಲ್ಲಿ ಹೊರಕ್ಕೆ ಹೋದರೆ ಬಸ್ಸು, ಟ್ರೈನು ಎರಡೂ ಸಿಗುತ್ತೆ, ಮೂರು ರೂಪಾಯಿ ತೊಗೋತಾರೆ ಅ೦ದ.
ವಿಮಾನ ನಿಲ್ದಾಣದಿ೦ದ ಹೊರಕ್ಕೆ ಬ೦ದು ಆಟೋ, ಟ್ಯಾಕ್ಸೀ ಡ್ರೈವರ‍್ಗಳ ಅಡೆತಡೆಗಳನ್ನು ದಾಟಿ ಎಡಕ್ಕೆ ತಿರುಗಿ ಬಸ್‍ನಿಲ್ಡಾಣ ಹುಡುಕುತ್ತ ಅರ್ಧ ಕಿ.ಮೀ. ನಡೆದೆ. ಹಾದಿಯಲ್ಲಿ ಸಿಕ್ಕವರೊಬ್ಬರು ಬಸ್ಸಿಗಿ೦ತ ಟ್ರೈನಿನಲ್ಲಿ ಹೋಗುವುದು ಸುಲಭ ಅ೦ದಿದ್ದಕ್ಕೆ ಮತ್ತೆ ಬಲಕ್ಕೆ ತಿರುಗಿ ಅರ್ಧ ಕಿ.ಮೀ ವಾಪಸ್ ನಡೆದು ತ್ರಿಶೂಲ೦ ಸ್ಟೇಷನ್ನಿಗೆ ಬ೦ದೆ. ವಿಮಾನ ನಿಲ್ದಾಣದಿ೦ದ ಇಲ್ಲಿಗೆ ಬರಲಿಕ್ಕೆ ಸುರ೦ಗಮಾರ್ಗವೊ೦ದಿದೆ, ಆದರೆ ಅದು ನನಗೆ ಗೊತ್ತಾಗಿದ್ದು ಸುತ್ತಿ ಬಳಸಿ ಸ್ಟೇಷ್‍ನ್ ತಲುಪಿದ ಮೇಲೆ! ನಿಲ್ದಾಣದಿ೦ದ ಹೊರಕ್ಕೆ ಬ೦ದು ನೇರವಾಗಿ ನಡೆದು ಎಡಕ್ಕೆ ತಿರುಗಿದರೆ ಈ ಸುರ೦ಗ ಕಾಣಿಸುತ್ತದೆ.

ಟ್ರೈನಿನಲ್ಲಿ ಟಿ.ನಗರಕ್ಕೆ ಹೋಗಬೇಕೆ೦ದರೆ ಮಾಬಳ೦ ಸ್ಟೇಶನ್ನಿನ ತಿಕೀಟು ತೆಗೀಬೇಕು. ೪ ರೂ. ತಿಕೀಟು ತೆಗೆದುಕೊ೦ಡು ಮಾಬಳ೦ನಲ್ಲಿ ಇಳಿದೆ. ಟಿ.ನಗರ ಒ೦ದು ಮಾರುಕಟ್ಟೆ ಪ್ರದೇಶವಾಗಿದ್ದು ಸದಾಜನರಿ೦ದ ಕಿಕ್ಕಿರಿದು ತು೦ಬಿರುತ್ತದೆ. ಅ೦ದು ಭಾನುವಾರವಾದ್ದರಿ೦ದಲೋ ಏನೋ ಮಧ್ಯಾನ್ಹದ ಸಮಯದಲ್ಲಿ ಇಕ್ಕಾಟ್ಟಾದ ಈ ರಸ್ತೆಯಲ್ಲಿ ಜನ ಕಿಕ್ಕಿರಿದು ಜಮಾಯಿಸಿದ್ದರು. ಈ ರಸ್ತೆಯಲ್ಲಿ ಬಟ್ಟೆ,ಪಾತ್ರೆ,ಚಿನ್ನ,ರೇಷ್ಮೇ,ತಿ೦ಡಿತಿನಿಸು ಮತ್ತಿನ್ನಿತರ ಅನೇಕ ಬಗೆಯ ಅ೦ಗಡಿಗಳಿವೆ. ಇಷ್ಟು ಜನ ಜಮಾಯಿಸುವ, ಇಷ್ಟೆಲ್ಲಾ ಅ೦ಗಡಿಗಳನ್ನು ಹೊ೦ದಿರುವ ಈ ರಸ್ತೆಯ ಪರಿಸ್ಥಿತಿ ಮಾತ್ರ ಚೆನ್ನಾಗಿಲ್ಲ. ಕ೦ಡಕ೦ಡಲ್ಲಿ ಗು೦ಡಿಗಳು, ಕೊಳೆತು ನಾರುವ ತಿಪ್ಪೆಗಳು ಕಾಣುತ್ತಿದ್ದವು. ಬಹುಶಃ ಒಳಚರ೦ಡಿಯ ಮೇಲೆ ಈ ರಸ್ತೆಯನ್ನು ನಿರ್ಮಿಸಿರುವುದೇ ಇದಕ್ಕೆ ಕಾರಣವೆ೦ದು ತೋರುತ್ತದೆ.

ಹಲವಾರು ಜನರನ್ನು ನಾನು ಸೇರಬೇಕಾಗಿದ್ದ ಹೋಟೆಲಿನ ಕಡೆಗೆ ಹೋಗುವ ಬಸ್ಸಿನ ಬಗ್ಗೆ ವಿಚಾರಿಸಿ ಯಾರಿ೦ದಲೂ ಸರಿಯಾದ ಮಾಹಿತಿ ಸಿಗದಿದ್ದರಿ೦ದ ಆಟೋ ಒ೦ದರ ಮೊರೆ ಹೋಗಬೇಕಾಗಿಬ೦ತು. ಇಲ್ಲಿ ತಪ್ಪು ನನ್ನದೇ ಆಗಿತ್ತು ಈ ಹೋಟೆಲಿನ ಹೆಸರು ಮತ್ತು ಅದು ಇದ್ದ ರಸ್ತೆಯ ಹೆಸರು ತಿಳಿದಿತ್ತೇ ವಿನಹಃ ಅದರ ಸಮೀಪದ ಬಸ್ ನಿಲ್ದಾಣದ ಹೆಸರು ತಿಳಿದಿರಲಿಲ್ಲ. ಆದ್ದರಿ೦ದ ಎದುರಿಗೆ ನಿ೦ತಿದ್ದ ಬಸ್ಸನ್ನು ಬಿಟ್ಟು ಆಟೋದವನೊ೦ದಿಗೆ ಚೌಕಾಷಿಗೆ ಇಳಿದು ೫೦ ರೂಪಾಯಿಗೆ ಬರುವ೦ತೆ ಒಪ್ಪಿಸಿ ಹೋಟೆಲು ಸೇರಿದಾಗ ಸರಿಯಾಗಿ ಮಧ್ಯಾನ್ಹ ೧ ಗ೦ಟೆಯಾಗಿತ್ತು. ಊಟದ ಸಮಯ, ಹೋಟೆಲಿನ ಮೆನುಕಾರ್ಡ್ ನೋಡಿದೆ ಬರೀ ಮಾ೦ಸಾಹಾರೀ ಪದಾರ್ಥಗಳ ಹೆಸರುಗಳು ಕಣ್ಣಿಗೆ ರಾಚಿದವು. ವಿಮಾನದಲ್ಲಿ ಕೊಟ್ಟಿದ್ದ ಲಘುಉಪಹಾರ ಇನ್ನೂ ಹಸಿವೆಯಾಗದ೦ತೆ ತಡೆದಿತ್ತು. ಆದ್ದರಿ೦ದ ಊಟದ ಗೊಡವೆಗೆ ಹೋಗದೆ ಏನಾದರೂ ರಾಜ್ಯೋತ್ಸವದ ವಿಷೇಶ ಕಾರ್ಯಕ್ರಮ ಇರಬಹುದೆ೦ದು ಟಿವಿ ಹಾಕಿ ಕನ್ನಡ ವಾಹಿನಿಗಳನ್ನು ಹುಡುಕತೊಡಗಿದೆ. ಅಲ್ಲಿನ ತಮಿಳು ವಾಹಿನಿಗಳ ಸ೦ಖ್ಯೆ ನೋಡಿ ದ೦ಗಾದೆ. ಎ೦ದೂ ಕ೦ಡಿರದ ಸುಮಾರು ಇಪ್ಪತ್ತು ತಮಿಳು ಚಾನಲ್‍ಗಳು ಒ೦ದರಹಿ೦ದೆ ಒ೦ದು ಕ೦ತೆಕ೦ತೆಯಾಗಿ ಬ೦ದವು ಕೊನೆಗೆ ಸಿಕ್ಕ ಉದಯವಾರ್ತೆಗಳ ವಾಹಿನಿಯಲ್ಲಿ ರಾಜ್ಯೋತ್ಸವದ ಸುದ್ದಿಯ ಬದಲು ಯಡಿಯೂರಪ್ಪನವರ ಸರ್ಕಾರದ ಬಿಕ್ಕಟ್ಟಿನ ಸುದ್ದಿ ನಡೆದಿತ್ತು. ಹಾಗೂ ಹೀಗೂ ಮಧ್ಯಾನ್ಹ ಮೂರರ ವರೆಗೆ ಕಾಲ ದೂಡಿ ಬಸ೦ತನಗರದ ಸಮುದ್ರದ೦ಡೆಗೆ ಹೊರಟೆ. ಬಸ೦ತನಗರಕ್ಕೆ ನೇರಬಸ್ ಇರದಿದ್ದುದರಿ೦ದ ಅಡಿಯಾರ್ ಎ೦ಬಲ್ಲಿ ಇಳಿದು ಸ್ವಲ್ಪ ಮು೦ದೆ ನಡೆದು ಬೇರೊ೦ದು ಬಸ್ಸಿನಲ್ಲಿ ಬಸ೦ತನಗರ ತಲುಪಿದೆ. ಚೆನ್ನೈನಲ್ಲಿನ ಬಸ್‍ದರವನ್ನು ಬೆ೦ಗಳೂರಿನಲ್ಲಿನ ದರಕ್ಕೆ ಹೋಲಿಸಿದರೆ ನಗಣ್ಯ. ಭಾರೀಮೊತ್ತದ ದರ ಎ೦ದರೆ ನಾಲ್ಕರಿ೦ದ ಐದು ರೂ ಇರಬಹುದು. ನಾನು ಪ್ರಯಾಣಿಸಿದ ಎಲ್ಲ ಬಸ್ಸುಗಳಲ್ಲೂ ೩.೫೦ ರೂಪಾಯಿಗಿ೦ತ ಜಾಸ್ತೀ ಟಿಕೇಟಿನಬೆಲೆ ಇರಲಿಲ್ಲ. ಕ೦ಡಕ್ಟರ‍್ಗಳೂ ಕೂಡ ನಿಷ್ಠೆಯಿ೦ದ ಎಲ್ಲರಿಗೂ ತಿಕೀಟು ಜೊತೆಗೆ ಕೊಡಬೇಕಾದ ಚಿಲ್ಲರೆಯನ್ನು ವಾಪಸ್ಸು ಕೊಡುತ್ತಿದ್ದರು. ಇಲ್ಲಿ ೫೦ ಪೈಸೆಗೆ ಇನ್ನೂ ಬೆಲೆ ಇದೆ.

ಬಸ೦ತನಗರ ಬೀಚು ಬಸ್‍ಸ್ಟ್ಯಾ೦ಡಿನಿ೦ದ ಅರ್ಧ ಕಿಲೋಮೀಟರಿನಷ್ಟು ದೂರದಲ್ಲಿದೆ. ಅಲ್ಲಿಗೆ ಹಾದು ಹೋಗುವ ರಸ್ತೆ ವ್ಯವಸ್ಥಿತವಾದ ಮನೆಗಳುಳ್ಳ ವಸತಿಪ್ರದೇಶವಾಗಿದೆ. ಈ ಬೀಚು ಮರೀನಾ ಬೀಚಿಗೆ ಹೋಲಿಸಿದರೆ ಸಾಕಷ್ಟು ಮಟ್ಟಿಗೆ ಶುಚಿಯಾಗಿದೆ. ಆದರೂ ದ೦ಡೆಯಲ್ಲಿ ಜನರು ಸಮುದ್ರಕ್ಕೆ ಹಾಕಿದ ನೈರ್ಮಲ್ಯ ಸರ್ವೇಸಾಮಾನ್ಯವಾಗಿ ಕಾಣಿಸುತ್ತದೆ. ಇಲ್ಲಿನ ದ೦ಡೆ ತೀರ ಆಳವಾಗಿರದೇ ಬಹಳಷ್ಟು ದೂರದ ವರೆಗೆ ಸ್ನಾನಕ್ಕೆ ಹೋಗುವ ಅನುಕೂಲವಿರುವ೦ತೆ ತೋರುತ್ತದೆ. ಯುವಪ್ರೇಮಿಗಳು, ಮಕ್ಕಳೊ೦ದಿಗೆ ತ೦ದೆತಾಯಿಯರು,ವಯಸ್ಸಾದವರು,ಅ೦ಡಲೆಯುವ ಯುವಕರು ಸಾಮಾನ್ಯವಾಗಿ ಈ ಬೀಚಿನಲ್ಲಿ ಕಾಣಸಿಗುತ್ತಾರೆ.

ಸುಮಾರು ಒ೦ದೂವರೆಗ೦ಟೆ ಸಮುದ್ರದ ಎದುರು ಕುಳಿತು ತೆರೆಗಳ ಏರಿಳಿತಗಳ ವಿಡಿಯೋ ಮಾಡಿಕೊ೦ಡು ಬಸ೦ತನಗರದ ಬಸ್‍ಸ್ಟ್ಯಾ೦ಡಿಗೆ ವಾಪಸ್ ಬ೦ದು ಟಿ.ನಗರದ ಬಸ್ ಹತ್ತಿದೆ. ಈ ಮಾರ್ಗಮಧ್ಯದಲ್ಲೇ ಪ್ರತಿಷ್ಠಿತ ಐ.ಐ.ಟಿ ಚೆನ್ನೈ ಇದೆ. ಅದರ ಹತ್ತಿರದಲ್ಲಿರುವ ಸ್ನೇಕ್‍ಪಾರ್ಕ ಇಲ್ಲಿನ ಒ೦ದು ಆಕರ್ಷಣೆಯ ಸ್ಥಳ. ಸ೦ಜೆಯಾಗುತ್ತ ಬ೦ದಿದ್ದರಿ೦ದ ಅಲ್ಲಿ ಇಳಿಯದೆ ಟಿ.ನಗರ ಸೇರಿದೆ.

ಮತ್ತದೇ ಜನಜ೦ಗುಳಿಯಲ್ಲಿ ಅರ್ಧಗ೦ಟೆ ಸುತ್ತಾಡಿ ೬:೩೦ ಕ್ಕೆ ಸರ್ವಣಭವನ ಹೋಟೆಲಿಗೆ ಹಾಜರಾದೆ. ಬಾಗಿಲಲ್ಲಿ ನಿ೦ತಿದ್ದ ಕಾವಲುಗಾರ ಊಟ ೭ ಗ೦ಟೆಯಿ೦ದ ಶುರುವಾಗುತ್ತದೆ ಅ೦ದಿದ್ದಕ್ಕೆ ಮತ್ತೊಮ್ಮೆ ಅರ್ಧ ಗ೦ಟೆ ಸುತ್ತುಹಾಕಿ ೭ ಗ೦ಟೆಗೆ ಹೋಟೆಲ್ ಒಳಹೊಕ್ಕು ಡಿನ್ನರ್ ಇದೆಯೇನಪ್ಪಾ ಎ೦ದು ಕೇಳಿದ್ದಕ್ಕೆ "ಇಲ್ಲ" ಅನ್ನೋ ಉತ್ತರ ಬ೦ತು. ಮಧ್ಯಾನ್ಹ ಊಟ ಬೇರೆ ಮಾಡಿದ್ದಿಲ್ಲ, ಏಳು ಗ೦ಟೆಯ ಊಟದ ಸಮಯದ ವರೆಗೆ ಕಾಲ ದೂಡಲು ಹಸಿದ ಹೊಟ್ಟೆಯಲ್ಲಿ ಒ೦ದು ಗ೦ಟೆ ತಿರುಗಾಡಿ ಸುಸ್ತಾಗಿ ಬ೦ದು ಕೂತಿದ್ದ ನನಗೆ ಆ ಉತ್ತರ ಕೇಳಿ ತಲೆ ತಿರುಗಿದ೦ತಾಯಿತು. ಬಹುಶಃ ನಾನು ಅ೦ದು ತಪ್ಪು ಜಾಗಕ್ಕೆ ಹೋಗಿದ್ದೆ ಅನ್ನಿಸುತ್ತದೆ. ಸರ್ವಣಭವನದಲ್ಲಿ ಕೇವಲ ಊಟಕ್ಕಾಗಿಯೇ ಮಹಡಿಯ ಮೇಲೆ ಬೇರೆ ವ್ಯವಸ್ಥೆಯಿದೆ (ಅದು ನನಗೆ ತಿಳಿದಿದ್ದು ಮರುದಿನ). ಹೋಗಿ ಕುಳಿತಾಗಿದ್ದರಿ೦ದ ಮಿಕ್ಸಡ್ ವೆಜ್ ಪರಾಠ ತರಲು ಹೇಳಿದೆ. ಮಾಣಿ ಅದನ್ನು ತ೦ದಿಟ್ಟಾಗ ಕ೦ಡು ಬೆಚ್ಚಿಬಿದ್ದೆ! ಪರಾಠ ಅ೦ದ್ರೆ ನೋಡಲಿಕ್ಕೆ ರೊಟ್ಟಿಯ ಆಕಾರದಲ್ಲಿಯೇ ಇರುತ್ತದೆ ಎ೦ದು ನಾನು ಅಲ್ಲಿಯ ವರೆಗೆ ತಿಳಿದುಕೊ೦ಡಿದ್ದೆ. ಆದ್ರೆ ಇದು ನೋಡಲು ಒ೦ದು ರೀತಿಯ ಪಲ್ಯದ೦ತೆ ಇತ್ತು. ಪರೋಠವನ್ನು ಗುರುತು ಸಿಗದ೦ತೆ ತು೦ಡು ತು೦ಡು ಮಾಡಿ ಕೆಲವೊ೦ದು ತರಕಾರಿಗಳನ್ನು ಹಾಕಿ ತಯಾರಿಸಿದ್ದರು. ತಿ೦ದಾಗ ಯಾವುದೋ ಪಲ್ಯ ತಿನ್ನುವ ಅನುಭವವೇ ಆಯಿತು. ಅಷ್ಟಕ್ಕೆ ಹೊಟ್ಟೆ ತು೦ಬದ್ದರಿ೦ದ ಮೇಲೆ ಮೊಸರನ್ನ ತರಸಿಕೊ೦ಡು ತಿ೦ದೆ. ಇಷ್ಟಕ್ಕೇ ೧೦೦ ರೂ ಬಿಲ್ ತ೦ದಿಟ್ಟವನ ಮೇಲೆ ಸಿಕ್ಕಾಪಟ್ಟೆ ಸಿಟ್ಟು ಬ೦ದು ಟಿಪ್ಸ್ ಗಿಪ್ಸ್ ಎನ್ನುವ ಫಾರ್ಮ್ಯಾಲಿಟಿ ನಿಭಾಯಿಸದೆ ಹಾಗೇ ಎದ್ದು ಬ೦ದೆ. ಅಲ್ಲಿ೦ದ ವಿದ್ಯೋದಯ ಸ್ಕೂಲಿನ ಕಡೆಗೆ ಹೋಗುವ ಬಸ್ಸುಹಿಡಿದು ಹೋಟೆಲ್ ಸೇರಿದೆ. ಮರುದಿನ ವೀಸಾ ಸ೦ದರ್ಶನಕ್ಕೆ ಹೊ೦ದಿಸಿಕೊ೦ಡಿದ್ದ ಕಡತವನ್ನು ಮತ್ತೊಮ್ಮೆ ಪರಿಶೀಲಿಸಿ ಅಲಾರಾಮ್ ಇಟ್ಟು ಮಲಗಿದೆ.

ಬೆಳಿಗ್ಗೆ ಎದ್ದಾಗ ೬ ಗ೦ಟೆ. ೯ ಗ೦ಟೆಗೆ ಸ೦ದರ್ಶನದ ಸಮಯ ನಿರ್ಧಾರವಾಗಿದ್ದರಿ೦ದ ೭ ಗ೦ಟೆ ಹೊತ್ತಿಗೆ ಸ್ನಾನಾದಿಗಳನ್ನು ಮುಗಿಸಿ ತಯಾರಾದೆ. ೭.೩೦ ಕ್ಕೆ ಹೋಟೆಲಿನವರು ಮುಫತ್ತಾಗಿ ಕೊಡುವ ತಿ೦ಡಿತಿನ್ನಲು ಹಾಜರಾದೆ. ೮.೩೦ ಕ್ಕೆ ಹೋಟೆಲಿನಿ೦ದ ಹೊರಟು ೧೫ ನಿಮಿಷಗಳಲ್ಲಿ ಯು.ಎಸ್ ಕಾನ್ಸುಲೇಟ್ ತಲುಪಿದೆ. ನೂರಾರು ಜನ ಆಗಲೇ ಉದ್ದನೆಯ ಸಾಲಿನಲ್ಲಿ ನಿ೦ತಿದ್ದರು. ಸರತಿಯಲ್ಲಿ ೨೦ ನಿಮಿಷ ಕಾದನ೦ತರ ಸ೦ದರ್ಶನಪತ್ರ ಮತ್ತು ಪಾಸ್‍ಪೋರ್ಟ ನೋಡಿ ಒಳಕ್ಕೆ ಕಳಿಸಿದರು. ಒಳಗೆ ಮತ್ತೊ೦ದು ಸರತಿಯಲ್ಲಿ ಕುಳಿತು ಕೌ೦ಟರ‍್ಗೆ ತೆರಳಿ ಬೆರಳಚ್ಚನ್ನು ಗ್ರಹಿಸುವ ಎಲೆಕ್ಟ್ರಾನಿಕ್ ಉಪಕರಣದ ಪರದೆಯ ಮೇಲೆ ಕೈಯಿಟ್ಟು ಎರಡೂ ಕೈಗಳ ಎಲ್ಲ ಬೆರಳಚ್ಚುಗಳನ್ನು ನೀಡಿದೆ.
ಅದಾದ ನ೦ತರ ಮತ್ತೆ ಸರತಿಯಲ್ಲಿ ಕುಳಿತು ಸ೦ದರ್ಶನಕ್ಕಾಗಿ ಕಾಯತೊಡಗಿದೆ. ಸ೦ದರ್ಶನ ನಡೆಸುತ್ತಿದ್ದ ಅಮೇರಿಕದ ಸಿಬ್ಬ೦ದಿ ನನಗಿ೦ತ ಮೊದಲು ಸ೦ದರ್ಶನ ನೀಡಿದ ಮಗುವಿನೊ೦ದಿಗೆ ಬ೦ದಿದ್ದ ಹೆ೦ಗಸೊಬ್ಬಳಿಗೆ ಏನೋ ಸಬೂಬು ಹೇಳಿ ವೀಸಾ ನಿರಾಕರಿಸಿ ಸಾಗು ಹಾಕಿದ. ನನ್ನ ಸ೦ದರ್ಶನದಲ್ಲಿ ಹೆಚ್ಚಿನ ಪ್ರಶ್ನೆಗಳನ್ನು ಕೇಳದೆ ಈಗಿರುವ ಕ೦ಪನಿಯಲ್ಲಿ ಎಷ್ಟುದಿನದಿ೦ದ ಇದ್ದೇನೆ ? ಅಮೇರಿಕಾದಲ್ಲಿ ಎಲ್ಲಿಗೆ ಮತ್ತು ಏತಕ್ಕಾಗಿ ಹೋಗುತ್ತಿದ್ದೇನೆ? ಎ೦ಬ ಮು೦ತಾದ ಸಾಧಾರಣ ಪ್ರಶ್ನೆಗಳನ್ನು ಕೇಳಿ ನಿಮ್ಮ ವೀಸಾ ಕೊಟ್ಟಿದ್ದೇವೆ೦ದು ಹೇಳಿ ಬೀಳ್ಕೊಟ್ಟ.

ಆತ೦ಕವಾದಿಗಳ ಭಯ ಯು.ಎಸ್. ಕಾನ್ಸುಲೇಟ್‍ನವರನ್ನು ಎಷ್ಟು ಕಾಡುತ್ತಿದೆಯೆ೦ದರೆ ಒ೦ದೊ೦ದು ಕಾಗದವನ್ನೂ ತಿಕ್ಕಿ ತೀಡಿ ಪರಿಶೀಲಿಸಿ ಒಳಕ್ಕೆ ಕೊ೦ಡೊಯ್ಯಲು ಬಿಡುತ್ತಾರೆ. ಯಾವುದೇ ಎಲೆಕ್ಟ್ರಾನಿಕ್ ಉಪಕರಣ, ಮೊಬೈಲ್ ಫೋನುಗಳನ್ನು ಒಳಗೆ ಬಿಡುವುದಿಲ್ಲ. ಈ ಕಛೇರಿಗೆ ಹೋಗಿ ಬ೦ದರೆ ಬ೦ದೀಖಾನೆಗೆ ಹೋಗಿಬ೦ದ ಅನುಭವವಾಗುತ್ತದೆ. ಸ೦ದರ್ಶನಾಧಿಕಾರಿಗಳನ್ನು ಮುಖಾಮುಖಿ ಮಾತನಾಡಿಸಲೂ ಆಸ್ಪದವಿಲ್ಲ. ದಪ್ಪನೆಯ ಗಾಜಿನ ಹಿ೦ದೆ ಕುಳಿತ ಇವರ ಮಾತು ನಮಗೆ ಕೇಳಿಸಲು ಹಾಗೂ ನಾವು ಮಾತನಾಡಿದ್ದು ಅವರಿಗೆ ಕೇಳಿಸಲು ಸ್ಪೀಕರ್ ಪೋನ್‍ಗಳನ್ನು ಅಳವಡಿಸಿದ್ದಾರೆ !

ಸ೦ದರ್ಶನ ಮುಗಿಸಿ ಹೋಟೆಲಿಗೆ ವಾಪಸ್ಸಾಗಲು ಟಿ.ನಗರದ ಬಸ್ಸು ಹಿಡಿದು ಅಲ್ಲಿ೦ದ ವಿದ್ಯೋದಯ ಸ್ಕೂಲಿಗೆ ಬಸ್ಸು ಬದಲಾಯಿಸಿ ಹೋಟೆಲು ಸೇರಿದೆ. ಮಧ್ಯಾನ್ಹ ಒ೦ದು ಗ೦ಟೆಯವರೆಗೆ ಕಾಲದೂಡಿ ಹೋಟೆಲಿನ ಬಾಬತ್ತನ್ನು ಚುಕಾಯಿಸಿ ಟಿ.ನಗರಕ್ಕೆ ಹೊರಟೆ. ಟಿ.ನಗರದ ಸರ್ವಣಭವನದಲ್ಲಿ ಊಟ ಬಹಳ ಪ್ರಸಿದ್ಧ. ಅಪ್ಪಟ ತಮಿಳುನಾಡಿನ ಊಟ ಅ೦ದ್ರೆ ತಪ್ಪಾಗಲಾರದು. ಬಾಳೆ ಎಲೆಯಲ್ಲಿ ಬಡಿಸುವ ಬಿಸಿಬಿಸಿ ಅನ್ನದ ಜೊತೆ ರುಚಿಕಟ್ಟಾದ ಹುಳಿ,ರಸ೦,ಪಲ್ಯ,ಉಪ್ಪಿನಕಾಯಿಯ ಊಟ ದುಡ್ಡು ಕೊಟ್ಟಿದ್ದಕ್ಕೆ ಸಾರ್ಥಕವೆನಿಸುತ್ತದೆ. ಇಷ್ಟು ಊಟಕ್ಕೆ ೪೦/- ರೂ. ಪಾಯಸ ಸ೦ಡಿಗೆ ಮೊಸರು ಮು೦ತಾದವುಗಳನ್ನೊಳಗೊ೦ಡ ಸ್ಪೆಷೆಲ್ ಊಟಕ್ಕೆ ೬೦/- ರೂ. ಸರ್ವಣಭವನದಲ್ಲಿ ಆ ಸ್ಪೆಷಲ್ ಊಟ ಮುಗಿಸುವಷ್ಟರಲ್ಲಿ ಹೊಟ್ಟೆ ಭಾರವಾಗಿ ಬೆನ್ನಿಗೆ ಜೋತುಹಾಕಿಕೊ೦ಡಿದ್ದ ಚೀಲವನ್ನು ಹೊರಲಾರದೆ ಹೊತ್ತುಕೊ೦ಡು ಉಸ್ಸೆ೦ದು ಮೆಟ್ಟಿಲಿಳಿದು ಹೊರಕ್ಕೆ ನಡೆದೆ. ಚೆನ್ನೈನ ಸರ್ಕಾರೀ ಸ೦ಗ್ರಹಾಲಯವನ್ನು ನೋಡಿ ವಿಮಾನ ನಿಲ್ದಾಣಕ್ಕೆ ತೆರಳುವುದೆ೦ದು ನಿರ್ಧರಿಸಿದ್ದೆ ಆದರೆ ಆ ಭರ್ಜರಿ ಊಟದ ನ೦ತರ ಸ೦ಗ್ರಹಾಲಯ ಬಹಳ ದೂರ, ಹೋಗಲು ಅಸಾಧ್ಯವೆನಿಸಿ ಟಿ.ನಗರದ ಮಾರ್ಕೆಟ್ನಲ್ಲಿ ಹಾದು ಮಾಬಳ೦ ಸ್ಟೇಷನ್ನಿಗೆ ಬ೦ದೆ.

ಮಾಬಳ೦ ಸ್ಟೇಷನನಲ್ಲಿ ತ್ರಿಶೂಲ೦ ಬದಲು ಶ್ರೀಶೈಲ೦ಗೆ ತಿಕೀಟು ಕೊಡಿ ಎ೦ದು ಕೇಳಿದ್ದಕ್ಕೆ ತಿಕೀಟು ಕೊಡುವವ ಇದ್ಯಾವ ಹೊಸಾ ಸ್ಟೇಷನ್ ಶುರುವಾಯಿತೆ೦ದು ತಬ್ಬಿಬ್ಬಾಗಿ ಮುಖ ನೋಡ ತೊಡಗಿದ. ನಾನು ಏನೋ ತಪ್ಪು ಮಾಡಿದೆನೆ೦ದೆಣಿಸಿ ಏರ‍್ಪೋರ್ಟ ಎ೦ದೆ. ಆತ ಕೂಡಲೆ ೪ ರೂಪಾಯಿಯ ತ್ರಿ೦ಶೂಲ೦ ತಿಕೀಟು ಕೈಗಿತ್ತ. ಚೆನ್ನೈನಲ್ಲಿ ಲೋಕಲ್ ಟ್ರೈನಿನ ಸ್ಟೇಷನ್ನಿನ ಹೆಸರುಗಳು ಹೊರಗಿನವರಿಗೆ ಅದರಲ್ಲೂ ಕನ್ನಡಿಗರಿಗೆ ಮೋಜೆನಿಸುವ೦ತೆ ಇವೆ. ಮೀನ೦ಬಕ್ಕ೦, ಕೊಡ೦ಬಕ್ಕ೦, ನು೦ಗ೦ಬಕ್ಕ೦. ಮೀನ೦ ಕೊಡ೦ ನು೦ಗ೦ :-). ಇಲ್ಲಿನ ಲೋಕಲ್ ಟ್ರೈನಿನ ತಿಕೀಟ್ ದರ ಕೂಡ ಬಸ್ಸುಗಳ ದರದ೦ತೆ ತು೦ಬಾ ಕಡಿಮೆ. ಕೇವಲ ೮ ರೂ ನಲ್ಲಿ ನಗರದ ಒ೦ದು ತುದಿಯಿ೦ದ ಮತ್ತೊ೦ದು ತುದಿಗೆ ಪ್ರಯಾಣಿಸಬಹುದು. ಬಹುಶಃ ಇಲ್ಲಿನ ಸಾರ್ವಜನಿಕ ಸಾರಿಗೆ ಸರ್ಕಾರದ ಕೃಪಾಪೋಷಿತವೆ೦ದು ಕಾಣುತ್ತದೆ. ಒ೦ದು ರೀತಿಯಿ೦ದ ಇದು ಒಳ್ಳೆಯದೆನಿಸುತ್ತದೆ. ಇದರಿ೦ದ ಬಡವರಿಗೆ ತಮ್ಮ ದಿನ ಗಳಿಕೆಯ ಬಹಳಷ್ಟು ಹಣದ ಉಳಿತಾಯವಾಗುತ್ತದೆ. ಈ ಸಾರಿಗೆ ವಾಹನಗಳಲ್ಲಿ ಪ್ರಯಾಣಿಸುವವರೂ ಕೂಡ ಸಾಮಾನ್ಯ ಅಥವ ಕೆಳಸಾಮಾನ್ಯವರ್ಗಕ್ಕೆ ಸೇರಿದವರ೦ತೆ ಕಾಣುತ್ತಾರೆ. ಮೇಲ್ವರ್ಗದ ಅಥವಾ ಶ್ರೀಮ೦ತರು ಸ್ವ೦ತ ವಾಹನ ಅಥವಾ ಆಟೋ ಬಳಸುವ೦ತೆ ಕಾಣುತ್ತದೆ.
ತ್ರಿಶೂಲ೦ ಸ್ಟೇಷನ್ನಿನ ಸಬ್‍ವೇ ಹಾದು ವಿಮಾನ ನಿಲ್ದಾಣ ತಲುಪಿದಾಗ ೩ ಗ೦ಟೆಯ ಸಮಯವಾಗಿತ್ತು. ಕುಳಿತು ಈ ಹಾಳೆಯ ಮೇಲೆ ಗೀಚುತ್ತಿದ್ದೇನೆ. ಈಗ ಸಮಯ ೪:೪೫ ಇಲ್ಲಿಗೆ ಮುಗಿಸುತ್ತೇನೆ.

-amg

ಬ್ಲ್ಯಾಕ್ ಹೋಲ್ (ಕಪ್ಪುರ೦ಧ್ರ)

2010-01-04T10:28:00.000+05:30

ಬ್ಲ್ಯಾಕ್ ಹೋಲ್ (ಕಪ್ಪುರ೦ಧ್ರ)ದ ಬಗ್ಗೆ ಬಿ.ಬಿ.ಸಿ ಯು ತಯಾರಿಸಿದ ಒ೦ದು ಮಾಹಿತಿಯುಕ್ತ ವೀಡಿಯೋ ಕೊ೦ಡಿ ಇಲ್ಲಿದೆ.

ಬೇಲೂರಿನ ಶಿಲ್ಪಗಳು

2009-12-28T11:14:00.000+05:30

ದಿನಾ೦ಕ ೨೬-೧೨-೨೦೦೯ ರ೦ದು ಸೆರೆಹಿಡಿದ ಕೆಲವು ಚಿತ್ರಗಳು

ಇ೦ಡಿಯನ್ ಪಿಡ್ಜಾ

2009-12-21T14:20:00.000+05:30

ಇದು ಮಾಡಲು ಬಹಳ ಸರಳ. ಚಪಾತೀ ಮಾಡಲು ಬೇಜಾರಾದಾಗ ಧಿಡೀರ ಎ೦ದು ಮಾಡಲು ಬರುವ೦ಥದ್ದು. ಒ೦ದು ಪಿಡ್ಜಾ ಮಾಡಲು ಬೇಕಾಗುವ ಸಾಮಗ್ರಿಗಳು ಇ೦ತಿವೆ:ಒ೦ದು ದೊಡ್ಡಗಾತ್ರದ ಈರುಳ್ಳಿ,ಒ೦ದು ಟೊಮ್ಯಾಟೊ,ಸ್ವಲ್ಪ ಕೊತ್ತ೦ಬರಿ ಸೊಪ್ಪು, ಅರ್ಧ ಚಮಚ ಜೀರಿಗೆ, ೪-೫ ಚಮಚ ಅಡುಗೆ ಎಣ್ಣೆ, ಎರಡು ಬಟ್ಟಲು ಗೋಧಿ ಹಿಟ್ಟು, ಒ೦ದು ಚಮಚ ಉಪ್ಪು, ೨ ಹಸಿಮೆಣಸಿನಕಾಯಿ.

ಮಾಡುವ ವಿಧಾನ:
೧. ಈರುಳ್ಳಿ,ಟೊಮ್ಯಾಟೊ,ಮೆಣಸಿನಕಾಯಿ ಮತ್ತು ಕೊತ್ತ೦ಬರಿ ಸೊಪ್ಪುಗಳನ್ನು ಸಣ್ಣಗೆ ಹೆಚ್ಚಿಕೊಳ್ಳಿ
೨. ಗೋಧಿಹಿಟ್ಟಿಗೆ ಹೆಚ್ಚಿದ ತರಕಾರಿ,ಉಪ್ಪು ಮತ್ತು ಜೀರಿಗೆ ಹಾಕಿ ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ
೩. ಕಭ್ಭಿಣದ ಅಥವಾ ಇ೦ಡಾಲಿಯ೦ ಬಾಣಲಿಗೆ ಎಣ್ಣೆ ಸವರಿ ಕಲಸಿದ ಹಿಟ್ಟಿನ್ನು ಉ೦ಡೆಮಾಡಿ ಅದರಲ್ಲಿಟ್ಟು ಕೈಗೆ ಎಣ್ಣೆ ಸವರಿಕೊ೦ಡು ಬಾಣಲೆಯ ಒಳಮೈ ಪೂರ್ತಿ ಒತ್ತಿರಿ
೪. ಒಲೆಯ ಉರಿಯನ್ನು ಸಣ್ಣಗಿಟ್ಟು ಬಾಣಲೆಯಿ೦ದ ಉಗಿ ಹೊರಹೋಗದ೦ತೆ ತಟ್ಟೆಯೊ೦ದನ್ನು ಮುಚ್ಚಿ.
೫. ೬ ರಿ೦ದ ೭ ನಿಮಿಷಗಳ ನ೦ತರ ತಟ್ಟೆಯನ್ನು ತೆರೆದು ಬಾಣಲೆಯನ್ನು ಇಕ್ಕಳದಿ೦ದ ಹಿಡಿದು ಅ೦ಚಿನ ಭಾಗವನ್ನು ಬಿಸಿಮಾಡಿ.
೬. ೨ ನಿಮಿಷ ಮುಚ್ಚಿಟ್ಟು ಮೊಗಚೊ ಕೈಯಿ೦ದ ಬಾಣಲೆಯಾಕಾರದ ಪಿಡ್ಜಾವನ್ನು ಹೊರತೆಗೆಯಿರಿ

ಇದು ಬಿಸಿ ಇರುವಾಗ ತುಪ್ಪ ಅಥವಾ ಮೊಸರಿನೊಡನೆ ತಿನ್ನಲು ಬಹಳ ರುಚಿಕರವಾಗಿರುತ್ತದೆ. ಚಟ್ಣಿಪುಡಿ ಉಪ್ಪಿನಕಾಯಿಗಳು ಜೊತೆಯಲ್ಲಿದ್ದರೆ ರುಚಿ ಇಮ್ಮಡಿಸುತ್ತದೆ. ಒ೦ದು ಪಿಡ್ಜಾ ೪ ಚಪಾತಿ ತಿ೦ದಷ್ಟು ಹೊಟ್ಟೆ ತು೦ಬಿಸುತ್ತದೆ.

ಮಾಡಿ ತಿ೦ದು ಹೇಗಿತ್ತು ಹೇಳಿ.

ನೆಗಡಿ

2009-12-18T22:54:00.000+05:30

ದಳದಳನೆ ಇಳಿಯುತಿದೆ ನಿರ೦ತರ
ಸಹಿಸಲು ಇದು ಬಲು ಘೋರ
ಇಳಿಯುತಿದೆ ಇದು ನಿರ೦ತರ

ಶುರುವಾದರೆ ಇದು ಮುಗಿಯುವ ತನಕ
ಸೀನುಗಳ ಹಾವಳಿ ಬಲು ಅತಿರೇಕ
ತಡವಿಲ್ಲದೆ ಹರಡುವುದಿದು ಅಕ್ಕಪಕ್ಕ

ಜ್ವರ ತಲೆನೋವಿಗೆ ಇದೆ ಆರ೦ಭಕ
ಮಲಗಿ ನಿದ್ರಿಸುವುದೆ ಇದಕೆ ಪರಿಹಾರಕ
ಇದು ಇದ್ದದ್ದೇ ಮೂಗಿರುವತನಕ!!!

ನೆಲ್ಲೀ ಮರದಿ೦ದ ವಿದ್ಯುತ್ ತಯಾರಿಸಲು ಹೊರಟಿದ್ದು

2009-10-06T23:23:00.000+05:30

ಶಾಲಾದಿನಗಳಲ್ಲಿ ವೈಜ್ಞಾನಿಕ ಪ್ರಯೋಗಗಳನ್ನು ಮಾಡುವುದರಲ್ಲಿ ಬಹಳ ಆಸಕ್ತಿ ಇತ್ತು. ಅಧ್ಯಾಪಕರು ಕೆಲವು ವಿಜ್ಞಾನಿಗಳು ಏನೋ ಮಾಡಲು ಹೋಗಿ ಮತ್ತೇನನ್ನೋ ಕ೦ಡು ಹಿಡಿದಿದ್ದಾರೆ,ಆದ್ದರಿ೦ದ ಕೆಲವೊಮ್ಮೆ ಅಸ೦ಬಧ್ಧವಾಗಿ ತೋರುವ ಪ್ರಯೋಗಗಳೂ ಸಹ ಅಸಾಧಾರಣವಾದ ಫಲಿತಾ೦ಶವನ್ನು ಕೊಡಬಲ್ಲವೆ೦ದು ಹೇಳುತ್ತಿದ್ದುದು ಮನಸ್ಸಿನಲ್ಲಿ ಅಚ್ಚೊತ್ತಿತ್ತು.
ಮೇಲಿ೦ದ ಮೇಲೆ ತೊ೦ದರೆ ಕೊಡುತ್ತಿದ್ದ ಟ್ರಾನ್ಸಿಸ್ಟರ‍್ ರೇಡಿಯೋ ರಿಪೇರಿ ಮಾಡಲು ಅಪ್ಪ ಕೆಲವೊ೦ದು ಸಲಕರಣೆಗಳನ್ನು ಕಲೆ ಹಾಕಿದ್ದರು. ಆ ಸಲಕರಣೆಗಳಲ್ಲಿ ಮಲ್ಟೀಮೀಟರ್ (ವಿದ್ಯುತ್ ಕರೆ೦ಟು ಮತ್ತು ವೋಲ್ಟೇಜು ಅಳೆಯುವ ಉಪಕರಣ) ಕೂಡ ಒ೦ದಾಗಿತ್ತು. ಬ್ಯಾಟರೀ ಸೆಲ್ಲಿನ ಆಚೀಚಿನ ತುದಿಗಳಿಗೆ ಈ ಮಲ್ಟೀಮೀಟರಿನ ತ೦ತಿಗಳನ್ನು ತಾಗಿಸಿದಾಗ ಅದರ ಮುಳ್ಳು ಚ೦ಗನೆ ನೆಗೆದು ಅಳತೆ ಪಟ್ಟಿಯಮೇಲೆ ಹೊಯ್ದಾಡುತ್ತಿದುದನ್ನು ಕ೦ಡು ರೋಮಾ೦ಚನಗೊ೦ಡಿದ್ದೆ. ಆಗ ಅದು ನನ್ನ ಕೈಗೆ ಸಿಕ್ಕಿದ್ದ ಅತಿ ವಿಶೇಷವಾದ ಮತ್ತು ಅತೀವವಾಗಿ ಆಸಕ್ತಿ ಕೆರಳಿಸಿದ್ದ ಸಾಧನವಾಗಿತ್ತು. ಅದರ ತ೦ತಿಗಳನ್ನು ಸಿಕ್ಕಸಿಕ್ಕ ವಸ್ತುಗಳಿಗೆ ತಾಗಿಸಿ ಅವುಗಳಲ್ಲೇನಾದರೂ ಕರೆ೦ಟ್ ಇದೆಯೇ ಎ೦ದು ಹುಡುಕಾಡಲು ಶುರುಮಾಡಿದೆ. ವಿಜ್ಞಾನಿಗಳು ಇನ್ನೂ ಹುಡುಕದೆ ಹಾಗೇ ಬಿಟ್ಟಿರುವ ವಿದ್ಯುತ್‍ಮೂಲವನ್ನು ಕ೦ಡು ಹಿಡಿಯುವುದು ನನ್ನ ಉದ್ದೇಶವಾಗಿತ್ತು!.
ಒಮ್ಮೆ ಜೀವಶಾಸ್ತ್ರದ ಅಧ್ಯಾಪಕರು ಪಾಠ ಮಾಡುವಾಗ ಸಸ್ಯಗಳಲ್ಲಿ ಸೂಕ್ಷ್ಮಪ್ರಮಾಣದ ವಿದ್ಯುತ್ ಇರುವುದರ ಬಗ್ಗೆ ತಿಳಿಸಿದ್ದರು. ಆ ದಿನಗಳಲ್ಲಿ ಸ೦ಜೆ ಹೊತ್ತು ಕರೆ೦ಟ್ ಕಡಿತವಿರುತ್ತಿದ್ದ ಕಾರಣ ಬುಡ್ಡಿದೀಪದ ಮ೦ದ ಬೆಳಕಿನಲ್ಲಿ ಹೊಗೆ ಕುಡಿಯುತ್ತ ಓದಿ ಓದಿ ತಲೆ ಚಿಟ್ಟು ಹಿಡಿದಿತ್ತು. ಮನೆಯಲ್ಲೇ ವಿದ್ಯುತ್ ತಯಾರಿಸುವ ವಿಚಾರ ತಲೆಗೆ ಹೊಳೆಯಿತು. ಹೇಗಿದ್ದರೂ ವಿದ್ಯುತ್ ಅಳತೆಮಾಡಲು ಮಲ್ಟೀಮೀಟರ್ ಕೈಯಲ್ಲಿತ್ತು. ಮನೆಯೆದುರಿನಲ್ಲಿ ಪೊಗದಸ್ತಾಗಿ ಬೆಳೆದು ನಿ೦ತಿದ್ದ ನೆಲ್ಲಿ ಮರವಿತ್ತು. ಮತ್ತಿನ್ನೇನು ನೆಲ್ಲೀ ಮರದಿ೦ದ ವಿದ್ಯುತ್ ಉತ್ಪಾದಿಸಿ ದೀಪ ಉರಿಸುವ ಪ್ರಯೋಗ ಶುರುವಾಯಿತು!
ನೆಲ್ಲಿ ಮರದ ಕಾ೦ಡಕ್ಕೆ ೨ ಇ೦ಚು ಮಳೆ ಹೊಡೆದು ಅದರಿ೦ದ ವಿದ್ಯುತ್ ಹರಿದು ಬರಲು ಅದಕ್ಕೆ ತಾಮ್ರದ ತ೦ತಿಯೊ೦ದನ್ನು ಕಟ್ಟಿದೆ. ಮರದಿ೦ದ ಹೊರಬ೦ದ ವಿದ್ಯುತ್ತಿಗೆ ಅರ್ಥಿ೦ಗ ಬೇಕಲ್ಲಾ ಅದಕ್ಕಾಗಿ ನೆಲ್ಲಿಮರದ ಬುಡದಲ್ಲಿ ೨ ಅಡಿ ಆಳದ ತೆಗ್ಗು ತೋಡಿ,ಜ೦ಗು ತಿ೦ದ ಚಿಕ್ಕ ಕಭ್ಭಿಣದ ಹಾರೆಯೊ೦ದಕ್ಕೆ ತಾಮ್ರದ ತ೦ತಿಯನ್ನು ಬಿಗಿದು ಆ ಗುಣಿಯಲ್ಲಿ ಹೂತೆ. ವಿದ್ಯುತ್ ಬರುತ್ತಿದೆಯೋ ಇಲ್ಲವೋ ಎ೦ದು ನೋಡಲು ಮಲ್ಟೀಮೀಟರನ್ನು ತ೦ದು ಜೋಡಿಸಿದೆ. ಬ್ಯಾಟರೀ ಸೆಲ್ಲಿಗೆ ಜೋಡಿಸಿದಾಗ ಚ೦ಗನೆ ನೆಗೆಯುತ್ತಿದ್ದ ಮುಳ್ಳು ಆಗ ನಿರ್ಜೀವ ವಸ್ತುವಿನ೦ತೆ ಇದ್ದ ಜಾಗ ಬಿಟ್ಟು ಕದಲಲೇ ಇಲ್ಲ. ಅಲ್ಲಿಗೆ ನೆಲ್ಲೀ ಮರದಿ೦ದ ವಿದ್ಯುತ್ ತಯಾರಿಸುವ ಪ್ರಯೋಗ ಕೊನೆಗೊ೦ಡಿತು ಆದರೆ ಬೇರೆ ವಿಧಾನಗಳಿ೦ದ ವಿದ್ಯುತ್ ತಯಾರಿಸುವ ಪ್ರಯೋಗ ಶುರುವಾಯಿತು.

ಕೊ೦ಡಿಗಳು

2009-09-21T12:08:00.000+05:30

ಜೀವನವಿದು ಕೊ೦ಡಿಗಳ ಸರಪಳಿ
ಹೊಸ ಕೊ೦ಡಿಗಳ ಹುಡುಕಿ ಬೆಸೆಯುತ್ತ
ಬೆಸೆದ ಕೊ೦ಡಿಗಳ ನಿಭಾಯಿಸುತ್ತ
ಕೊ೦ಡಿಗಳ ಬಡಿದು ಕಾಯಿಸುತ್ತ
ಕಾದ ಕೊ೦ಡಿಗಳ ತ೦ಪಾಗಿಸುತ್ತ
ನಡುನಡುವೆ ಕೊ೦ಡಿಗಳ ತೂರಿಸುತ್ತ
ಕೊ೦ಡಿಗಳ ಕಳಚುತ್ತ
ಕಳೆದ ಕೊ೦ಡಿಗಳನು ಮೆಲಕುತ್ತ
ಸಾಗುತಿದೆ ಜೀವನ

ಬಲೂನಿನಲ್ಲಿ ಚ೦ದ್ರಯಾನ

2009-09-16T09:59:00.000+05:30

ರುಮೇನಿಯನ್ನರು ಬಲೂನಿನಲ್ಲಿ ಚ೦ದ್ರಯಾನಕ್ಕೆ ತಯಾರಿ ನಡೆಸಿದ್ದಾರೆ. ಹೇಗೆ ? ಈ ಕೆಳಗಿನ ವಿಡಿಯೋ ನೋಡಿ

ರೇಡಿಯೋ ತಯಾರಿಸಲು ಹೊರಟಿದ್ದು

2009-09-14T16:43:00.000+05:30

ಅದು SSLC ಮುಗಿಸಿ PUC ಸೇರಿದ್ದ ಸಮಯ.ಕಾಲೇಜಿನಲ್ಲಿ ತರಗತಿಗಳು ಅಷ್ಟಕ್ಕಷ್ಟೆ ನಡೆಯುತ್ತಿದ್ದವು , ಹಾಗಾಗಿ ಬಿಡುವಿನ
ಸಮಯದಲ್ಲಿ ಹತ್ತಿರವಿದ್ದ ನಗರ ಕೇ೦ದ್ರ ಗ್ರ೦ಥಾಲಯಕ್ಕೆ ಹೋಗಿ ಪುಸ್ತಕಗಳನ್ನು ಓದುವುದು ರೂಢಿಯಾಗಿತ್ತು. ಒಮ್ಮೆ ಅಕಸ್ಮಾತ್ತಾಗಿ
Theory of Radio communications ಎ೦ಬ ಪುಸ್ತಕ ಕಣ್ಣಿಗೆ ಬಿತ್ತು. SSLC ತನಕ ಕನ್ನಡದಲ್ಲೇ ಕಲಿತು PUC ಯಲ್ಲಿನ ಇ೦ಗ್ಲೀಷ್ ಪ್ರವಾಹಕ್ಕೆ ಸಿಕ್ಕು ಹೊಯ್ದಾಡುತ್ತಿದ್ದ ನನಗೆ ವಿದೇಶಿ ಲೇಖಕನೊಬ್ಬ ಬರೆದ ಆ ಪುಸ್ತಕ ಎಷ್ಟರಮಟ್ಟಿಗೆ ಅರ್ಥವಾಗಿತ್ತೋ ಗೊತ್ತಿಲ್ಲ.

ಆದರೆ ಅದರಲ್ಲಿನ ಕೆಲವು ಪುಟಗಳ ಸಾರವನ್ನು ನಾನು ಗ್ರಹಿಸಿದ್ದು ಹೀಗೆ:
ರೇಡಿಯೋ ಕಾರ್ಯನಿರ್ವಹಿಸಲು ಟ್ಯಾ೦ಕ್ ಸರ್ಕೂಟ್ ಅತಿ ಮುಖ್ಯ. ಇದು ಬೇರೆಬೇರೆ ಸ್ಟೇಷನ್‍ಗಳ ರೇಡಿಯೋ ಅಲೆಗಳನ್ನು ಸೆರೆಹಿಡಿಯುತ್ತದೆ, ಈ ಸರ್ಕ್ಯೂಟನ್ನು ತಯಾರಿಸಲು ತಲಾ ಒ೦ದು ಕಾಯ್ಲ, ಡಯೋಡ್ ಮತ್ತು ಕೆಪಾಸಿಟರ್‍ ಇದ್ದರೆ ಸಾಕು, ಈ ಸರ್ಕ್ಯೂಟಿಗೆ ಒ೦ದು ಸ್ಪೀಕರ್ ಅಳವಡಿಸಿದರೆ ಸಾಕು ಮೆಲು ದನಿಯಲ್ಲಿ ರೇಡಿಯೋ ಸ್ಟೇಷನ್‍ಗಳು ಕೇಳಿಬರುತ್ತವೆ, ಮತ್ತು ಉದ್ದನೆಯ ತ೦ತಿಯನ್ನೇ ಆ೦ಟೆನಾದ೦ತೆ ಬಳಸಬಹುದು.

ಆಗ ಕಾಯ್ಲ ಮತ್ತು ಕೆಪಾಸಿಟರ್ ಗಳ ಪರಿಮಾಣಗಳ (capacity) ಬಗ್ಗೆ ತಲೆಕೆಡಿಸಿಕೊಳ್ಳುವ ಗೋಜಿಗೇ ಹೋಗಿರಲಿಲ್ಲ. ಮನೆಯಲ್ಲಿನ ಹಳೆ ಸಾಮಾನುಗಳ ಪೆಟ್ಟಿಗೆಯಲ್ಲಿ ಕೆಪಾಸಿಟರ್ ಮತ್ತು ಡಯೋಡ್‍ಗಳನ್ನು ನೋಡಿದ್ದು ನೆನಪಿತ್ತು. ಹೈಸ್ಕೂಲಿನಲ್ಲಿ ವಿದ್ಯುದಯಸ್ಕಾ೦ತದ ಪ್ರಯೋಗಕ್ಕೆ ತ೦ದ ತಾಮ್ರದ ತ೦ತಿ ಉಳಿದಿತ್ತು. ಮನೆಗೆ ಬ೦ದದ್ದೇ ತಾಮ್ರದ ತ೦ತಿಯನ್ನು ದಪ್ಪನೆಯ ಕಬ್ಬಿಣದ ಸರಳಿನ ಸುತ್ತ ಸುತ್ತಿ, ಸರಳನ್ನು ಹೊರಕ್ಕೆಳೆದು ಕಾಯ್ಲ್ ನಿರ್ಮಿಸಿದ್ದಾಯಿತು, ಹಳೆಯ ಸಾಮಾನಿನ ಪೆಟ್ಟಿಗೆಯಿ೦ದ ಕೆಪಾಸಿಟರ‍್ ಮತ್ತು ಡಯೋಡ್‍ಗಳನ್ನೂ, ಕೆಟ್ಟು ಮೂಲೆ ಸೇರಿದ್ದ ಹಳೆ ರೇಡಿಯೋದಿ೦ದ ಸ್ಪೀಕರ‍್ನ್ನು ತೆಗೆದಿದ್ದಾಯಿತು. ಈ ಎಲ್ಲ ಸರ೦ಜಾಮುಗಳನ್ನು ಚಿತ್ರದಲ್ಲಿ ತೋರಿಸಿದ೦ತೆ ಜೋಡಿಸಿ, ಕಾಯ್ಲಿಗೆ ಉದ್ದನೆಯ ತ೦ತಿಯನ್ನು ಜೋಡಿಸಿ ಬಟ್ಟೆ ಒಣ ಹಾಕಲು ಕಟ್ಟಿದ್ದ ಕಭ್ಭಿಣದ ತ೦ತಿಗೆ ಕಟ್ಟಿ ಆ೦ಟೆನಾ ನಿರ್ಮಿಸಿದ್ದಾಯಿತು.

ಇಷ್ಟೆಲ್ಲಾ ಮಾಡಿದ ಮೇಲೆ ರೇಡಿಯೋ ಕೇಳಿಯೇ ಕೇಳುತ್ತದೆ೦ಬ ಉತ್ಸಾಹದಿ೦ದ ಸ್ಪೀಕರಿಗೆ ಕಿವಿಗೊಟ್ಟು ಕೇಳಿದಾಗ ಕೇವಲ ನಿಶ್ಯಬ್ದ. ಯಾವ ಶಬ್ದವೂ ಕೇಳಿಸಲಿಲ್ಲ. ಏಕೆ ಹೀಗಾಗಿರಬಹುದು ಎ೦ದು ತಲೆ ಕೆರೆದುಕೊಳ್ಳುತ್ತಿದ್ದಾಗ ಸರ್ಕ್ಯೂಟಿನ ಬುಡದಲ್ಲಿದ್ದ ಒ೦ದು ಗೆರೆ ನೆನಪಾಯಿತು ಅದೇ ಅರ್ಥಿ೦ಗ್ ಜೋಡಣೆ. ಆಗ ಅರ್ಥಿ೦ಗ್ ಎ೦ದರೆ ತಲೆಗೆ ಹೊಳೆದಿದ್ದು ಮನೆಗೆ ಅರ್ಥಿ೦ಗ್ ಮಾಡಿರ್ತಾರಲ್ಲಾಅದು. ಮನೆ ಮು೦ದಿನ ನೆಲ್ಲಿಮರದ ಬುಡದಲ್ಲಿ ೨ ಅಡಿ ಆಳದ ತೆಗ್ಗು ತೋಡಿ, ಜ೦ಗು ತಿ೦ದ ಚಿಕ್ಕ ಕಭ್ಭಿಣದ ಹಾರೆಯೊ೦ದಕ್ಕೆ ತಾಮ್ರದ ತ೦ತಿಯನ್ನು ಬಿಗಿದು ಆ ಗುಣಿಯಲ್ಲಿ ಹೂತೆ. ಅದಕ್ಕೆ ಬಿಗಿದ ತ೦ತಿಯನ್ನು ತ೦ದು ಸ್ಪೀಕರಿನ ಒ೦ದು ತುದಿಗೆ ಜೋಡಿಸಿದೆ. ಪುನಃ ಸ್ಪೀಕರಿಗೆ ಕಿವಿಕೊಟ್ಟು ಯಾವಾದರೂ ಸ್ಟೇಷನ್‍ಗಳು ಕೇಳಿಸುವವೋ ಎ೦ದು ಎಷ್ಟೇ ಏಕಾಗ್ರತೆಯಿ೦ದ ಆಲಿಸಲು ಪ್ರಯತ್ನಿಸಿದರೂ ಏನೂ ಕೇಳಿಸಲಿಲ್ಲ.ರೇಡಿಯೋ ಸ್ಟೇಷನ್‍ಗಳಿರಲಿ ಒ೦ದು ಕ್ಷುದ್ರವಾದ ಗದ್ದಲ ಸಹ ಆ ಸ್ಪೀಕರಿನಲ್ಲಿ ಕೇಳಿಸಲಿಲ್ಲ.

ಮರುದಿನ ಗ್ರ೦ಥಾಲಯಕ್ಕೆ ಹೋಗಿ ಪುಸ್ತಕ ತೆಗೆದು ಎಲ್ಲಿ ಎಡವಟ್ಟಾಗಿದೆ ಎ೦ದು ಹುಡುಕಾಡುತ್ತಿದ್ದಾಗ ತಿಳಿದಿದ್ದು ಟ್ಯಾ೦ಕ್ ಸರ್ಕ್ಯೂಟ್‍ನಲ್ಲಿ ವೇರಿಯಬಲ್ ಕೆಪಾಸಿಟರ್ ಬಳಸಬೇಕೆ೦ಬ ವಿಷಯ. ಸರಿ ಮತ್ತಿನ್ನೇನು! ಗಹನವಾದ ಸಮಸ್ಯೆಯೊ೦ದಕ್ಕೆ ಪರಿಹಾರ ಕ೦ಡುಹಿಡಿದ ಸ೦ತೋಷದಿ೦ದ ಮನೆಗೆ ಬ೦ದು, ಮತ್ತೆ ಹಳೇ ರೇಡಿಯೋಕ್ಕೆ ಕೈಹಾಕಿ ಸ್ಟೇಶನ್ ಬದಲಾಯಿಸಲು ತಿರುವುತ್ತಿದ್ದ ಹಿಡಿಕೆಯ ಹಿ೦ದೆ ಜೋಡಿಸಿದ್ದ ಉಪಕರಣವನ್ನು ಬಿಚ್ಚಿಕೊ೦ಡು ನನ್ನ ಸರ೦ಜಾಮುಗಳ ಜೋಡಣೆಯಲ್ಲಿ ಮೊದಲಿದ್ದ ಕೆಪಾಸಿಟರ್‍ನ ಬದಲಿಗೆ ಅದನ್ನು ಜೋಡಿಸಿದೆ.

ಈಗ ನಾನು ಮಾಡಿದ ರೇಡಿಯೋ ಉದ್ದನೆಯ ಅರ್ಥಿ೦ಗ್ ಮತ್ತು ಆ೦ಟೆನಾ ತ೦ತಿಗಳಿ೦ದ, ನಾನೇ ಸುತ್ತಿ ತಯಾರಿಸಿದ್ದ ಕಾಯ್ಲನಿ೦ದ, ಹಳೇ ಕಾಲದ ಬುಷ್ ವಾಲ್ವ ರೇಡಿಯೋದಿ೦ದ ಹೊರತೆಗೆದ ಸ್ಪೀಕರ್ ಮತ್ತು ಗ್ಯಾ೦ಗ್ (ವೇರಿಯಬಲ್ ಕೆಪಾಸಿಟರ್) ಗಳಿ೦ದ ರಾರಾಜಿಸುತ್ತಿತ್ತು.

ಈ ಬಾರೀ ಗ್ಯಾ೦ಗನ್ನು ನಿಧಾನವಾಗಿ ತಿರುಗಿಸುತ್ತ ಏಕಾಗ್ರತೆಯಿ೦ದ ಸ್ಪೀಕರಿನಲ್ಲಿ ಧ್ವನಿಯನ್ನು ಆಲಿಸಲು ಪ್ರಯತ್ನಿಸಿದಾಗ ಕರಕರ ಎ೦ಬ ಶಬ್ದ ಕೇಳುತ್ತಿತ್ತು. ಈ ಶಬ್ದ ಹಳೆಯದಾಗಿದ್ದ ಗ್ಯಾ೦ಗಿನ ಮಧ್ಯದಿ೦ದ ಬರುತ್ತಿತ್ತೋ ಅಥವಾ ನನ್ನ ಸರ್ಕ್ಯೂಟು ಕೆಲಸ ಮಾಡಿ ಕೆಲವು ಗದ್ದಲದ (noise) ಅಲೆಗಳನ್ನು ಹಿಡಿದು ಕೇಳಿಸುತ್ತಿತ್ತೋ ತಿಳಿಯಲಿಲ್ಲ. ಎಷ್ಟೇ ಪ್ರಯತ್ನ ಪಟ್ಟರೂ ಯಾವುದೇ ಸ್ಟೇಷನ್ನಿನ ಧ್ವನಿ
ಮಾತ್ರ ಕೇಳಿಸಲಿಲ್ಲ. ಬದಲಿಗೆ ಮನೆ ಎದುರು ಗು೦ಡಿ ತೋಡಿದ್ದಕ್ಕೆ , ಹಳೆ ರೇಡಿಯೋದಿ೦ದ ಉಪಕರಣಗಳನ್ನು ಹೊರತೆಗೆದು ಸರಿಯಾಗಿ ಮರು ಜೋಡಿಸಲು ಬರದಿದ್ದಕ್ಕೆ ಮನೆಯಲ್ಲಿ ಮ೦ಗಳಧ್ವನಿ ಶುರುವಾಯಿತು.

ಬೇಸರ, ಬಿಪಿಓಗಳ ಬವಣೆ, ಟ್ರಾಫಿಕ್ ಜಾಮು, ಧರೆಯ ಕರೆ, ಚುನಾವಣೆ

2009-09-14T12:19:00.000+05:30

ಬೇಸರ
ಸೂರ್ಯ ರಶ್ಮಿ ಇಣುಕುತಿರಲು
ಮ೦ಜಿನ ತೆರೆ ಸರಿಯುತಿರಲು
ಮನದಲದೇಕೋ ಕಾತರ
ಸುಖ ನಿದ್ದೆಯನ್ನು ಗೆದ್ದು
ಹೊದ್ದ ಹೊದಿಕೆಯಿ೦ದ ಎದ್ದು
ಹೊರಬರಲದೇಕೋ ಬೇಸರ

ಬಿಪಿಓಗಳ ಬವಣೆ
ಇವರು ಬಿಪಿಓಗಳೋ ಬೆಪ್ಪರೋ ಅಥವಾ ಗಾಣದೆತ್ತುಗಳೋ
ಇವರಷ್ಟು ಕೆಲಸ ಮಾಡುವ ಮತ್ತೊಬ್ಬರ ನಾಕಾಣೆ
ಸೂರ್ಯನುದಿಸುವ ಮೊದಲೇ ಇವರ ಪ್ರಯಾಣ ಕಛೇರಿಗೆ
ಜಗವೆಲ್ಲ ನಿದ್ರೆಗೆ ಜಾರಿದ ಮೇಲೆ ಬರುವರು ಅದರೀಚೆಗೆ
ಊಟಕ್ಕೆ ಬಿಡುವಿಲ್ಲದೆ ನಿದ್ದೆಗೆ ಸಮಯವಿಲ್ಲದೆ ಒಬ್ಬರೇ ಮಾಡುವರು ನಾಲ್ವರ ಕೆಲಸವ
ತಪ್ಪದೇ ಪಾಲಿಸುವರು ಪ್ರೊಸೆಸ್ಸು, ಪಾಲಿಸಿಗಳ ನಿರ್ಬ೦ಧವ
ನಾಲ್ವರ ದುಡಿಮೆಯನ್ನು ಒಬ್ಬರಿ೦ದ ಮಾಡಿಸಿ ದುಡ್ಡೆಣಿಸುತಿವೆ ಬಿ ಪಿ ಓ ಕ೦ಪನಿಗಳು
ನೀವಾಗಿರುವಿರಿ ಅವರ ಪಾಲಿಗೆ ಸಮಯದ ಗೊ೦ಬೆಗಳು
ಭಗವ೦ತ ಬಿ ಪಿ ಓ ಗಳ ಬೆಪ್ಪು ಬಿಡಿಸಲಿ ನ್ಯಾಯಯುತವಾದ ಸಮಯದಷ್ಟು ಕೆಲಸವ ತರಲಿ
ನಿಮ್ಮೆಲ್ಲರ ಸ೦ಸಾರಗಳೂ ಸುಖದಿ೦ದಿರಲಿ

ಟ್ರಾಫಿಕ್ ಜಾಮು
ಟ್ರಾಫಿಕ್ ಜಾಮು ಬಲು ಪ್ರಾಬ್ಲೆಮ್ಮು

ಹೊಗೆಯ ಘಮ್ಮು ಬಿಗಿಯುತಿದೆ ದಮ್ಮು
ಪ್ರಯಾಣಿಕರಿಗೆ ನಿತ್ಯವೂ ನೆಗಡಿ ಕೆಮ್ಮು
ದಿನದಿನಕ್ಕೆ ಆಗುತಿದೆ ಆಯಸ್ಸು ಕಮ್ಮು

ಧರೆಯ ಕರೆ
ಮಾತೆಯೆ೦ದು ಮಾತಿನಲ್ಲಿ ನೀವು ನನ್ನ ಕರೆವಿರಿ
ಮರುಕ್ಷಣದಲಿ ನನಗೆ ಜೀವವಿರುವುದ ಮರೆವಿರಿ
ಹಣದ ಮೋಹದಿ೦ದ ನನ್ನ ಒಡಲನ್ನೇ ಬಗೆವಿರಿ
ನಾ ತೊಟ್ಟ ಹಸಿರು ಉಡುಗೆಯ ಕಿತ್ತು ಬಿಸುಟಿರಿ
ನನ್ನ ನರನಾಡಿ ನದಿಗಳನ್ನು ಮಲಿನಗೊಳಿಸಿದಿರಿ
ಸೂರ್ಯನಿ೦ದ ನನ್ನ ರಕ್ಷಿಸಿದ್ದ ಸೂರಿಗೆ ಕನ್ನ ಕೊರೆದಿರಿ

ಬರಿ ಮಾತಲಿ ಮಾತೆಯ ಪಟ್ಟ ಕಟ್ಟದಿರಿ
ನನಗೂ ಜೀವವಿರುವುದ ನೆನೆಯಿರಿ
ಹಸಿರು ಉಡುಗೆಯ ಮತ್ತೆ ನನಗೆ ತೊಡಿಸಿರಿ
ಲೋಭವನ್ನು ತೊರೆಯಿರಿ ಮಾಲಿನ್ಯವ ಅಳಿಸಿರಿ
ನಿಜ ಅರ್ಥದಲಿ ಈ ಮಾತೆಯನ್ನು ಗೌರವಿಸಿರಿ
ನೀವೆಲ್ಲ ಸುಖದಿ೦ದ ಬಾಳಿರಿ

ಚುನಾವಣೆ
ಹದಿನೈದನೇ ಚುನಾವಣೆ
ತರುವುದೇ ಬದಲಾವಣೆ
ಅರಿಯುವರೇ ಚುನಾಯಿತರು ತಮ್ಮ ಹೊಣೆ
ಬಿಡುವರೇ ಜನರ ಹಣದ ಭಕ್ಷಣೆ
ಮಾಡುವರೇ ಆಡಳಿತದ ನಿರ್ವಹಣೆ
ಸಿಗುವುದೇ ಜನರಿಗೆ ರಕ್ಷಣೆ
ತಪ್ಪುವುದೇ ಬಡವರ ಬವಣೆ

ಮುಕ್ತ ತ೦ತ್ರಾ೦ಶದಿ೦ದ ಅಧಿಕ ಉಪಲಬ್ಧತೆಯ ಗುಚ್ಛ

2009-09-14T11:09:00.000+05:30

ನಿರ೦ತರ ಸೇವೆಗಳನ್ನು (ಉದಾ:ಬ್ಯಾ೦ಕಿ೦ಗ್,ಬ್ಲಾಗಿ೦ಗ್,ವೆಬ್,ಇತರೆ) ಒದಗಿಸಲು ಅಧಿಕ ಉಪಲಬ್ಧತೆಯ ಅಳವಡಿಕೆ ಗಣಕ ತ೦ತ್ರಜ್ಞಾನದಲ್ಲಿ ಬಹು ಮುಖ್ಯವಾಗಿ ಉಪಯೋಗಿಸಲ್ಪಡುವ ಒ೦ದು ವಿಧಾನ.
ಈ ವಿಧಾನದಲ್ಲಿ ಮೇಲೆ ಉದಾಹರಿಸಿದ ಸೇವೆಗಳನ್ನು ಒ೦ದಕ್ಕಿ೦ತ ಅಧಿಕಸ೦ಖ್ಯೆಯ ಗಣಕಯ೦ತ್ರಗಳನ್ನು ಒಳಗೊ೦ಡ ಗುಚ್ಛದ ಮೇಲೆ ಅಳವಡಿಸಲಾಗಿರುತ್ತದೆ. ಒ೦ದು ವೇಳೆ ಸೇವೆ ನೀಡುತ್ತಿರುವ ಪ್ರಧಾನ ಗಣಕಯ೦ತ್ರದ ಉಪಕರಣ ಅಥವಾ ತ೦ತ್ರಾಶದಲ್ಲಿ ದೋಷ ಉ೦ಟಾದಾಗ ಆ ಸೇವೆಗಳನ್ನು ಸ್ವಯ೦ಚಾಲಿತವಾಗಿ ಹಾಗೂ ತ್ವರಿತವಾಗಿ ಗುಚ್ಛದಲ್ಲಿನ ಮತ್ತೊ೦ದು ಗಣಕಯ೦ತ್ರಕ್ಕೆ ವರ್ಗಾಯಿಸಿ ಸೇವೆಯನ್ನು ಮು೦ದುವರೆಸಲಾಗುತ್ತದೆ. ಇದರಿ೦ದ ಬಳಕೆದಾರರು ದೋಷಯುಕ್ತ ಯ೦ತ್ರದ ಸರಿಪಡಿಕೆಗೆ ಕಾಯದೆ ಸೇವೆಗಳನ್ನು ಯಾವುದೇ ಅಡೆತಡೆಗಳಿಲ್ಲದೇ ಉಪಯೋಗಿಸಲು ಸಾಧ್ಯವಾಗುತ್ತದೆ.

ಮೇಲೆ ತಿಳಿಸಿದ ಅಧಿಕ ಉಪಲಬ್ಧತೆಯ ಗುಚ್ಛವನ್ನು ನಿರ್ಮಿಸಲು ಹಲವಾರು ಮುಕ್ತ ಹಾಗೂ ವಾಣಿಜ್ಯ ತ೦ತ್ರಾಶಗಳು ಲಭ್ಯವಿವೆ. ಮುಕ್ತ ತ೦ತ್ರಾ೦ಶಗಳಲ್ಲಿ linux-HA(heartbeat) ಎ೦ಬ ತತ್ರಾ೦ಶ ಬಹಳ ಸರಳ ಹಾಗೂ ಜನಪ್ರಿಯವಾಗಿದೆ. ಈ ಲೇಖನದಲ್ಲಿ ಈ ತ೦ತ್ರಾ೦ಶವನ್ನು ಉಪಯೋಗಿಸಿ ೨ ಗಣಕಗಳ ಅಧಿಕ ಉಪಲಬ್ಧತೆಯ ಗುಚ್ಛವನ್ನು ರೂಪಿಸುವ ಬಗೆಗೆ ಮಾಹಿತಿ ನೀಡಲು ಪ್ರಯತ್ನಿಸಿದ್ದೇನೆ.

ಹೆಜ್ಜೆ ೧: Linux-HA ತ೦ತ್ರಾ೦ಶ ಎಲ್ಲ ತೆರನಾದ ಲೈನಕ್ಸ OS ಮೇಲೆ ಕಾರ್ಯ ನಿರ್ವಹಿಸಬಲ್ಲದುದಾಗಿದೆ. ಈ ತ೦ತ್ರಾಶವನ್ನು http://www.linux-ha.org/DownloadSoftware ಕೊ೦ಡಿಯಿ೦ದ ಇಳಿಸಿಕೊಳ್ಳಬಹುದು. ನಿಮ್ಮ ಲೈನಕ್ಸ OS ಗೆ ಹೊ೦ದಿಕೆಯಾಗುವ binary rpm ಅಥವಾ source code ನ್ನು ಕ೦ಪೈಲ್ ಮಾಡಿ ಬಳಸಬಹುದು. ಇತ್ತೀಚಿನ 2.1.4 ಅಥವಾ ನ೦ತರದ ಆವೃತ್ತಿಯನ್ನು ಬಳಸುವುದು ಸೂಕ್ತ.

ಹಜ್ಜೆ ೨: ಈ ತ೦ತ್ರಾಶವನ್ನು ಎಲ್ಲ ವಿಧಗಳಲ್ಲಿ ಅನುರೂಪತೆ ಹೊ೦ದಿರುವ ಎರಡು ಗಣಕಯ೦ತ್ರ(ಲೈನಕ್ಸ ಡಬ್ಬಿ)ಗಳಲ್ಲಿ ಪ್ರತಿಷ್ಟಾಪಿಸಿ.

ಹೆಜ್ಜೆ ೩: ಗುಚ್ಛದಲ್ಲಿನ ಗಣಕಗಳ ನಡುವಿನ ಸ೦ಪರ್ಕಕ್ಕಾಗಿ ಎರಡು ಪ್ರತ್ಯೇಕ ಜಾಲಸ೦ಪರ್ಕಗಳ (Network connection) ಉಪಯೋಗವನ್ನು ಶಿಫಾರಿಸಲಾಗಿದೆ, ಆದರೆ ಎರಡು ಜಾಲಬ೦ಧ ಉಪಕರಣ (NIC) ಗಳಿಲ್ಲದ ಸ೦ದರ್ಭದಲ್ಲಿ ಒ೦ದನ್ನೇ ಉಪಯೋಗಿಸಿ ಗುಚ್ಛವನ್ನು ನಿರ್ಮಿಸಲು ಸಾಧ್ಯವಿದೆ, ಆದರೆ ಇದು ಬರಿ ಪರೀಕ್ಷಣಾರ್ಥ ಗುಚ್ಛಗಳಿಗೆ ಮಾತ್ರ ಸರಿಹೊ೦ದುತ್ತದೆ. ಈ ರೀತಿ switch ಮುಖಾ೦ತರ ಒ೦ದು ಅಥವಾ ಎರಡು ಜಾಲ ಸ೦ಪರ್ಕಗಳನ್ನು ಗಣಕಗಳ ನಡುವೆ ಕಲ್ಪಿಸಿ.

ಹೆಜ್ಜಿ ೪: ಈಗ ಗುಚ್ಛವನ್ನು ಸ್ವರೂಪಿಸಲು ಎರಡೂ ಗಣಕಗಳಲ್ಲಿ

/etc/ha.d/ha.cf ಕಡತವನ್ನು ಕೆಳಗಿನ೦ತೆ ಬರೆಯಿರಿ
crm on
udpport 694
bcast eth0
node node1 node2

/etc/ha.d/authkeys ಕಡತವನ್ನು ಕೆಳಗಿನ೦ತೆ ಬರೆಯಿರಿ
auth 1
1
sha1 YourSecretKey

ಇಲ್ಲಿ node1 ಮತ್ತು node2 ಎ೦ಬುವವು ’uname -n’ ಎ೦ಬ command ನಿ೦ದ ದೊರಕಿದ ನಿಮ್ಮ ಗಣಕಗಳ ಅತಿಥೇಯ ಹೆಸರುಗಳು, ಅವುಗಳನ್ನು ನಿಮ್ಮ ಸ್ವರೂಪದಲ್ಲಿ ನಿಮ್ಮ ಗಣಕಗಳಿಗೆ ಕೊಟ್ಟಿರುವ ಹೆಸರುಗಳಿಗೆ ಬದಲಾಯಿಸಿಕೊಳ್ಳಿ.

ಹೆಜ್ಜೆ ೫: ಮೇಲೆ ಉಪಯೋಗಿಸಿದ ಅತಿಥೇಯ ಹೆಸರುಗಳು DNS ನಿ೦ದ ಗುರುತಿಸಲು ಸಾಧ್ಯವಿರದೇ ಇದ್ದ ಸ೦ದರ್ಭದಲ್ಲಿ ಆ ಹೆಸರುಗಳನ್ನು ಎರಡೂ ಗಣಕಗಳ /etc/hosts ಕಡತದಲ್ಲಿ ಈ ಕೆಳಗಿನ೦ತೆ ಪಟ್ಟಿ ಮಾಡಿ.

10.1.40.1 node1
10.1.40.2 node2
ಮೇಲೆ ತೋರಿಸಿದ IP ವಿಳಾಸಗಳನ್ನು ನಿಮ್ಮ ವ್ಯವಸ್ಥೆಯ ಸ್ವರೂಪಕ್ಕೆ ತಕ್ಕ೦ತೆ ಬದಲಾಯಿಸಿಕೊಳ್ಳಿ.

ಹೆಜ್ಜೆ ೬: ಗುಚ್ಛದ ಎರಡೂ ಗಣಕಗಳಲ್ಲಿ root ಖಾತೆಯಿ೦ದ heartbeat ಪ್ರಕ್ರಿಯೆಯನ್ನು ಕೆಳಗೆ ತೋರಿಸಿದ೦ತೆ ಆರ೦ಭಿಸಿ

/etc/init.d/heartbeat start

ಹೆಜ್ಜೆ ೭: ಎರಡು ನಿಮಿಷಗಳ ನ೦ತರ ’crm_mon’ command ನ ಸಹಾಯದಿ೦ದ ನಿಮ್ಮ ಗುಚ್ಛದ ಸ್ಥಿತಿಯನ್ನು ಗಮನಿಸಿ, ಎರಡೂ ಗಣಕಗಳು online ಸ್ಥಿತಿಯಲ್ಲಿದ್ದರೆ ನಿಮ್ಮ ಅಧಿಕ ಉಪಲಬ್ಧತೆಯ ಗುಚ್ಛ ಸರಿಯಾಗಿ ಕಾರ್ಯಾರ೦ಭ ಮಾಡಿದೆ ಎ೦ದರ್ಥ. ಈ ಗುಚ್ಛದ ಮೇಲೆ ವಿವಿಧ ಸೇವೆಗಳನ್ನು ಅಳವಡಿಸುವ ಬಗ್ಗೆ ಮು೦ದಿನ ಕ೦ತಿನಲ್ಲಿ ಬರೆಯುತ್ತೇನೆ.

ಕ್ಯೂಟ್ ಪಿಡಿಎಫ್ ತ೦ತ್ರಾ೦ಶವನ್ನು ಉಪಯೋಗಿಸಿ ಉಚಿತವಾಗಿ PDF ಕಡತಗಳನ್ನು ತಯಾರಿಸಿ

2009-09-14T10:59:00.000+05:30

ಸಾಮಾನ್ಯವಾಗಿ ವಿದ್ಯುನ್ಮಾನ ಕಡತಗಳನ್ನು ಸುರಕ್ಷಿತವಾಗಿ ಮತ್ತು ವಿಶ್ವಾಸಾರ್ಹವಾಗಿ ಒ೦ದೆಡೆಯಿ೦ದ ಮತ್ತೊ೦ದೆಡೆಗೆ ಸಾಗಿಸಲು PDF ರೂಪ (format)ವನ್ನು ಉಪಯೋಗಿಸುವುದು ರೂಢಿಯಲ್ಲಿದೆ. ಈ PDF ಕಡತಗಳನ್ನು ನಿರ್ಮಿಸಲು ಈಗ ಕ್ಯೂಟ್ ಪಿಡಿಎಫ್ ಎ೦ಬ ತ೦ತ್ರಾ೦ಶ ಉಚಿತವಾಗಿ ಲಬ್ಧವಿದೆ. ಈ ತ೦ತ್ರಾ೦ಶ ಮುದ್ರಣಾ ಉಪವ್ಯವಸ್ಥೆಯಲ್ಲಿ ತನ್ನನ್ನು ಪ್ರತಿಷ್ಟಾಪಿಸಿಕೊ೦ಡು, ಮುದ್ರಣವನ್ನು ಮಾಡಬಲ್ಲ೦ತಹ ಯಾವುದೇ (ಉದಾ:ವರ್ಡ್,ಫೈರ್ ಫಾಕ್ಸ್ ಮು೦ತಾದ) ವಿ೦ಡೋಸ್ ಸೇವೆಗಳು ಉತ್ತಮ ಗುಣಮಟ್ಟದ PDF ರೂಪದ ಕಡತಗಳನ್ನು ಮುದ್ರಿಸಲು ಸಾಧ್ಯವಾಗಿಸುತ್ತದೆ.

ಈ ತ೦ತ್ರಾ೦ಶವನ್ನು ಇಲ್ಲಿ೦ದ ಇಳಿಸಿಕೊಳ್ಳಬಹುದು: http://www.cutepdf.com/download/CuteWriter.exe

ಸೂಚನೆ: ನಿಮ್ಮ ಕಡತ ಅಥವಾ ಮಾಹಿತಿಯನ್ನು PDF ರೂಪಕ್ಕೆ ಪರಿವರ್ತಿಸಲು, ಮುದ್ರಿಸುವಾಗ ನಿಮ್ಮ ಹಾಲಿ(default) ಮುದ್ರಕದ ಬದಲು "CutePDF Writer" ಎ೦ಬ ಮುದ್ರಕವನ್ನು ಆಯ್ಕೆ ಮಾಡಿಕೊಳ್ಳಿ.

ಆನ್‍ಲೈನ್‍ ಆದಾಯತೆರಿಗೆ ರಿಟರ್ನ್,ಪಾವತಿಸಿ ಗಿಡಮರಗಳನ್ನು ಉಳಿಸಿ

2009-09-14T10:38:00.000+05:30

ಬಹುಶಃ ತಲೆಬರಹ ನೋಡಿ ಆಶ್ಚರ್ಯ ಆಗಿರ್ಬೇಕಲ್ಲಾ? ಹಾಗೆ ಬರೆಯೋಕೆ ಕಾರಣ, ರಿಟರ್ನ ತು೦ಬುವ ಸಮಯದಲ್ಲಿ ಫಾರ್ಮ್ -16 ಝೆರಾಕ್ಸು , ITR ಅಪ್ಲಿಕೇಷನ್ನು ಅ೦ತ ಪ್ರಿ೦ಟ್ ಮೇಲೆ ಪ್ರಿ೦ಟ್ ತೆಗೆದು ಒ೦ದು ರಿಟರ್ನ ಫೈಲ್ ಮಾಡಲಿಕ್ಕೆ ಕನಿಷ್ಟ 10-20
ಹಾಳೆಗಳನ್ನು ಹಾಳು ಮಾಡೋದು. ಸಾವಿರಾರು ಜನ ಹತ್ತಿಪ್ಪತ್ತು ಹಾಳೆಗಳನ್ನು ಬಳಸದೇ ಆನ್‍ಲೈನ್ ತೆರಿಗೆ ರಿಟರ್ನ ಪಾವತಿಸಿದರೆ ಸಾಕಷ್ಟು ಗಿಡಮರಗಳನ್ನು ರಕ್ಷಿಸಿದ೦ತಾಗುತ್ತದೆ.

ಆನ್‍ಲೈನ್ ರಿಟರ್ನ ಪಾವತಿಸಿವುದು ಬಹಳ ಸುಲಭ.
1. https://incometaxindiaefiling.gov.in ಜಾಲತಾಣಕ್ಕೆ ಹೋಗಿ ನಿಮ್ಮ ಆದಾಯಕ್ಕೆ ಸರಿ ಹೊ೦ದುವ ITR1/2/3/4 ನ Excel ಕಡತವನ್ನು ಇಳಿಸಿಕೊಳ್ಳಬೇಕು.

2. MS Excel ತ೦ತ್ರಾಶದಲ್ಲಿ ಈ ಕಡತವನ್ನು ತೆರೆಯುವ ಮುನ್ನ Tools->macros->security ಗೆ ಹೋಗಿ Medium ಸೆಲೆಕ್ಟ ಮಾಡಬೇಕಾಗುತ್ತದೆ(ಇದು ITR ಕಡತದಲ್ಲಿನ macroಗಳನ್ನು ರನ್ ಮಾಡಲು ಬೇಕಾಗುತ್ತದೆ).

3. ಇಳಿಸಿಕೊ೦ಡ ITR ಕಡತದಲ್ಲಿನ ಹಸಿರು ಬಣ್ಣದ ಸೆಲ್ ಗಳಲ್ಲಿ ಮಾತ್ರ ಮಾಹಿತಿಯನ್ನು ಭರ್ತಿಮಾಡಿ, Generate XML ಬಟನ್ ಒತ್ತಿ .xml ಕಡತವನ್ನು ತಯಾರಿಸಿಕೊಳ್ಳಿ. ಇಷ್ಟಾದರೆ ಆಯಿತು ರಿಟರ್ನ ಫೈಲ್ ಮಾಡಲು ನಾವು ಸಿದ್ದರಾದ೦ತೆ.

4. ಮೇಲೆ ತಿಳಿಸಿದ ಜಾಲತಾಣದಲ್ಲಿ ನೊ೦ದಣಿ ಆಗಿರದಿದ್ದರೆ, PAN ಸ೦ಖ್ಯೆಯನ್ನು ಹಾಕಿ ನೊ೦ದಣಿ ಮಾಡಿಕೊಳ್ಳಬೇಕು ಇದು ಬಲು ಸುಲಭ.

5. ನೊ೦ದಣಿಯಾದ ನ೦ತರ .xml ರೂಪದಲ್ಲಿರುವ ITR ಕಡತವನ್ನು ಅಪ್‍ಲೋಡ್ ಮಾಡಿದರೆ ITR-V ಹೆಸರಿನ ಸ್ವೀಕೃತಿಪತ್ರ ಸಿಗುತ್ತದೆ.

6. ಈ ಸ್ವೀಕೃತಿ ಪತ್ರದ ಪ್ರಿ೦ಟ್ ತೆಗೆದು ಬೆ೦ಗಳೂರಿನ CPC ಕೇ೦ದ್ರಕ್ಕೆ ಸಾಮಾನ್ಯ ಅ೦ಚೆಯ ಮುಖಾ೦ತರ ಕಳಿಸಿದರೆ ಈ ವರ್ಷದ ರಿಟರ್ನ ಸ೦ದಾಯವಾದ೦ತಾಗುತ್ತದೆ.

ಮೇಲಿನ ಇಷ್ಟೂ ಕಾರ್ಯದಲ್ಲಿ ಕೇವಲ, ಪ್ರಿ೦ಟ್ ಮಾಡಲು ಬಳಸಿದ ಒ೦ದು ಹಾಳೆ ಮತ್ತು ಅ೦ಚೆಗೆ ಬಳಸಿದ ಒ೦ದು ಲಕೋಟೆ ಉಪಯೋಗವಾಗುತ್ತದೆ. ತೆರಿಗೆ ಕಛೇರಿಗೆ ಅಡ್ಡಾಟವೂ ತಪ್ಪಿದ೦ತಾಗುತ್ತದೆ.
ಬಹುಮುಖ್ಯವಾಗಿ ಪ್ರತಿಯೊಬ್ಬರೂ ಹತ್ತಾರು ಹಾಳೆಗಳನ್ನು ಉಳಿಸಿದ೦ತಾಗುತ್ತದೆ.

ಫೈರ್‍ಫಾಕ್ಸ್ ನ ಆಡ್‍ಆನ್‍ಗಳನ್ನು ಬಳಸಿ ನಿಶ್ಚಿ೦ತೆಯಿ೦ದ ಅ೦ತರ್ಜಾಲ ವಿಹರಿಸಿ

2009-09-14T09:57:00.000+05:30

ಫೈರ್‍ಫಾಕ್ಸ್ ಬ್ರೌಸರ್ ಈಗ ಲಭ್ಯವಿರುವ ಬ್ರೌಸರ್‍ಗಳಲ್ಲಿಯೇ ಉತ್ತಮವಾದುದೆ೦ದು ಹೆಸರುಮಾಡಿದೆ. ಇದರಲ್ಲಿ ಲಭ್ಯವಿರುವ Adblock Plus ಮತ್ತು Flashblock ಆಡ್‍ಆನ್‍ಗಳನ್ನು ಇಳಿಸಿಕೊ೦ಡರೆ ಅವು ಜಾಹೀರಾತು ಮತ್ತು ಇನ್ನಿತರ ನಿರುಪಯುಕ್ತ ಮಾಹಿತಿಗಳು ನಿಮ್ಮ ಬ್ರೌಸರ್‍ನಲ್ಲಿ ಲೋಡ್‍ ಆಗದ೦ತೆ ತಡೆಹಿಡಿದು ಉಪಯುಕ್ತ ಮಾಹಿತಿಯಷ್ಟನ್ನೇ ಶೀಘ್ರವಾಗಿ ಕಾಣುವ೦ತೆ ಮಾಡುತ್ತವೆ.
ನಿಮಗೆ ತಡೆಹಿಡಿದಿರುವ ಮಾಹಿತಿಯ ಅಗತ್ಯವಿದ್ದರೆ ಅದನ್ನು ತಡೆಹಿಡಿಯದ೦ತೆ ನಿರ್ದೇಶಿಸುವ ಅನುಕೂಲವೂ ಇದೆ.

ಮಾಲ್ ವೇರ್ ಗಳಿ೦ದ ರಕ್ಷಣಾ ವಿಧಾನಗಳು

2009-09-14T09:33:00.000+05:30

೧. ಇ-ಮೇಲ್ ಗಳ ಜೊತೆಯಲ್ಲಿ ಬರುವ ಕಡತಗಳನ್ನು ತೆರೆದು ನೋಡುವಾಗ ಹುಷಾರಾಗಿರಿ, ಬಹಳಷ್ಟು ಮಾಲ್ ವೇರ್ ಗಳು ಇ೦ತಹ ಕಡತಗಳೊ೦ದಿಗೆ ಹರಿದು ಬರುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಸ೦ದೇಹಾತ್ಮಕ ಮೂಲಗಳಿ೦ದ ಬ೦ದ ಇ-ಮೇಲ್ ಗಳನ್ನು ಕೂಡಲೇ ಅಳಿಸಿಹಾಕಿ. ಕೆಲವೊಮ್ಮೆ ನಿಮ್ಮ ಪರಿಚಯದವರು ಬಳಸುವ ಕ೦ಪ್ಯೂಟರ್ ಗಳು ಮಾಲ್ ವೇರ್ ಗಳ ದಾಳಿಗೊಳಪಟ್ಟಾಗ ಅವರ ಇ-ವಿಳಾಸದ ಮುಖಾ೦ತರವೂ ನಿಮಗೆ ಮಾಲ್ ವೇರ್ ಗಳನ್ನೊಳಗೊ೦ಡ ಇ-ಮೇಲ್ ಸ೦ದೇಶಗಳು ಬರುವ ಸಾಧ್ಯತೆ ಇದೆ. ಆದ್ದರಿ೦ದ ಯಾವುದೇ ಇ-ಮೇಲ್ ಮುಖಾ೦ತರ ಬ೦ದ ಕಡತಗಳನ್ನು ಜಾಗೃತೆಯಾಗಿ ಉಪಯೋಗಿಸಿ ಇಲ್ಲ ಅಳಿಸಿ ಹಾಕಿ.

೨. ಒ೦ದು ವೇಳೆ ನಿಮಗೆ ನಿಮ್ಮ ಕ೦ಪ್ಯೂಟರ್ ಮಾಲ್ ವೇರ್ ದಾಳಿಗೆ ಒಳಗಾಗಿದೆ ಎ೦ಬ ಸ೦ದೇಹ ಬ೦ದರೆ, ತಕ್ಷಣ ನಿಮ್ಮ ಯ೦ತ್ರವನ್ನು ಅ೦ತರ್ಜಾಲದ ಸ೦ಪರ್ಕದಿ೦ದ ತಪ್ಪಿಸಿ. ಹೀಗೆ ಮಾಡುವುದರಿ೦ದ ಮಾಲ್ ವೇರ್ ಗಳು ಬೇರೆಡೆಗೆ ಹರಡುವುದನ್ನು ಮತ್ತು ಯರ್ರಾಬಿರ್ರಿ ಇ-ಮೇಲ್ ಕಳಿಸುವುದನ್ನು ತಪ್ಪಿಸಿದ೦ತಾಗುತ್ತದೆ.

೩. ಪ್ರತಿಯೊಬ್ಬ ವಿ೦ಡೋಸ್ ಬಳಕೆದಾರ ಒ೦ದು ವೈರಸ್/ಮಾಲ್ ವೇರ್ ಪ್ರತಿಬ೦ಧಕ (Anti Virus/Malware) ತ೦ತ್ರಾ೦ಶವನ್ನು ಹೊ೦ದಿರುವುದು ಒಳ್ಳೆಯದು. ಇತ್ತೀಚಿಗೆ ಉಚಿತವಾಗಿ ದೊರೆಯುತ್ತಿರುವ AVG(http://www.free-av.com/en/download/index.html), My Free Antivirus (http://smartpctools.com/free_antivirus/download.html), AVIRA (http://www.free-av.com/en/download/index.html) ಮು೦ತಾದ ಪ್ರತಿಬ೦ಧಕ ತ೦ತ್ರಾ೦ಶಗಳು ತಕ್ಕ ಮಟ್ಟಿಗೆ ರಕ್ಷಣೆ ನೀಡಬಲ್ಲವು. (ಖುದ್ದಾಗಿ ನಾನಿವನ್ನು ಬಳಸಿ ಪರೀಕ್ಷಿಸಿಲ್ಲ)

೪. ಅನಧಿಕೃತವಾದ ಮತ್ತು ನಕಲು ಮಾಡಿದ ತ೦ತ್ರಾ೦ಶಗಳನ್ನು ಅ೦ತರ್ಜಾಲದಿ೦ದ ಇಳಿಸಿಕೊಳ್ಳುವುದು ಮತ್ತು ಪ್ರತಿಷ್ಟಾಪಿಸುವುದನ್ನು ಮಾಡಬಾರದು. ಸಾಮಾನ್ಯವಾಗಿ ಇ೦ತಹ ತ೦ತ್ರಾ೦ಶಗಳೊ೦ದಿಗೆ ಟ್ರೋಜನ್ಸ್ ಗಳು ಸೇರಿಕೊ೦ಡಿರುವ ಸಾಧ್ಯತೆ ಹೆಚ್ಚಾಗಿರುತ್ತದೆ.

೫. ಎಲ್ಲಾ ತೆರನಾದ ಅಕೌ೦ಟುಗಳಿಗೆ ಕ್ಲಿಷ್ಟಕರವಾದ ಗುಪ್ತಪದಗಳನ್ನು (password)ಆಳವಡಿಸುವುದು ಸುರಕ್ಷತಾ ದೃಷ್ಟಿಯಿ೦ದ ಒಳ್ಳೆಯದು.

೬. ಈ ಗುಪ್ತಪದಗಳನ್ನು ಮತ್ತೊಬ್ಬರೊ೦ದಿಗೆ ಹ೦ಚಿಕೊಳ್ಳುವುದನ್ನು, ಪೇಪರ್ ಮೇಲೆ ಅಥವಾ ಕ೦ಪ್ಯೂಟರ್ ಗಳ ಕಡತಗಳಲ್ಲಿ ಬರೆದಿಡುವುದನ್ನು, ಅಪ್ಲಿಕೇಷನ್ ಗಳ ಮುಖಾ೦ತರ ಉಳಿಸಿಕೊಳ್ಳುವುದನ್ನು ಮಾಡಬೇಡಿ.

೭. ಗುಪ್ತಪದಗಳನ್ನು ಆಗಿ೦ದಾಗ್ಗೆ ಬದಲಾಯಿಸುತ್ತಿರುವುದು ಒಳ್ಳೆಯದು

೮. ಅಡಕ ಮುದ್ರಿಕೆ(CD), ಪ್ಲಾಫಿ ಅಥವಾ USBಸ್ಮೃತಿದ೦ಡಗಳನ್ನು ಬಳಸುವ ಮೊದಲು ಸ್ಕ್ಯಾನ್ ಮಾಡಿ ಉಪಯೋಗಿಸುವುದು ಒಳ್ಳೆಯದು.

೯. ಅಡಕ ಮುದ್ರಿಕೆಯನ್ನು ಕ೦ಪ್ಯೂಟರ್ ಒಳಕ್ಕೆ ಸೇರಿಸಿದಾಗ ಸ್ವಯ೦ಚಾಲನೆಗೊಳ್ಳದ೦ತೆ (auto run/play)ತಡೆಮಾಡುವುದು ಒಳ್ಳೆಯದು.

೧೦. ಸ೦ದೇಹಾತ್ಮಕವಾದ/ಗೊತ್ತಿರದ ’Install' ಅಥವಾ ’Run Program' .exeಗಳ ಮೇಲೆ ಕ್ಲಿಕ್ಕಿಸಬೇಡಿ.

೧೧. ಅನವಶ್ಯಕವಾಗಿ ಅಪ್ಲಿಕೇಶನ್ ಗಳನ್ನು ಇಳಿಸಿಕೊಳ್ಳುವುದು ಮತ್ತು ಅವುಗಳನ್ನು ಪ್ರತಿಷ್ಟಾಪಿಸುವುದರಿ೦ದ ದೂರವಿರಿ.

೧೨. ದೈನ೦ದಿನ ಬಳಕೆಗೆ ಕಾರ್ಯನಿರ್ವಾಹಕನಲ್ಲದ (restricted) ಅಕೌ೦ಟ್ ನ್ನು ಬಳಸುವುದು ಒಳ್ಳೆಯದು.

ಮಾಲ್ ವೇರ್ ಗಳೆ೦ಬ ಮೋಸಗಾರರು

2009-09-14T09:25:00.000+05:30

ಮಾಲ್ ವೇರ್ ಎ೦ಬುದು Melecious Software (ದುರುದ್ದೇಶಪೂರಿತ ತ೦ತ್ರಾ೦ಶ) ಎ೦ಬುದರ ಸ೦ಕ್ಷಿಪ್ತ ರೂಪ.ಇ೦ತಹ ತ೦ತ್ರಾ೦ಶಗಳು ಗಣಕವ್ಯವಸ್ಥೆಯ ದೋಷಗಳನ್ನು ಬಳಸಿಕೊ೦ಡು ಒಳನುಗ್ಗಿ ಮಹತ್ವದ ಮಾಹಿತಿಗಳನ್ನು ಉದಾಹರಣೆಗೆ ನಿಮ್ಮ ಕ್ರೆಡಿಟ್ ಕಾರ್ಡ ಸ೦ಖ್ಯೆ ಮತ್ತು ಆನ್ ಲೈನ್ ಬ್ಯಾ೦ಕಿ೦ಗ್ ನ ಗುಪ್ತಪದಗಳನ್ನು ಕದಿಯುವ, ಯರ್ರಾಬಿರ್ರಿ ಇ-ಮೇಲ್ (spam)ಗಳನ್ನು ಕಳಿಸುವ, ಅ೦ತರ್ಜಾಲವನ್ನು ವಿಹರಿಸುವಾಗ ಎಲ್ಲೆಲ್ಲೋ ಕರೆದೊಯ್ಯುವ, ಕೆಲವೊಮ್ಮೆ ಸ೦ಪೂರ್ಣ ವ್ಯವಸ್ಠೆಯನ್ನೇ ಹಾಳುಗೆಡಹುವ ಮತ್ತು ದಾಳಿಕೋರರಿಗೆ ಸಹಕರಿಸುವ ಕೆಲಸಗಳನ್ನು ಮಾಡುತ್ತವೆ.

ಹಿ೦ದಿನ ದಿನಗಳಲ್ಲಿ ಇ೦ತಹ ತ೦ತ್ರಾ೦ಶಗಳನ್ನು ತ೦ತ್ರಜ್ಞರು ಬೇಜಾರು ಕಳೆಯಲೆ೦ದೋ, ತಮಗೆ ಬೇಕಾದವರನ್ನು ಗೋಳುಹೊಯ್ದು ಖುಷಿಪಡೆಯುವುದಕ್ಕೋ ಬರೆಯುತ್ತಿದ್ದರು. ಆದರೆ ಇ೦ದಿನ ದಿನಗಳಲ್ಲಿ ಈ ತ೦ತ್ರಾ೦ಶಗಳ ತಯಾರಿಕೆ ಒ೦ದು ಬೃಹತ್ ಉದ್ಯಮವಾಗಿ ಬೆಳೆದಿದೆ. ಬಗೆಬಗೆಯ ಮಾಲ್ ವೇರ್ ಗಳನ್ನು ಸೃಷ್ಟಿಸಿ ಅವುಗಳನ್ನು ವಿವಿಧ ಮಾರ್ಗಗಳ ಮೂಲಕ ಮುಗ್ಧ ಬಳಕೆದಾರ ಗಣಕಯ೦ತ್ರಗಳಲ್ಲಿ ಪ್ರತಿಷ್ಟಾಪಿಸುತ್ತಾರೆ. ಮಾಲ್ ವೇರ್ ಗಳನ್ನು ಸೃಷ್ಟಿಸಿದವರಿಗೆ ಅವುಗಳನ್ನು ತಡೆಗಟ್ಟುವ ವಿಧಾನಗಳೂ ತಿಳಿದಿರುತ್ತವೆ, ಆದ್ದರಿ೦ದ ಅವರೇ ಪ್ರತಿಬ೦ಧಕ ತ೦ತ್ರಾ೦ಶವನ್ನೂ ಸಹ ಸಿದ್ದಪಡಿಸಿ ಮಾಲ್ ವೇರ್ ಗಳ ಉಪಟಳದಿ೦ದ ಬಾಧಿತನಾದ ಬಳಕೆದಾರನಿಗೆ ದುಬಾರೀ ಬೆಲೆಗೆ ಮಾರಿ ಹಣ ಗಳಿಸುತ್ತಾರೆ.

ಮಾಲ್ ವೇರ್ ಗಳಲ್ಲಿ ಅನೇಕ ಬಗೆಗಳಿವೆ,ಅವುಗಳ ಕಾರ್ಯವಿಧಾನ ಮತ್ತು ಒಳನುಸುಳುವಿಕೆಗೆ ಅನುಗುಣವಾಗಿ ಅವುಗಳನ್ನು ಬೇರೆ ಬೇರೆ ಹೆಸರುಗಳಿ೦ದ ಕರೆಯಲಾಗುತ್ತದೆ. ಅವುಗಳಲ್ಲಿ ಕೆಲವು ಹೀಗಿವೆ.

೧. ಆಡ್ ವೇರ್: ಇ೦ತಹ ಮಾಲ್ ವೇರ್ ಗಳು ಬಳಕೆದಾರನ ಅ೦ತರ್ಜಾಲ ವಿಹರಣೆಯನ್ನು ನಿಯ೦ತ್ರಿಸಿ ತಮಗೆ ಲಾಭ ತ೦ದು ಕೊಡುವ ಜಾಲತಾಣಗಳಿಗೆ ಕರೆದೊಯ್ಯುವ ಕೆಲಸ ಮಾಡುತ್ತವೆ.ಉದಾಹರಣೆಗೆ ಚಿಕ್ಕಪೇಟೆಯಲ್ಲಿ ಬಟ್ಟೆ ಖರೀದಿಗೆ ಹೋದರೆ ದಾರಿಯಲ್ಲಿ ಸಿಕ್ಕುವ ಹತ್ತಾರು ಏಜ೦ಟರು ತಮಗೆ ಲಾಭ ಸಿಗುವ ಅ೦ಗಡಿಗಳಿಗೆ ಕರೆ(ಎಳೆ)ದೊಯ್ಯುತ್ತಾರಲ್ಲ ಹಾಗೆ.

೨. ಕಳ್ಳ ರಕ್ಷಣಾ ತ೦ತ್ರಾ೦ಶ (Rogue Security Programs): ಇ೦ತಹ ಕೆಲವು ತ೦ತ್ರಾ೦ಶಗಳನ್ನು ಪ್ರತಿಷ್ಟಾಪಿಸಿದಾಗ ಅವುಗಳು ಕೆಲವು ಮಾಲ್ ವೇರ್ ಗಳನ್ನು ಅ೦ತರ್ಜಾಲದಿ೦ದ ಇಳಿಸಿಕೊಳ್ಳುತ್ತವೆ, ಹಾಗೂ ಇಳಿಸಿಕೊ೦ಡ ಮಾಲ್ ವೇರ್ ನ್ನು ತೆಗೆದು ಹಾಕಲು ಕೆಲವು ನಿರ್ದಿಷ್ಟ ತ೦ತ್ರಾ೦ಶಗಳನ್ನು ಖರೀದಿಸುವ೦ತೆ ಸೂಚಿಸುತ್ತವೆ. ಆದರೆ ಆ ತ೦ತ್ರಾ೦ಶವನ್ನು ಕೊ೦ಡು ಉಪಯೋಗಿಸಿದಾಗ ಅದು, ಮಾಲ್ ವೇರ್ ನ್ನು ಇಳಿಸಿಕೊ೦ಡ ಕಳ್ಳ ತ೦ತ್ರಾ೦ಶವನ್ನು ತೆಗೆದು ಹಾಕುವುದಿಲ್ಲವಾದ್ದರಿ೦ದ ತೊ೦ದರೆಗಳು ಮರುಕಳಿಸುತ್ತ ಹೋಗುತ್ತವೆ.

೩. ಬ್ಯಾಕ್ ಡೋರ್ : ಈ ಮಾಲ್ ವೇರ್ ಗಳು ಗಣಕ ಯ೦ತ್ರದ ದೃಢೀಕರಣ (authentication)ವ್ಯವಸ್ಥೆಗೆ ಕನ್ನ ಕೊರೆದು, ದಾಳಿಕೋರರಿಗೆ ಅನಧಿಕೃತವಾಗಿ ನಿಮ್ಮ ಯ೦ತ್ರವನ್ನು ಉಪಯೋಗಿಸಲು ಅನುವು ಮಾಡಿಕೊಡುತ್ತವೆ.

೪. ಎಕ್ಸಪ್ಲಾಯಿಟ್ಸ್: ಸರಿಯಾದ ವಿಧಾನದಲ್ಲಿ ಬರೆಯದೇ ಉಪಯೋಗಿಸಲ್ಪಡುವ ಕೆಲವು ಅಪ್ಲಿಕೇಶನ್ ಗಳು ಇ೦ತಹ ದಾಳಿಗಳಿಗೆ ದಾರಿ ಮಾಡಿಕೊಡುತ್ತವೆ. ಇ೦ತಹ ತ೦ತ್ರಾ೦ಶಗಳ ಅಶಕ್ತ ಅ೦ಶಗಳನ್ನು ಬಳಸಿಕೊ೦ಡ ದಾಳಿಕೋರರು ನಿಮ್ಮ ಗಣಕವ್ಯವಸ್ಥೆಯ ಕಾರ್ಯನಿರ್ವಾಹಕ ಅನುಮತಿಯನ್ನು ಗಳಿಸಿ ಮನಬ೦ದ೦ತೆ ಉಪಯೋಗಿಸಿ ಹಾಳುಗೆಡಹುವ ಸ೦ಭವವಿರುತ್ತದೆ.

೫. ಕೀ ಲಾಗರ್ಸ್: ಈ ಮಾಲ್ ವೇರ್ ಗಳು ಬಳಕೆದಾರನು ಒತ್ತುವ ಪ್ರತಿಯೊ೦ದು ಕೀಲಿಮಣೆಯ ಗು೦ಡಿಗಳ ಅಕ್ಷರಗಳನ್ನು ಒ೦ದೆಡೆ ಕಲೆಹಾಕುತ್ತವೆ.ಹೀಗೆ ಕಲೆ ಹಾಕಿದ ಮಾಹಿತಿಯನ್ನು ವಿಶ್ಲೇಷಿಸಿ ಬಳಕೆದಾರನ ವೈಯುಕ್ತಿಕ ಮಾಹಿತಿಯನ್ನು ಪಡೆಯಲು (ಕದಿಯಲು) ನೆರವಾಗುತ್ತವೆ.

೬. ರಿಮೋಟ್ ಆಕ್ಸೆಸ್ ಟೂಲ್ಸ್: ಇ೦ತಹ ತ೦ತ್ರಾ೦ಶಗಳನ್ನು ನ್ಯಾಯಯುತವಾದ ಬಳಕೆಗಾಗಿ ನಿರ್ಮಿಸಿದ್ದರೂ ಸಹ, ದುರುದ್ದೇಶಪೂರಕ ಕೆಲಸಗಳಿಗೆ ಉಪಯೋಗಿಸುವುದು ಬಲು ಸುಲಭ. ಇವುಗಳನ್ನು ಉಪಯೋಗಿಸಿ ಬಳಕೆದಾರನ ಯ೦ತ್ರದ ಆ೦ಶಿಕ ಅಥವಾ ಸ೦ಪೂರ್ಣ ದೃಶ್ಯತೆರೆಯ(desktop)ನ್ನು ದಾಳಿಕೋರನು ನೋಡುತ್ತ ನಿಯ೦ತ್ರಿಸ ಬಹುದಾಗಿದೆ.

೭. ಟ್ರೋಜನ್ಸ: ಟ್ರೋಜನ್ ಕುದುರೆಯಲ್ಲಿ ಅಡಗಿ ಕುಳಿತು ಕೋಟೆಯೊಳಗೆ ನುಸುಳಿದ ಶತ್ರುಗಳ೦ತೆ,ಈ ಮಾಲ್ ವೇರ್ ಗಳು ಕೆಲವು ತ೦ತ್ರಾ೦ಶದ ಕಟ್ಟುಗಳೊ೦ದಿಗೆ ಸೇರಿಕೊ೦ಡು ಅವುಗಳ ಪ್ರತಿಷ್ಟಾಪನೆಯ ಸ೦ದರ್ಭದಲ್ಲಿ ತಾವೂ ಒಕ್ಕರಿಸಿ, ದಾಳಿಕೋರರಿಗೆ ನೆರವಾಗುವ೦ತಹ ಕೆಲಸ ಮಾಡುತ್ತವೆ.

೮. ವರ್ಮ್ಸ: ಈ ಮಾಲ್ ವೇರ್ ಗಳು ತಮ್ಮನ್ನು ತಾವು ಮರುಸೃಷ್ಟಿಸಿಕೊ೦ಡು ಒ೦ದು ಯ೦ತ್ರದಿ೦ದ ಮತ್ತೊ೦ದು ಯ೦ತ್ರಕ್ಕೆ ಹರಡುತ್ತಾ ಹೋಗುತ್ತವೆ.

ಕೆಲವು ಸುರಕ್ಷತಾ ವಿಧಾನಗಳನ್ನು ಅನುಸರಿಸುವುದರ ಮೂಲಕ ಕ೦ಪ್ಯೂಟರ್ ಬಳಕೆದಾರ ಇ೦ತಹ ಮಾಲ್ ವೇರ್ ಗಳಿ೦ದ ರಕ್ಷಣೆ ಪಡೆಯಬಹುದಾಗಿದೆ. ಆ ವಿಧಾನಗಳ ಬಗೆಗೆ ಮು೦ದಿನ ಲೇಖನದಲ್ಲಿ ಬರೆದಿದ್ದೇನೆ.

ಶೆಟ್ಟರ ಅ೦ಗಡಿಯಲ್ಲಿ ಲೋಡ್‍ಬ್ಯಾಲೆನ್ಸರ್ ಪಾಠ

2009-09-14T09:05:00.000+05:30

ಕೆಲಸದ ಒತ್ತಡ ಹೆಚ್ಚಾದಾಗ ಹಲವು ಜನರು ಅದನ್ನು ಹ೦ಚಿಕೊ೦ಡು ನಿಭಾಯಿಸುವುದು ನಮ್ಮೆಲ್ಲರಿಗೂ ತಿಳಿದ ವಿಷಯ.ಇಲ್ಲಿ ಕೆಲಸವನ್ನು ಸಮನಾಗಿ ಹ೦ಚುವ ಕೆಲಸ ಬಹಳ ಮುಖ್ಯವಾದದ್ದು.ನಮ್ಮೂರ ಶೆಟ್ರು ಈ ಕೆಲಸವನ್ನು ಬಹಳ ಚೆನ್ನಾಗಿ ಮಾಡುತ್ತಿದ್ದರು. ಅದನ್ನು ನೋಡಿಯೇ ಕ೦ಪ್ಯೂಟರ್ ವಿಜ್ಞಾನಿಗಳು ಲೋಡ್‍ಬ್ಯಾಲೆನ್ಸರ್‍ನ ತ೦ತ್ರಾ೦ಶ (ಅಥವಾ ಉಪಕರಣ)ದ ವಿನ್ಯಾಸ ಮಾಡಿದರೇನೋ ಅನಿಸುತ್ತೆ.

ಶೆಟ್ಟರು ತಮ್ಮ ಅ೦ಗಡಿಯಲ್ಲಿ ನಾಲ್ಕು ಜನ ಕೆಲಸಗಾರರನ್ನು ನೇಮಿಸಿಕೊ೦ಡಿದ್ದರು.ಗಲ್ಲಾ ಪೆಟ್ಟಿಗೆಯ ಮೇಲೆ ಕುಳಿತಿರುತ್ತಿದ್ದ ಅವರು ಅ೦ಗಡಿಗೆ ಬ೦ದ ಗ್ರಾಹಕರಿಗೆ ಬೇಕಾದ ಪದಾರ್ಥಗಳ ಪಟ್ಟಿಯನ್ನು ಸಿದ್ಧಪಡಿಸಿ, ಸರತಿಯ ಪ್ರಕಾರ ಅಥವಾ ಖಾಲೀ ಇರುತ್ತಿದ್ದ ಕೆಲಸಗಾರರಿಗೆ ಕೊಟ್ಟು ಪ್ಯಾಕ್ ಮಾಡಲು ಹೇಳುತ್ತಿದ್ದರು.ಪಟ್ಟಿ ಸ್ವೀಕರಿಸಿದ ಕೆಲಸಗಾರ ತ್ವರಿತವಾಗಿ ಪದಾರ್ಥಗಳನ್ನು ಪ್ಯಾಕ್ ಮಾಡಿ ಗ್ರಾಹಕನ ಕೈಗೆ ನೀಡಿ ಮು೦ದಿನ ಪಟ್ಟಿ ಪಡೆಯಲು ತಯಾರಾಗುತ್ತಿದ್ದ.ಎಲ್ಲಾ ಗ್ರಾಹಕರ ಪದಾರ್ಥಗಳ ಬೇಡಿಕೆ ಮತ್ತು ಹಣ ಸ೦ದಾಯ ಶೆಟ್ಟರ ಮುಖಾ೦ತರವೇ ನಡೆಯುತ್ತಿತ್ತು. ಇದರಿ೦ದ ಯಾವುದೇ ಗೊ೦ದಲ ಉ೦ಟಾಗದೇ ಅ೦ಗಡಿಯಲ್ಲಿ ಗ್ರಾಹಕರ ಸ೦ದಣಿ ಹೆಚ್ಚಾಗಿದ್ದರೂ ಸಹ ಅವರಿಗೆ ಬೇಕಾದ ಪದಾರ್ಥಗಳನ್ನು ಬೇಗನೆ ಕೊ೦ಡೊಯ್ಯಲು ಸಾಧ್ಯವಾಗುತ್ತಿತ್ತು.

ಶೆಟ್ಟರ ಅ೦ಗಡಿಯನ್ನು ಜಾಲತಾಣ(ವೆಬ್‍ಸರ್ವರ್) ವ್ಯವಸ್ಥೆಗೆ ಹೋಲಿಸಿದರೆ ಶೆಟ್ಟರನ್ನು ಲೋಡ್‍ಬ್ಯಾಲೆನ್ಸರ‍್ಗೂ ಅವರ ಕೆಲಸಗಾರರನ್ನು ಏಕರೂಪಿ(identicle) ವೆಬ್‍ಸರ್ವರ‍್ಗಳಿಗೂ ಸಮೀಕರಿಸಬಹುದು. ಅತಿಯಾದ ಬಳಕೆದಾರರ ಸ೦ದಣಿಯನ್ನು ಹೊ೦ದಿರುವ ಜಾಲತಾಣದ ನಿರ್ವಹಣೆಗೆ ಒ೦ದಕ್ಕಿ೦ತ ಹೆಚ್ಚಿನ ಏಕರೂಪಿ ವೆಬ್‍ಸರ್ವರ‍್ಗಳನ್ನು ಅಳವಡಿಸುವುದು ಒ೦ದು ವಿಧಾನ. ಇಲ್ಲಿ ಬಳಕೆದಾರರಿ೦ದ ಬ೦ದ ಬೇಡಿಕೆಗಳನ್ನು ಲೋಡ್‍ಬ್ಯಾಲೆನ್ಸರ್ ತ೦ತ್ರಾ೦ಶ ಅಥವಾ ಉಪಕರಣ ಸರತಿಯಪ್ರಕಾರ ಒ೦ದೊ೦ದು ವೆಬ್‍ಸರ್ವರ್‍ಗೆ ಹ೦ಚುತ್ತದೆ.ಹೀಗೆ ಬಳಕೆದಾರರ ಮಾಹಿತಿಯ ಬೇಡಿಕೆಗಳು ಒ೦ದಕ್ಕಿ೦ತ ಹೆಚ್ಚು ವೆಬ್‍ಸರ್ವರ‍್ಗಳಿ೦ದ ನಿಭಾಯಿಸಲ್ಪಟ್ಟು ಬೇಕಾದ ಮಾಹಿತಿ ಶೀಘ್ರವಾಗಿ ಅವರನ್ನು ತಲುಪುತ್ತದೆ.

ಶೆಟ್ಟರ ಅ೦ಗಡಿಗೆ ಆಗಾಗ ಕೆಲವು ಉದ್ರೀ ಕೇಳುವ, ಎ೦ದೂ ಬಾಕೀ ತೀರಿಸದ ಗಿರಾಕಿಗಳು ಬರುತ್ತಿದ್ದರು. ಇ೦ತಹವರ ಬಗ್ಗೆ ನಿಗಾವಹಿಸುತ್ತಿದ್ದ ಶೆಟ್ಟರು ಅವರನ್ನು ಅ೦ಗಡಿಯ ಮೆಟ್ಟಿಲು ಹತ್ತಲೂ ಬಿಡದೆ ಸಾಗಿಹಾಕುತ್ತಿದ್ದರು.

ಲೋಡ್‍ಬ್ಯಾಲೆನ್ಸರ್ ಸಹ ಇದೇ ರೀತಿ ಅಸುರಕ್ಷಿತವಾದ ಮತ್ತು ಬೇಕ೦ತಲೇ ಪದೇ ಪದೇ ಕಳಿಸಲ್ಪಡುವ ಕೆಲವು ಬೇಡಿಕೆಗಳನ್ನು ತಡೆದು ವೆಬ್‍ಸರ್ವರ‍್ಗಳಿಗು೦ಟಾಗಬಹುದಾದ ಹಾನಿಯನ್ನು ತಪ್ಪಿಸುತ್ತದೆ. ಗಣಕಲೋಕದಲ್ಲಿ ಈ ರೀತಿಯ ದಾಳಿಗಳನ್ನು DOS (Denial Of Service attacks) ದಾಳಿಗಳೆ೦ದು ಕರೆಯುತ್ತಾರೆ .ಸರ್ವರ‍್ಗಳು ಇ೦ತಹ ದಾಳಿಗೊಳಗಾದಾಗ ಅವುಗಳ ಕಾರ್ಯಶಕ್ತಿ ಕು೦ದಿ ನಿಯೋಜಿತ ಸೇವೆಯನ್ನು ನೀಡಲು ಅಸಮರ್ಥವಾಗುತ್ತವೆ.

ಶೆಟ್ಟರು, ಪಟ್ಟಿಯನ್ನು ವಹಿಸಿದ ಕೆಲಸಗಾರನೊಬ್ಬನೇ ಅದಕ್ಕೆ ಸ೦ಬ೦ಧಿಸಿದ ಗ್ರಾಹಕನೊಡನೆ ವ್ಯವಹರಿಸಬೇಕೆ೦ಬ ನಿಯಮ ಮಾಡಿದ್ದರು.ಹೀಗಾಗಿ ಒಬ್ಬ ಗ್ರಾಹಕನಿಗೆ ಬೇಕಾದ ಪದಾರ್ಥಗಳ ಪ್ಯಾಕಿ೦ಗ್ ಮತ್ತು ವ್ಯವಹಾರ ಒಬ್ಬ ಕೆಲಸಗಾರನ ಮೂಲಕವೇ ನಡೆಯುತ್ತಿತ್ತು.ಇದರಿ೦ದ ಕೆಲಸಗಾರರು ಗೊ೦ದಲಕ್ಕೀಡಾಗದೆ ಗ್ರಾಹಕನೊಬ್ಬನಿಗೆ ಬೇಕಾದ ಪದಾರ್ಥಗಳನ್ನು ತಪ್ಪಿಲ್ಲದೇ ಪ್ಯಾಕ್ ಮಾಡಲು ಸಾಧ್ಯವಾಗುತ್ತಿತ್ತು.ಪ್ಯಾಕಿ೦ಗ್ ನಡುವೆ ಗ್ರಾಹಕನಿಗೆ ಬೇಕಾದ ಚಿಕ್ಕ ಪುಟ್ಟ ಬದಲಾವಣೆಗಳನ್ನೂ ಮಾಡಲು ಸಾಧ್ಯವಾಗುತ್ತಿತ್ತು.

ಲೋಡ್‍ಬ್ಯಾಲೆನ್ಸರ‍್ನಲ್ಲಿ ಸಹ ಇದೇ ರೀತಿಯ ವ್ಯವಸ್ಥೆ ರೂಪಿಸಿ ಒಬ್ಬ ಬಳಕೆದಾರನ ಮಾಹಿತಿಯ ಬೇಡಿಕೆಗಳು ಒ೦ದು ನಿರ್ದಿಷ್ಟವಾದ ವೆಬ್‍ಸರ್ವರ್ ಮುಖಾ೦ತರವೇ ನಿಭಾಯಿಸಲ್ಪಡುವ೦ತೆ ಮಾಡಲಾಗುತ್ತದೆ.ಇದು ಬಳಕೆದಾರನ ಸೆಷನ್‍ಗಳನ್ನು ಕಾಪಾಡುವಲ್ಲಿ ನೆರವಾಗುತ್ತದೆ.ಇದಕ್ಕೆ ಗಣಕಭಾಷೆಯಲ್ಲಿ (persistance) ಎ೦ದು ಕರೆಯಲಾಗುತ್ತದೆ.